ਨਵਸਾਰੀ ਸ਼ਹਿਰ (ਗੁਜਰਾਤ) ਵਿਚ ਇਕ ਹੈਰਾਨ ਕਰਨ ਵਾਲੀ ਘਟਨਾ ਸਾਹਮਣੇ ਆਈ ਹੈ। ਇਥੇ ਪਤੀ ਦੀ ਮੌਤ ਦੀ ਖ਼ਬਰ ਸੁਣਦਿਆਂ ਹੀ ਪਤਨੀ ਨੇ ਪ੍ਰਾਣ ਤਿਆਗ ਦਿੱਤੇ। ਪਤੀ ਦੀ ਮੌਤ ਤੋਂ ਅੱਧੇ ਘੰਟੇ ਬਾਅਦ ਹੀ ਪਤਨੀ ਦੀ ਮੌਤ ਹੋ ਗਈ।

ਇਸ ਘਟਨਾ ਤੋਂ ਬਾਅਦ ਪਰਿਵਾਰ ਵਿਚ ਸੋਗ ਦੀ ਲਹਿਰ ਹੈ। ਪਤੀ ਦੇ ਵਿਛੋੜੇ ਦੇ ਸਦਮੇ ਕਾਰਨ ਪਤਨੀ ਦੀ ਵੀ ਮੌਤ ਹੋ ਗਈ। ਇਸ ਘਟਨਾ ਨਾਲ ਪੂਰੇ ਇਲਾਕੇ ‘ਚ ਮਾਤਮ ਛਾ ਗਿਆ ਹੈ। ਘਟਨਾ ਨਵਸਾਰੀ ਦੇ ਖੇਰਗਾਮ ਦੇ ਤੋਰਾਵਨਵੇਰਾ ਪਿੰਡ ਦੀ ਹੈ। ਇੱਥੇ ਇਕ ਹਾਦਸੇ ਵਿਚ ਅਰੁਣ ਗਾਵਿਤ ਨਾਮ ਦੇ 38 ਸਾਲਾ ਨੌਜਵਾਨ ਦੀ ਮੌਤ ਹੋ ਗਈ। ਇਹ ਖ਼ਬਰ ਸੁਣਦਿਆਂ ਹੀ ਅਰੁਣ ਦੀ ਪਤਨੀ ਭਾਵਨਾ ਗਾਵਿਤ ਬੇਹੋਸ਼ ਹੋ ਗਈ। ਉਸ ਨੂੰ ਇਲਾਜ ਲਈ ਹਸਪਤਾਲ ਲਿਜਾਇਆ ਗਿਆ, ਪਰ ਪਤਨੀ ਦੀ ਵੀ ਦਿਲ ਦਾ ਦੌਰਾ ਪੈਣ ਨਾਲ ਮੌਤ ਹੋ ਗਈ।ਪਤੀ ਦੀ ਮੌਤ ਦੇ ਅੱਧੇ ਘੰਟੇ ਵਿੱਚ ਹੀ ਪਤਨੀ ਦੀ ਵੀ ਮੌਤ ਹੋ ਗਈ। ਜੋੜੇ ਦੇ ਦੋ ਬੱਚੇ ਹਨ। ਪਤੀ-ਪਤਨੀ ਦੀ ਮੌਤ ਪਿੱਛੋਂ ਦੋ ਬੱਚਿਆਂ ਦੇ ਸਿਰ ਉਤੋਂ ਮਾਪਿਆਂ ਦਾ ਹੱਥ ਉਠ ਗਿਆ। ਮ੍ਰਿਤਕ ਭਾਵਨਾ ਗਾਵਿਤ ਖੇਰਗਾਮ ਦੀ ਸਾਬਕਾ ਸਰਪੰਚ ਵੀ ਸੀ।