ਜਲੰਧਰ, (ਸੰਜੇ ਸ਼ਰਮਾ)-ਡਾਕਖਾਨੇ ’ਚ ਪੈਸਿਆ ਜਮ੍ਹਾ ਕਰਵਾਉਣ ਸਬੰਧੀ ਅਕਸਰ ਲੋਕਾਂ ਨੂੰ ਕਾਫੀ ਸਮੱਸਿਆ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਕਈ ਵਾਰ ਸਰਵਰ ਦੀ ਸਮੱਸਿਆ ਆਉਦੀ ਹੈ। ਜਿਸ ਕਾਰਨ ਲੋਕਾਂ ਨੂੰ ਡਾਕਖਾਨੇ ਦੇ ਚੱਕਰ ਲਗਾਉਣੇ ਪੈਂਦੇ ਹਨ। ਅਕਸਰ ਸੁਣਨ ’ਚ ਆਉਦਾ ਹੈ ਕਿ ਸਰਵਰ ਬੰਦ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਲੋਕਾਂ ਦਾ ਕਹਿਣਾ ਹੈ ਕਿ ਜੇਕਰ ਸਰਵਰ ਬੰਦ ਹੈ ਤਾਂ ਕਿ ਅਧਿਕਾਰੀਆਂ ਦਾ ਕੰਮ ਕੀ ਹੈ ਇਹ ਇਕ ਸਵਾਲ ਹੈ। ਇਹ ਅਧਿਕਾਰੀ ਆਫਿਸਾਂ ਵਿਚ ਬੈਠ ਕੀ ਸਵੇਰ ਤੋਂ ਲੈ ਕੇ ਸ਼ਾਮ ਤੱਕ ਡਾਕ ਹੀ ਦੇਖਦੇ ਹਨ। ਸਰਕਾਰ ਵੱਲੋਂ ਕਈ ਸਾਰੀਆਂ ਸੇਵਾਵਾਂ ਦੀ ਸ਼ੁਰੂਆਤ ਕੀਤੀ ਗਈ ਹੈ ਪਰ ਲੋਕਾਂ ਦੇ ਖਾਤਿਆਂ ਵਿਚ ਪੈਸੇ ਜਮ੍ਹਾ ਹੀ ਨਹੀਂ ਹੁੰਦੇ ਕਿਉਕਿ ਅਧਿਕਾਰੀ ਵੱਲੋਂ ਸਰਵਰ ਬੰਦ ਹੋਣ ਦਾ ਕਹਿ ਦਿੱਤਾ ਜਾਂਦਾ ਹੈ।
ਕੀ ਕਹਿੰਦੇ ਹਨ ਅਧਿਕਾਰੀ
ਬਸ਼ਤੀ ਸ਼ੇਖ ਸੱਤਰਾ ਮਹੁੱਲਾ ’ਚ ਸਥਿਤ ਬਰਾਂਚ ਅਧਿਕਾਰੀ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਨੇ ਕਿਹਾ ਕਿ ਹੈਡ ਆਫਿਸ ਤੋਂ ਬੰਦ ਹੈ। ਇਹ ਪਿਛੋਂ ਹੀ ਚਲਦਾ ਹੈ। ਸਮਾਂ ਕੁਝ ਨਹੀਂ ਕਹਿ ਸਕਦੇ ਕਿ ਕਦੋ ਚਲੇਗਾ। ਅਜਿਹਾ ਕਈ ਵਾਰ ਹੁੰਦਾ ਹੈ।
ਕੀ ਕਹਿੰਦੇ ਹਨ ਸਿਟੀ ਆਫਿਸ ਅਧਿਕਾਰੀ
ਜਦੋਂ ਇਸ ਬਾਰੇ ਸਿਟੀ ਆਫਿਸ ਫੋਨ ਨੰਬਰ ’ਤੇ 181-2459850 ’ਤੇ ਸੰਪਰਕ ਕੀਤਾ ਤਾਂ ਉਨ੍ਹਾਂ ਨੇ ਰਿਜਨਲ ਆਫਿਸ 181224807 ’ਤੇ ਸੰਪਰਕ ਕਰੋ। ਇਸ ਨੰਬਰ ’ਤੇ ਸੰਪਰਕ ਕੀਤਾ ਤਾਂ ਕਿ ਡਾਇਲ ਕੀਤਾ ਵਰਤੋਂ ਵਿਚ ਨਹੀਂ ਹੈ। ਇਸ ਤਰ੍ਹਾਂ ਸਰਕਾਰੀ ਦਫਤਰਾਂ ਦਾ ਹਾਲ ਬੇਹਾਲ ਹੈ।