ਕੈਨੇਡਾ ਵਿੱਚ ਕਤਲ ਕੀਤੀ ਗਈ ਪੰਜਾਬੀ ਇੰਫਲੂਐਂਸਰ ਨੈਂਸੀ ਗਰੇਵਾਲ ਦੇ ਮਾਮਲੇ ਵਿੱਚ ਇੱਕ ਨਵਾਂ ਮੋੜ ਸਾਹਮਣੇ ਆਇਆ ਹੈ। ਨੈਂਸੀ ਦੀ ਮੌਤ ਤੋਂ ਪਹਿਲਾਂ ਦੀ ਆਖਰੀ ਵੀਡੀਓ ਹੁਣ ਸਾਹਮਣੇ ਆਈ ਹੈ, ਜਿਸ ਨੇ ਇਸ ਮਾਮਲੇ ਨੂੰ ਹੋਰ ਵੀ ਭਾਵੁਕ ਅਤੇ ਗੰਭੀਰ ਬਣਾ ਦਿੱਤਾ ਹੈ।
ਇਹ ਵੀਡੀਓ ਨੈਂਸੀ ਦੀ ਭੈਣ ਅਲੀਸ਼ਾ ਗਰੇਵਾਲ ਵੱਲੋਂ ਸੋਸ਼ਲ ਮੀਡੀਆ ‘ਤੇ ਸਾਂਝੀ ਕੀਤੀ ਗਈ ਹੈ। ਵੀਡੀਓ ਵਿੱਚ ਨੈਂਸੀ ਘਰੋਂ ਬਾਹਰ ਨਿਕਲਦੀ ਹੋਈ, ਹੱਥ ਵਿੱਚ ਬੈਗ ਫੜ੍ਹ ਕੇ ਆਪਣੀ ਗੱਡੀ ਵਿੱਚ ਬੈਠਦੀ ਦਿੱਸ ਰਹੀ ਹੈ। ਅਲੀਸ਼ਾ ਨੇ ਇਸ ਵੀਡੀਓ ਨਾਲ ਭਾਵੁਕ ਸੁਨੇਹਾ ਲਿਖਿਆ, “ਆਈ ਮਿਸ ਯੂ ਸਿਸਟਰ, ਐਵਰੀ ਸਿੰਗਲ ਡੇਅ,” ਅਤੇ ਦੱਸਿਆ ਕਿ ਇਹ ਨੈਂਸੀ ਦੀ ਜ਼ਿੰਦਗੀ ਦੀ ਆਖਰੀ ਵੀਡੀਓ ਹੈ।
