ਹੰਸਰਾਜ ਮਹਿਲਾ ਮਹਾਵਿਦਿਆਲਾ, ਜਲੰਧਰ ਦੇ ਪੋਸਟ ਗ੍ਰੈਜੂਏਟ ਵਿਭਾਗ ਵੱਲੋਂ ਹੇਅਰ ਕਲਰਿੰਗ ਅਤੇ ਹੇਅਰ ਸਪਾ ਵਿਸ਼ੇ ’ਤੇ ਇਕ ਦਿਨਾ ਵਰਕਸ਼ਾਪ ਦਾ ਆਯੋਜਨ ਕੀਤਾ ਗਿਆ। ਬਤੌਰ ਰਿਸੋਰਸ ਪਰਸਨ ਸਟਰੀਕਸ ਤੋਂ ਹੇਅਰ ਐਕਸਪਰਟ ਰਾਹੁਲ ਅਤੇ ਜਤਿਨ ਮੌਜੂਦ ਸਨ। ਪਿ੍ਰੰਸੀਪਲ ਪ੍ਰੋ. ਡਾ. (ਸ਼੍ਰੀਮਤੀ) ਅਜੇ ਸਰੀਨ ਨੇ ਰਿਸੋਰਸ ਪਰਸਨ ਦਾ ਸਵਾਗਤ ਕੀਤਾ। ਇਸ ਵਰਕਸ਼ਾਪ ਵਿੱਚ ਉਨ੍ਹਾਂ ਨੇ ਵਿਦਿਆਰਥਣਾਂ ਨੂੰ ਕਲਰ ਦੇ ਸਿਧਾਂਤਾਂ ਅਤੇ ਅੰਤਰਰਾਸ਼ਟਰੀ ਹੇਅਰ ਕਲਰ ਪਾਰਟ ਦੀ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਵਿਦਿਆਰਥਣਾਂ ਨਾਲ ਅੰਡਰਟੋਨ ਅਤੇ ਕਰੈਕਟਿਵ ਟੋਂਸ ਦੀ ਵੀ ਜਾਣਕਾਰੀ ਸਾਂਝੀ ਕੀਤੀ। ਐਕਸਪਰਟਸ ਨੇ ਗਲੋਬਲ ਹੇਅਰ ਕਲਰਿੰਗ ਦੀ ਪੂਰੀ ਪ੍ਰਕ੍ਰਿਆ ਅਤੇ ਹੇਅਰ ਸਪਾ ਦੀ ਪੂਰੀ ਤਕਨੀਕ ਵਿਦਿਆਰਥਣਾਂ ਨੂੰ ਕਰਕੇ ਦਿਖਾਈ। ਵਿਦਿਆਰਥਣਾਂ ਨੇ ਉਨ੍ਹਾਂ ਤੋਂ ਕਈ ਸਵਾਲ ਵੀ ਪੁੱਛੇ। ਪਿ੍ਰੰਸੀਪਲ ਪ੍ਰੋ. ਡਾ. (ਸ਼੍ਰੀਮਤੀ) ਅਜੇ ਸਰੀਨ ਨੇ ਵਿਭਾਗ ਦੇ ਯਤਨਾਂ ਦੀ ਪ੍ਰਸ਼ੰਸਾ ਕੀਤੀ। ਇਸ ਮੌਕੇ ਤੇ ਵਿਭਾਗ ਮੁਖੀ ਸ਼੍ਰੀਮਤੀ ਮੁਕਤੀ ਅਰੋੜਾ, ਸੁਸ਼੍ਰੀ ਅਦਿਤੀ ਅਤੇ ਸੁਸ਼੍ਰੀ ਤ੍ਰਿਸ਼ਾ ਵੀ ਮੌਜੂਦ ਸਨ।