ਕੇਂਦਰ ਸਰਕਾਰ ਨੇ ਸੋਨਾ, ਚਾਂਦੀ ਤੇ ਹੋਰ ਕੀਮਤੀ ਧਾਤਾਂ ‘ਤੇ ਆਯਾਤ ਡਿਊਟੀ (ਇੰਪੋਰਟ ਡਿਊਟੀ) ਵਧਾ ਦਿੱਤੀ ਹੈ। ਇਸ ਦਾ ਮਤਲਬ ਹੈ ਕਿ ਵਿਦੇਸ਼ਾਂ ਤੋਂ ਸੋਨਾ, ਚਾਂਦੀ ਤੇ ਪਲੈਟੀਨਮ ‘ਤੇ ਹੁਣ ਉੱਚ ਟੈਕਸ ਲੱਗੇਗਾ। ਵਿੱਤ ਮੰਤਰਾਲੇ ਨੇ ਮੰਗਲਵਾਰ ਨੂੰ ਇਸ ਸੰਬੰਧੀ ਕਈ ਨੋਟੀਫਿਕੇਸ਼ਨ ਜਾਰੀ ਕੀਤੇ। ਨਵੀਆਂ ਦਰਾਂ ਅੱਜ (13 ਮਈ) ਤੋਂ ਲਾਗੂ ਹੋ ਗਈਆਂ ਹਨ। ਸਰਕਾਰ ਨੇ ਸੋਨੇ ‘ਤੇ ਇੰਪੋਰਟ ਡਿਊਟੀ 5% ਤੋਂ ਵਧਾ ਕੇ 10% ਕਰ ਦਿੱਤੀ ਹੈ। ਇਸ ਤੋਂ ਇਲਾਵਾ, ਸੈੱਸ (AIDC) ਵੀ ਵਧਾ ਦਿੱਤਾ ਗਿਆ ਹੈ। ਨੋਟੀਫਿਕੇਸ਼ਨ ਦੇ ਅਨੁਸਾਰ, ਨਵੀਆਂ ਦਰਾਂ ਨਾ ਸਿਰਫ਼ ਸੋਨੇ ਦੇ ਬਿਸਕੁਟ ਜਾਂ ਇੱਟਾਂ ‘ਤੇ ਲਾਗੂ ਹੁੰਦੀਆਂ ਹਨ, ਸਗੋਂ ਗਹਿਣਿਆਂ ਦੇ ਨਿਰਮਾਣ ‘ਚ ਵਰਤੇ ਜਾਣ ਵਾਲੇ ਛੋਟੇ ਹਿੱਸਿਆਂ, ਜਿਵੇਂ ਕਿ ਹੁੱਕ, ਪਿੰਨ ਤੇ ਪੇਚਾਂ ‘ਤੇ ਵੀ ਲਾਗੂ ਹੁੰਦੀਆਂ ਹਨ। ਇਸ ਤੋਂ ਇਲਾਵਾ, ਹੁਣ ਪੁਰਾਣੀਆਂ ਧਾਤਾਂ ਤੋਂ ਸੋਨਾ ਤੇ ਚਾਂਦੀ ਕੱਢਣ ਦੇ ਉਦੇਸ਼ ਨਾਲ ਸਕ੍ਰੈਪ ਸਮੱਗਰੀ ‘ਤੇ ਵੀ 10 ਪ੍ਰਤੀਸ਼ਤ ਟੈਕਸ ਲਗਾਇਆ ਜਾਵੇਗਾ।