ਹੁਸ਼ਿਆਰਪੁਰ, ਬਹੁਜਨ ਸਮਾਜ ਪਾਰਟੀ ਵਲੋਂ ਸੂਬਾ ਪ੍ਰਧਾਨ ਅਤੇ ਸਾਬਕਾ ਰਾਜ ਸਭਾ ਮੈਂਬਰ ਡਾ. ਅਵਤਾਰ ਸਿੰਘ ਕਰੀਮਪੁਰੀ ਦੀ ਅਗਵਾਈ ਹੇਠ ਪਟਿਆਲਾ ਵਿਖੇ 2600 ਅਪਰੈਟਿਸਸ਼ਿਪ ਸ਼ਾਂਤਮਈ ਰੋਸ ਪ੍ਰਦਰਸ਼ਨ ਕਰ ਰਹੇ ਬੇ ਰੁਜਗਾਰ ਨੌਜਬਾਨਾਂ ਤੇ ਪੁਲਿਸ ਦੇ ਅੰਨ੍ਹੇ ਤਸ਼ੱਦਦ , ਪਸ਼ੂਆਂ ਵਾਂਗ ਡਾਂਗਾਂ ਨਾਲ ਬੇਤਹਾਸ਼ਾ ਕੁੱਟਮਾਰ ਦੇ ਵਿਰੋਧ ਵਿੱਚ ਅੱਜ ਡਿਪਟੀ ਕਮਿਸ਼ਨਰ ਦਫਤਰ ਹੁਸ਼ਿਆਰਪੁਰ ਵਿਖੇ ਰੋਸ ਪ੍ਰਦਰਸ਼ਨ ਕੀਤਾ ਅਤੇ ਪੰਜਾਬ ਦੇ ਰਾਜਪਾਲ ਦੇ ਨਾਂਅ ਤੇ ਮੰਗ ਪੱਤਰ ਭੇਜਿਆ।
ਇਸ ਮੌਕੇ ਇਕੱਠ ਨੂੰ ਸੰਬੋਧਨ ਕਰਦਿਆਂ ਡਾ. ਕਰੀਮਪੁਰੀ ਨੇ ਪੰਜਾਬ ਦੀਆਂ ਮੌਜੂਦਾ ਅਤੇ ਪੁਰਾਣੀਆਂ ਸਰਕਾਰਾਂ ਤੇ ਗੰਭੀਰ ਆਰੋਪ ਲਾਉਂਦਿਆਂ ਵੱਖ-ਵੱਖ ਸਰਕਾਰਾਂ ਦੇ ਕਾਰਜਕਾਲ ਦੌਰਾਨ ਆਪਣੇ ਹੱਕਾਂ, ਪੱਕੀ ਭਰਤੀ ਅਤੇ ਰੁਜ਼ਗਾਰ ਦੀ ਮੰਗ ਕਰ ਰਹੇ ਬੇਰੁਜ਼ਗਾਰ ਨੌਜਵਾਨਾਂ (ਈ.ਟੀ.ਟੀ., ਬੀ.ਐੱਡ. ਟੈੱਟ ਪਾਸ ਅਧਿਆਪਕ, ਲਾਈਨਮੈਨ ਅਤੇ ਸਿਹਤ ਕਰਮੀਆਂ) ਉੱਤੇ ਹੋਏ ਵਹਿਸ਼ੀਆਨਾ ਲਾਠੀਚਾਰਜਾਂ ਦੀਆਂ ਤਰੀਕਾਂ ਅਤੇ ਸਾਲਾਂ ਸਮੇਤ ਕੱਚਾ-ਚਿੱਠਾ ਜਨਤਕ ਕਰਦਿਆਂ ਕਿਹਾ ਕਿ ਪੰਜਾਬ ਅੰਦਰ ਪਿਛਲੇ ਦੋ ਦਹਾਕਿਆਂ ਦਾ ਇਤਿਹਾਸ ਗਵਾਹ ਹੈ ਕਿ ਸਰਕਾਰ ਭਾਵੇਂ ਅਕਾਲੀ-ਭਾਜਪਾ ਗਠਜੋੜ ਦੀ ਰਹੀ ਹੋਵੇ, ਕਾਂਗਰਸ ਦੀ ਜਾਂ ਫਿਰ ਮੌਜੂਦਾ ਆਮ ਆਦਮੀ ਪਾਰਟੀ ਦੀ ਪਰ ਸੂਬੇ ਦੀ ਜਵਾਨੀ ਦੀ ਆਵਾਜ਼ ਨੂੰ ਦਬਾਉਣ ਲਈ ਹਰ ਦੌਰ ਦੇ ਹਾਕਮਾਂ ਨੇ ਸਿਰਫ਼ ਲਾਠੀਚਾਰਜ, ਵਾਟਰ ਕੈਨਨ ਅਤੇ ਪੁਲਸੀਆ ਜਬਰ ਦਾ ਹੀ ਸਹਾਰਾ ਲਿਆ ਹੈ।
ਇਸ ਮੌਕੇ ਠੇਕੇਦਾਰ ਭਗਵਾਨ ਦਾਸ ਸਿਧੂ ਜਨਰਲ ਸਕੱਤਰ ਪੰਜਾਬ, ਗੁਰਨਾਮ ਚੌਧਰੀ ਜੋਨ ਇੰਚਾਰਜ ਪੰਜਾਬ, ਮਨਿੰਦਰ ਸ਼ੇਰਪੁਰੀ ਸਕੱਤਰ ਪੰਜਾਬ, ਦਲਜੀਤ ਰਾਏ ਜ਼ਿਲਾ ਪ੍ਰਧਾਨ, ਐਡਵੋਕੇਟ ਪਲਵਿੰਦਰ ਮਾਨਾ, ਮਦਨ ਸਿੰਘ ਬੈੰਸ ਇੰਚਾਰਜ ਵਿਧਾਨ ਸਭਾ, ਸੁਖਦੇਵ ਬਿਟਾ ਸਕੱਤਰ ਪੰਜਾਬ, ਸੁਰਜੀਤ ਮਹਿਮੀ ਪ੍ਰਧਾਨ ਵਿਧਾਨ ਸਭਾ, ਕ੍ਰਿਸ਼ਨਾ ਦੇਵੀ, ਨਿਸ਼ਾਨ ਚੌਧਰੀ, ਹਰਜੀਤ ਲਾਡੀ, ਡਾ. ਰਤਨ ਸਿੰਘ, ਰਮੇਸ਼ ਪਟਵਾਰੀ, ਬੀਬੀ ਮਹਿੰਦਰ ਕੌਰ, ਐਡਵੋਕੇਟ ਧਰਮਿੰਦਰ ਦਾਦਰਾ, ਯਸ਼ ਭੱਟੀ, ਸੋਮ ਨਾਥ ਬੈੰਸ,ਹਰਦੇਵ ਗੁਲਮਰਗ, ਬਖਸ਼ੀਸ਼ ਭੀਮ ਆਦਿ ਹਾਜਰ ਸਨ।
ਫੋਟੋ – ਰੋਸ ਪ੍ਰਦਰਸ਼ਨ ਕਰਦੇ ਬਸਪਾ ਆਗੂ ਤੇ ਵਰਕਰ।
