ਜਲੰਧਰ,(ਸੰਜੇ ਸ਼ਰਮਾ)-ਦਿੱਲੀ ਵਿਚ ਅੱਜ ਤੋਂ ਤਕਰੀਬਨ 39 ਸਾਲ ਪਹਿਲਾਂ ਸਿੱਖਾਂ ਨੂੰ ਭਾਵੇ ਕਿਸੇ ਵੀ ਪਾਰਟੀ ਨਾਲ ਸਬੰਧ ਰੱਖਦੇ ਸਨ ਸਿੱਖ ਬੀਬੀਆਂ ਤੇ ਬੱਚਿਆਂ ਨੂੰ ਖੋਹ ਖੋਹ ਕੇ ਮਾਰਿਆ ਗਿਆ ਗੱਲਾਂ ਵਿੱਚ ਜਲਦੇ ਟਾੲਰ ਪਾਏ ਗਏ ਪਰ ਅੱਜ ਤੱਕ ਸਿੱਖ ਕੌਮ ਨੂੰ ਇਨਸਾਫ ਨਹੀਂ ਮਿਲਿਆ। ਕਤਲੇਆਮ ਦੇ ਦੋਸ਼ੀ ਸਮੇਤ ਜਗਦੀਸ਼ ਟਾਈਟਲਰ ਜਿਹੇ ਸਾਰੇ ਬੇਖੌਫ ਬਾਹਰ ਘੁੰਮ ਰਹੇ ਹਨ। ਸਿੱਖ ਤਾਲਮੇਲ ਕਮੇਟੀ ਦੇ ਆਗੂ ਤਜਿੰਦਰ ਸਿੰਘ ਪ੍ਰਦੇਸੀ,ਹਰਪਾਲ ਸਿੰਘ ਚੱਡਾ,ਹਰਪ੍ਰੀਤ ਸਿੰਘ ਨੀਟੂ,ਪ੍ਰਭਜੋਤ ਸਿੰਘ ਖਾਲਸਾ, ਵਿੱਕੀ ਸਿੰਘ ਖ਼ਾਲਸਾ,ਹਰਪ੍ਰੀਤ ਸਿੰਘ,ਸੰਨੀ ਸਿੰਘ ਖਾਲਸਾ,ਗੁਰਦੀਪ ਸਿੰਘ ਲੱਕੀ ਅਤੇ ਗੁਰਵਿੰਦਰ ਸਿੰਘ ਨਾਗੀ ਨੇ ਇਕ ਸਾਂਝੇ ਬਿਆਨ ਵਿੱਚ ਕਿਹਾ ਹੈ ਕਿ ਕਤਲੇਆਮ ਦੇ ਦੋਸ਼ੀ ਸੱਜਣ ਕੁਮਾਰ ਨੂੰ ਜੇਲ ਅੰਦਰ ਡੱਕਣ ਨਾਲ ਸਿੱਖ ਹਿਰਦਿਆਂ ਨੂੰ ਕੁਝ ਸ਼ਾਂਤੀ ਮਿਲੀ ਸੀ ਪਰ ਅੱਜ ਅਦਾਲਤ ਵੱਲੋਂ ਉਸ ਉੱਤੇ ਧਾਰਾ 302 ਹਟਾਉਣ ਨਾਲ ਸਿੱਖ ਹਿਰਦੇ ਛੱਲੀ ਛਲੀ ਹੋ ਗਏ ਹਨ ਇਸ ਨਾਲ ਸਿੱਖਾਂ ਦੇ ਜ਼ਖਮਾਂ ਤੇ ਲੂਣ ਛਿੜਕਿਆ ਗਿਆ ਹੈ ਉਕਤ ਆਗੂਆਂ ਨੇ ਕਿਹਾ ਇਸ ਢੰਗ ਨਾਲ ਸਿੱਖ ਕੌਮ ਨਾਲ ਧੱਕਾ ਕੀਤਾ ਜਾ ਰਿਹਾ ਹੈ।ਥਾਣੇ ਉੱਪਰ ਹਮਲੇ ਦੇ ਦੋਸ਼ ਵਿਚ ਅੰਮ੍ਰਿਤਪਾਲ ਸਿੰਘ ਸਮੇਤ ਅਨੇਕਾਂ ਸਿੱਖਾਂ ਤੇ ਧਾਰਾ ਐਮ.ਐਸ.ਏ ਨਾ ਦਿੱਤੀ ਗਈ। ਪਰ ਹਰਿਆਣੇ ਅੰਦਰ ਪੁਲਿਸ ਥਾਣੇ ਨੂੰ ਅੱਗ ਲਗਾ ਦਿੱਤੀ ਗਈ ਅਤੇ ਦੋਸ਼ੀਆਂ ਨੂੰ ਜਮਾਨਤਾ ਮਿਲ ਗਈਆਂ। ਕੀ ਇਹ ਦੋਗਲੇ ਕਾਨੂੰਨ ਦੀ ਨਿਸ਼ਾਨੀ ਨਹੀਂ ?
ਇਹੋ ਜਿਹੀਆਂ ਗੱਲਾਂ ਸਿੱਖ ਕੌਮ ਅੰਦਰ ਨਿਰਾਸ਼ਾ ਤੇ ਬੇਗਾਨਗੀ ਦੀ ਭਾਵਨਾ ਪੈਦਾ ਕਰਦੀਆਂ ਹਨ। ਜੋ ਕਿ ਦੇਸ਼ ਦੀ ਏਕਤਾ ਤੇ ਅਖੰਡਤਾ ਲਈ ਠੀਕ ਨਹੀਂ ਹੈ।