ਭਾਰਤ ਦੀ ਵਿਰਾਸਤ ਅਤੇ ਆਟੋਨਾਮਸ ਸੰਸਥਾ ਕੰਨਿਆ ਮਹਾਂ ਵਿਦਿਆਲਾ, ਜਲੰਧਰ ਦੇ ਸਾਇੰਸ ਵਿਭਾਗ ਦੁਆਰਾ ਇੰਸਟੀਚਿਊਸ਼ਨਜ਼ ਇਨੋਵੇਸ਼ਨ ਕੌਂਸਲ ਦੇ ਸਹਿਯੋਗ ਨਾਲ ਇੰਟਰਾ ਕਾਲਜ ਸਮਾਰਟ ਇੰਡੀਆ ਹੈਕਾਥੌਨ ਦਿਸ਼ਾ ਦਾ ਆਯੋਜਨ ਕੀਤਾ ਗਿਆ। ਉਭਰਦੇ ਹੋਏ ਇਨੋਵੇਟਰਾਂ ਵਿੱਚ ਨਵੀਨਤਾ ਦੀ ਭਾਵਨਾ ਪੈਦਾ ਕਰਨ, ਜਿਸ ਨਾਲ ਉਨ੍ਹਾਂ ਦੇ ਭਵਿੱਖ ਵਿੱਚ ਆਈਡਿਆ ਸ਼ੇਅਰਿੰਗ,ਪ੍ਰਭਾਵਸ਼ਾਲੀ ਸਹਿਯੋਗ, ਰਚਨਾਤਮਕਤਾ ਦੀ ਸਥਾਪਨਾ ਬਾਰੇ ਜਾਣੂ ਕਰਵਾਇਆ ਜਾ ਸਕਣ ਦੇ ਮੰਤਵ ਨਾਲ ਕਰਵਾਏ ਗਏ ਇਸ ਪ੍ਰੋਗਰਾਮ ਵਿੱਚ ਵਿਦਿਆਲਾ ਦੀਆਂ 150 ਤੋਂ ਵੱਧ ਵਿਦਿਆਰਥਣਾਂ ਨੇ 25 ਟੀਮਾਂ ਦੇ ਰੂਪ ਵਿੱਚ ਭਾਗ ਲਿਆ ਅਤੇ ਸਮਾਜਿਕ ਸਮੱਸਿਆਵਾਂ ਜਿਵੇਂ: ਵਰਤੇ ਗਏ ਮਾਸਕ ਦੇ ਪ੍ਰਬੰਧਨ, ਲੇਜ਼ਰ ਸੁਰੱਖਿਆ, ਬਿਜਲੀ ਸੰਕਟ, ਟੱਚ-ਲੈੱਸ ਸੈਨੀਟਾਈਜ਼ਰ, ਟੱਚ-ਲੈੱਸ ਹਾਜ਼ਰੀ ਪ੍ਰਣਾਲੀ ਆਦਿ ਬਾਰੇ ਆਪਣੇ ਵਿਚਾਰ ਪੇਸ਼ ਕੀਤੇ। ਇਸ ਪ੍ਰਤੀਯੋਗਿਤਾ ਵਿੱਚ ਜੱਜਾਂ ਦੁਆਰਾ ਮਨਿਸਟਰੀ ਆਫ਼ ਇਨੋਵੇਸ਼ਨ ਕੌਂਸਲ ਅਧੀਨ ਸਮਾਰਟ ਇੰਡੀਆ ਹੈਕਾਥੌਨ ਦੇ ਲਈ 15 ਵਿਚਾਰਾਂ ਦੀ ਚੋਣ ਕੀਤੀ ਗਈ। ਇਸ ਦੇ ਨਾਲ ਹੀ ਹਰਮਨਪ੍ਰੀਤ ਕੌਰ ਅਤੇ ਲਵਲੀਨ ਸੈਣੀ ਦੀ ਟੀਮ ਵੱਲੋਂ ਗ੍ਰਿਪਿੰਗ ਗ੍ਰਾਮਰ, ਰੁਸ਼ੀ ਚੰਬੇਲ, ਚਾਰੂ ਅਤੇ ਹਰਜੋਤ ਦੀ ਟੀਮ ਵੱਲੋਂ ਲੇਜ਼ਰ ਸਕਿਓਰਿਟੀ ਅਲਰਟ ਅਤੇ ਸੰਦੀਪ, ਸ਼ਰੂਤੀ ਅਤੇ ਅਰਸ਼ਦੀਪ ਦੀ ਟੀਮ ਵੱਲੋਂ ਸੇਗ ਰੀ ਕ੍ਰਿਏਟ ਵਰਗੇ ਵਿਚਾਰਾਂ ਨੂੰ ਗ੍ਰੈਂਡ ਫਿਨਾਲੇ ਦੇ ਲਈ ਚੁਣਿਆ ਗਿਆ।। ਵਿਦਿਆਲਾ ਪ੍ਰਿੰਸੀਪਲ ਪ੍ਰੋ. ਅਤਿਮਾ ਸ਼ਰਮਾ ਦਿਵੇਦੀ ਨੇ ਇਸ ਸ਼ਾਨਦਾਰ ਪ੍ਰਾਪਤੀ ਲਈ ਵਿਦਿਆਰਥਣਾਂ ਅਤੇ ਉਨ੍ਹਾਂ ਦੇ ਮਾਰਗਦਰਸ਼ਕ ਕਰਨ ਵਾਲੇ ਅਧਿਆਪਕ ਡਾ. ਨੀਤੂ ਚੋਪੜਾ, ਡਾ. ਨਰਿੰਦਰਜੀਤ ਅਤੇ ਡਾ. ਸੁਰਭੀ ਸ਼ਰਮਾ ਵੱਲੋਂ ਕੀਤੇ ਗਏ ਯਤਨਾਂ ਦੀ ਵੀ ਸ਼ਲਾਘਾ ਕੀਤੀ।