ਜਲੰਧਰ, ਧੰਨ ਧੰਨ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦੀ ਤੇਰਾ ਤੇਰਾ ਹੱਟੀ ਵਲੋਂ ਅੱਜ 6 ਅਪ੍ਰੈਲ ਦਿਨ ਐਤਵਾਰ 2025 ਨੂੰ (ਕਿਤਾਬਾਂ ਦਾ ਚੌਥਾ ਕੈਂਪ) ਸਵੇਰੇ 10 ਤੋਂ 2 ਵਜੇ ਤੱਕ ਕਿਤਾਬਾਂ ਦੀ ਮੁਫ਼ਤ ਸੇਵਾ ਦਾ ਕੈਂਪ ਲਗਾਇਆ ਗਿਆ, ਜਿਸ ਵਿੱਚ ਛੋਟੀ-ਵੱਡੀ ਹਰ ਕਲਾਸ ਦੀਆਂ ਕਿਤਾਬਾਂ ਮੁਫ਼ਤ ਅਤੇ ਕਾਪੀਆਂ ਅੱਧੇ ਰੇਟ ਤੇ ਦਿਤੀਆਂ ਗਈਆਂ, ਹਰ 10 ਕਿਤਾਬਾਂ ਨਾਲ ਇਕ ਪੇਨ ਵੀ ਮੁਫ਼ਤ ਦਿੱਤਾ ਗਿਆ
ਜਿਨ੍ਹਾਂ ਬੱਚਿਆਂ ਦਾ ਪਿਤਾ ਨਹੀਂ ਹੈ ਉਨਾਂ ਨੂੰ ਬੈਗ ਵੀ ਦਿੱਤੇ ਗਏ।
ਸੰਗਤ ਦੇ ਸਹਿਯੋਗ ਨਾਲ ਤਕਰੀਬਨ 27 ਹਜ਼ਾਰ ਪੁਰਾਣੀਆਂ ਕਿਤਾਬਾਂ ਸੇਵਾ ਵਿੱਚ ਆਈਆਂ ਅਤੇ ਬੱਚਿਆਂ ਵਿੱਚ ਵੰਡੀਆਂ ਗਈਆਂ।
ਇਸ ਮੌਕੇ ਤੇ ਜਲੰਧਰ ਦੇ ਮੇਅਰ ਸ੍ਰੀ ਵਿਨੀਤ ਧੀਰ, ਕੌਂਸਲਰ ਮਨਜੀਤ ਸਿੰਘ ਟੀਟੂ, ਐਡਵੋਕੇਟ ਅਮਿਤ ਸਿੰਘ ਸੰਧਾ, ਸੌਰਵ ਸੇਠ, ਕੌਂਸਲਰ ਡਾਕਟਰ ਮਨੀਸ਼ ਕੁਮਾਰ ਨੇ ਤੇਰਾ ਤੇਰਾ ਹੱਟੀ ਦੇ ਇਸ ਉਪਰਾਲੇ ਦੀ ਸ਼ਲਾਂਘਾ ਕੀਤੀ।
ਤੇਰਾ ਤੇਰਾ ਹੱਟੀ ਪਿੱਛਲੇ 7 ਸਾਲ ਤੋਂ ਹਰ ਸਮਾਨ 13 ਰੁਪਏ ਵਿੱਚ ਦੇ ਕੇ ਲੋੜਵੰਦ ਪਰਿਵਾਰਾਂ ਦੀ ਸੇਵਾ ਕਰ ਰਹੀ ਹੈ।
ਇਸ ਮੌਕੇ ਤੇ ਤੇਰਾ ਤੇਰਾ ਹੱਟੀ ਦੇ ਮੁੱਖ ਸੇਵਾਦਾਰ ਤਰਵਿੰਦਰ ਸਿੰਘ ਰਿੰਕੂ, ਗੁਰਦੀਪ ਸਿੰਘ ਕਾਰਵਾਂ,ਅਮਰਪ੍ਰੀਤ ਸਿੰਘ,ਯਾਦਵਿੰਦਰ ਸਿੰਘ,ਜਸਵਿੰਦਰ ਸਿੰਘ ਪਨੇਸਰ,ਅਮਨਦੀਪ ਸਿੰਘ,ਪਰਵਿੰਦਰ ਸਿੰਘ ਖਾਲਸਾ, ਵਰਿੰਦਰ ਸਿੰਘ, ਹਰਤਰਮਨ ਸਿੰਘ,ਮਨਦੀਪ ਕੌਰ,ਅਮਰਜੀਤ ਕੌਰ,ਸੁਰਿੰਦਰ ਕੌਰ,ਪ੍ਰਭਜੋਤ ਕੌਰ,ਇਸ਼ਰੀਨ ਕੌਰ,ਕਾਰਤਿਕ ਬਤਰਾ,ਆਰੀਅਨ ਬੱਤਰਾ ਨੇ ਹਿੱਸਾ ਲਿਆ।
