ਜਲੰਧਰ, (ਸੰੰਜੇੇ ਸ਼ਰਮਾ )-ਜਦੋਂ ਕਿਸੇ ਵਹੀਕਲ ਦਾ ਚਲਾਨ ਹੁੰਦਾ ਹੈ ,ਤਾਂ ਉਸਦਾ ਭੁਗਤਾਨ ਕਰਨ ਦੇ ਬਾਵਜੂਦ ਵੀ ਆਨਲਾਈਨ ਚਲਾਨ ਬੋਲਦਾ ਰਹਿੰਦਾ ਹੈ, ਕਈ ਵਾਰ ਤਾਂ ਦੋ ਵਾਰੀ ਵੀ ਚਲਾਨ ਦਾ ਭੁਗਤਾਨ ਕਰ ਦਿੱਤਾ ਜਾਂਦਾ ਹੈ , ਇਸ ਦੇ ਬਾਵਜੂਦ ਆਨਲਾਈਨ ਚਲਾਨ ਨਹੀਂ ਕੱਟਿਆ ਜਾਂਦਾ, ਜਿਸ ਕਰਕੇ ਆਰਸੀ ਟਰਾਂਸਫਰ ਨਹੀਂ ਹੁੰਦੀ ਤੇ ਵਹੀਕਲ ਦਾ ਮਾਲਕ ਬੁਰੀ ਤਰ੍ਹਾਂ ਪਰੇਸ਼ਾਨ ਹੁੰਦਾ ਹੈ, ਇਸ ਸਬੰਧ ਵਿੱਚ ਟੂ ਵੀਲਰ ਡੀਲਰ ਐਸੋਸੀਏਸ਼ਨ ਜਲੰਧਰ ਦਾ ਇੱਕ ਵਫਦ ਡੀਸੀਪੀ ਸੰਦੀਪ ਸ਼ਰਮਾ ਨੂੰ ਮਿਲਿਆ ਤੇ ਉਹਨਾਂ ਨੂੰ ਇੱਕ ਮੰਗ ਪੱਤਰ ਦਿੱਤਾ ਮੰਗ ਪੱਤਰ ਦੇਣ ਵਾਲਿਆਂ ਵਿੱਚ ਤਜਿੰਦਰ ਸਿੰਘ ਪਰਦੇਸੀ ਪ੍ਰਧਾਨ, ਹਰਪ੍ਰੀਤ ਸਿੰਘ ਨੀਟੂ, ਜਸਵਿੰਦਰ ਸਿੰਘ ਬਵੇਜਾ ,ਹਰਨੇਕ ਸਿੰਘ ਨੇਕੀ, ਰੋਹਿਤ ਕਾਲੜਾ,ਮਨਪ੍ਰੀਤ ਸਿੰਘ ਬਿੰਦਰਾ, ਜੋਗਿੰਦਰ ਪਾਲ ਸਿੱਕਾ, ਪ੍ਰਮੋਦ ਕੁਮਾਰ ਸੰਜੀਵ ਕੁਮਾਰ, ਤੇ ਰਾਜੂ ਜੀ ਸ਼ਾਮਿਲ ਸਨ, ਇਸ ਮੌਕੇ ਤੇ ਬੋਲਦਿਆਂ ਮੈਂਬਰਾਂ ਨੇ ਦੱਸਿਆ ਕਿ ਜਦੋਂ ਚਲਾਨ ਦਾ ਭੁਗਤਾਨ ਕਰ ਦਿੱਤਾ ਜਾਂਦਾ ਹੈ ਤਾਂ ਆਨਲਾਈਨ ਚਲਾਨ ਵੀ ਕੱਟਿਆ ਜਾਣਾ ਚਾਹੀਦਾ ਹੈ,ਜਦੋਂ ਅਸੀਂ ਗੱਡੀ ਟਰਾਂਸਫਰ ਲਈ ਭੇਜਦੇ ਹਾਂ ਤਾਂ ਆਨਲਾਈਨ ਚਲਾਨ ਬੋਲਣ ਕਰਕੇ ਉਹ ਟਰਾਂਸਫਰ ਨਹੀਂ ਹੁੰਦੀ ਅਗਰ ਉਸ ਵਹੀਕਲ ਤੇ ਕੋਈ ਵਾਰਦਾਤ ਜਾਂ ਲੁੱਟ ਖੋਹ ਹੋ ਜਾਂਦੀ ਹੈ ਤਾਂ ਟਰਾਂਸਫਰ ਨਾ ਹੋਣ ਕਰਕੇ ਜਿਸਦੇ ਨਾਮ ਤੇ ਉਹ ਗੱਡੀ ਬੋਲਦੀ ਹੈ ਉਸਨੂੰ ਬਹੁਤ ਸਾਰੀਆਂ ਕਾਨੂੰਨੀ ਪਰੇਸ਼ਾਨੀਆਂ ਦਾ ਸਾਹਮਣਾ ਕਰਨਾ ਪੈਂਦਾ ਹੈ, ਡੀਸੀਪੀ ਸੰਦੀਪ ਸ਼ਰਮਾ ਨੇ ਸਾਰੀਆਂ ਗੱਲਾਂ ਨੂੰ ਬੜੇ ਧਿਆਨ ਨਾਲ ਸੁਣਿਆ ਅਤੇ ਵਿਸ਼ਵਾਸ ਦਵਾਇਆ ਕਿ ਇਸ ਮਸਲੇ ਦਾ ਹਲ ਜਲਦੀ ਤੋਂ ਜਲਦੀ ਕੀਤਾ ਜਾਵੇਗਾ