ਜ਼ਿਲ੍ਹਾ ਹੁਸ਼ਿਆਰਪੁਰ ਦੇ ਮੁਕੇਰੀਆਂ ਵਿਖੇ ਵਾਪਰੇ ਸੜਕ ਹਾਦਸੇ ਵਿੱਚ ਭੈਣ ਦੀ ਮੌਤ ਹੋ ਗਈ ਅਤੇ ਭਰਾ ਗੰਭੀਰ ਰੂਪ ਵਿੱਚ ਜ਼ਖਮੀ ਹੈ। ਜਾਣਕਾਰੀ ਅਨੁਸਾਰ ਮੁਕੇਰੀਆਂ ਦੇ ਪਿੰਡ ਸਿੰਗੋਵਾਲ ਦੀ ਨਹਿਰ ਵਿੱਚ ਮੋਟਰ ਸਾਈਕਲ ਸਵਾਰ ਭੈਣ-ਭਰਾ ਡਿੱਗ ਪਏ। ਹਾਦਸੇ ਵਿੱਚ ਭੈਣ ਦੀ ਮੌਤ ਹੋ ਗਈ।

ਦੱਸ ਦਈਏ ਕਿ 19 ਸਾਲ ਦੀ ਨਿਤਿਕਾ ਦਾ ਵਿਆਹ ਮਹਿਜ਼ ਇੱਕ ਮਹੀਨਾ ਪਹਿਲਾਂ ਹੋਇਆ ਸੀ। ਭੈਣ-ਭਰਾ ਦਵਾਈ ਲੈ ਕੇ ਪਿੰਡ ਸਿੰਗੋਵਾਲ ਨੂੰ ਪਰਤ ਰਹੇ ਸਨ ਤਾਂ ਨਹਿਰ ‘ਤੇ ਆਵਾਰਾ ਪਸ਼ੂ ਲੜ ਰਹੇ ਸਨ। ਪਸ਼ੂਆਂ ਦੀ ਲੜਾਈ ਕਾਰਨ ਮੋਟਰ ਸਾਈਕਲ ਭੈਣ-ਭੈਣ ਨਹਿਰ ‘ਚ ਡਿੱਗ ਗਏ। ਹਾਦਸੇ ਵਿੱਚ ਨਿਤਿਕਾ ਦੀ ਮੌਤ ਹੋ ਗਈ ਅਤੇ 22 ਸਾਲਾ ਭਰਾ ਰਮਨ ਕੁਮਾਰ ਗੰਭੀਰ ਜ਼ਖ਼ਮੀ ਹੋ ਗਿਆ ਹੈ, ਜਿਸ ਦਾ ਇਲਾਜ ਮੁਕੇਰੀਆਂ ਦੇ ਹਸਪਤਾਲ ਵਿੱਚ ਚਲ ਰਿਹਾ ਹੈ।