ਜਲੰਧਰ, (ਸੰਜੇ ਸ਼ਰਮਾ)-ਭਾਰਤੀ ਕਿਸਾਨ ਯੂਨੀਅਨ ਰਾਜੇਵਾਲ ਦੇ ਪ੍ਰਧਾਨ ਮਨਦੀਪ ਸਿੰਘ ਸਮਰਾ ਦੀ ਅਗਵਾਈ ਵਿਚ ਮੁੱਖ ਮੰਤਰੀ ਦੇ ਨਾਮ ਤੇ ਇਕ ਡੀਸੀ ਜਲੰਧਰ ਨੂੰ ਬੇਮੋਸਮੀ ਬਾਰਿਸ਼ ਨਾਲ ਖਰਾਬ ਹੋਇਆ ਫਸਲਾਂ ਦੀ ਤੁਰੰਤ ਗਰਦਾਵਰੀ ਕਰਵਾ ਕੇ ਕਿਸਾਨਾਂ ਨੂੰ ਬਣਦਾ ਮੁਆਵਾਜ ਦਿੱਤਾ ਜਾਵੇ ਅਤੇ ਜਿੰਨੀ ਕਿਸਾਨ ਕਸਟ ਕਰ ਰਹੇ ਹਨ ਉਨ੍ਹਾਂ ਨੂੰ ਰਕਵੇ ਦਾ ਮੁਆਵਾਜਾ ਦਿੱਤਾ ਜਾਵੇ। ਪੰਜ ਕਿਲ੍ਹੇ ਤੱਕ ਜੋ ਸਰਕਾਰ ਮੁਆਵਾਜ ਦੇਣ ਦੀ ਗੱਲ ਕਰਦੀ ਹੈ ਉਸਨੂੰ ਅਸੀਂ ਮੁੁੱਢ ਤੋਂ ਰੱਕ ਕਰਦੇ ਹਾਂ ਅਤੇ ਘੱਟ ਤੋਂ ਘੱਟ 15 ਹਜਾਰ ਮੁਆਵਾਜੇ ਨਾਲ ਕਿਸਾਨਾਂ ਦੀ ਪੂਰਤੀ ਨਹੀਂ ਹੋ ਸਕਦੀ। 50 ਹਜਾਰ ਮੁਆਵਾਜ ਇਕ ਕਿਲ੍ਹੇ ਦਾ ਦਿੱਤਾ ਜਾਵੇ ਅਤੇ ਜੋ ਕਿਸਾਨਾਂ ਦਾ ਕਰਜਾ ਤੁਰੰਤ ਮੁਆਫ ਕੀਤਾ ਜਾਵੇ ਇਸ ਮੌਕੇ ’ਤੇ ਕਸ਼ਮੀਰ ਸਿੰਘ ਜੰਡਿਆਲਾ ਨੇ ਕਿਹਾ ਕਿ ਜੇਕਰ ਸਰਕਾਰ ਨੇ ਇਸ ਵੱਲ ਧਿਆਨ ਨਾ ਦਿੱਤਾ ਤਾਂ ਖੁਦਕੁਸ਼ੀਆਂ ਵਿਚ ਵਾਧਾ ਹੋਵੇਗਾ ਅਤੇ ਸਰਕਾਰ ਨੂੰ ਜਿਮਨੀ ਚੋਣਾਂ ਵਿਚ ਵੀ ਕਿਸਾਨਾਂ ਦੇ ਰੋਸ਼ ਦਾ ਸਾਹਮਣਾ ਕਰਨਾ ਪਵੇਗਾ। ਜਲੰਧਰ ਦੀ ਜਿਮਨੀ ਚੋਣ ਵਿਚ ਵੀ ਕਿਸਾਨਾਂ ਦੇ ਰੋਸ਼ ਦਾ ਸਾਹਮਣਾ ਕਰਨਾ ਪਵੇਗਾ ਅਤੇ ਜੋ ਕਿਸਾਨਾਂ ਨਾਲ ਸਰਕਾਰ ਨੇ ਵਾਧੇ ਦਿੱਤੇ ਸੀ ਉਨ੍ਹਾਂ ਨੂੰ ਵੀ ਤੁਰੰਤ ਪੂਰਾ ਕੀਤਾ ਜਾਵੇ। ਇਸ ਮੌਕੇ ’ਤੇ ਸ. ਮੋਹਨ ਸਿੰਘ ਫੌਜੀ, ਸੁਰਿੰਦਰ ਸਿੰਘ, ਦਰਵੇਸ਼ ਪਿੰਡ, ਬਲਾਕ ਪ੍ਰਧਾਨ ਫਗਵਾੜਾ ਹਰਪਾਲ ਸਿੰਘ ਢੰਡੋਰੀ, ਰਣਜੀਤ ਸਿੰਘ ਢੰਡੋਰ, ਬਲਵਿੰਦਰ ਸਿੰਘ ਫਤਿਹਪੁਰ, ਗੁਰਚੇਤਨ ਸਿੰਘ ਮੁਆਈ, ਜਸਵੀਰ ਸਿੰਘ ਜੰਡੂ ਸੰਘਾ, ਤਰਲੋਕ ਸਿੰਘ ਆਦਿ ਨਜਰ ਆਏ।