ਹਰਿਆਣਾ ਦੇ ਹਿਸਾਰ ਜ਼ਿਲ੍ਹੇ ਦੇ ਪਿੰਡ ਸੋਰਖੀ ਦੀ ਮੁਰ੍ਹਾ ਨਸਲ ਦੀ ਮੱਝ ਗੰਗਾ ਨੇ ਇਕ ਦਿਨ ਵਿਚ 31 ਲੀਟਰ 100 ਗ੍ਰਾਮ ਦੁੱਧ ਦੇ ਕੇ ਪੰਜਾਬ ਅਤੇ ਹਰਿਆਣਾ ਵਿੱਚ ਇਸ ਸਾਲ ਦਾ ਰਿਕਾਰਡ ਬਣਾਇਆ ਹੈ।ਕਰਨਾਲ ਦੇ ਰਾਸ਼ਟਰੀ ਡੇਅਰੀ ਮੇਲੇ ਵਿੱਚ ਗੰਗਾ ਨੇ ਪਹਿਲਾ ਇਨਾਮ ਜਿੱਤਿਆ ਹੈ। ਗੰਗਾ ਦੇ ਮਾਲਕ ਜੈ ਸਿੰਘ ਸੋਰਖੀ ਨੂੰ ਪਸ਼ੂ ਪਾਲਣ ਵਿਭਾਗ ਦੇ ਅਧਿਕਾਰੀਆਂ ਵੱਲੋਂ 21 ਹਜ਼ਾਰ ਰੁਪਏ ਦੇ ਕੇ ਸਨਮਾਨਿਤ ਕੀਤਾ ਗਿਆ। ਪਿੰਡ ਸੋਰਖੀ ਦੇ ਵਸਨੀਕ ਜੈਸਿੰਘ ਨੇ ਦੱਸਿਆ ਕਿ ਉਸ ਨੇ ਸਾਲ 2011 ਵਿਚ ਪਸ਼ੂ ਪਾਲਣ ਦਾ ਧੰਦਾ ਸ਼ੁਰੂ ਕੀਤਾ ਸੀ।

ਜੈ ਸਿੰਘ ਨੇ ਦੱਸਿਆ ਕਿ ਗੰਗਾ ਨੇ ਇਸ ਸਾਲ ਕਰਨਾਲ ਦੇ ਕੌਮੀ ਡੇਅਰੀ ਮੇਲੇ ਵਿੱਚ ਇੱਕ ਦਿਨ ਵਿੱਚ 31 ਕਿਲੋ 100 ਗ੍ਰਾਮ ਦੁੱਧ ਦੇ ਕੇ ਪੰਜਾਬ ਅਤੇ ਹਰਿਆਣਾ ਲਈ ਰਿਕਾਰਡ ਬਣਾਇਆ ਹੈ। ਗੰਗਾ ਨੇ ਨੈਸ਼ਨਲ ਡੇਅਰੀ ਵਿੱਚ ਪਹਿਲਾ ਸਥਾਨ ਹਾਸਲ ਕੀਤਾ ਹੈ। ਇਸ ਦੇ ਲਈ ਉਸ ਨੂੰ 21 ਹਜ਼ਾਰ ਰੁਪਏ ਦਾ ਇਨਾਮ ਮਿਲਿਆ ਹੈ।ਉਨ੍ਹਾਂ ਦੱਸਿਆ ਕਿ ਗੰਗਾ ਹਰ ਮਹੀਨੇ ਕਰੀਬ 60 ਹਜ਼ਾਰ ਰੁਪਏ ਦਾ ਦੁੱਧ ਦਿੰਦੀ ਹੈ। ਉਸ ਦੀ ਉਮਰ 15 ਸਾਲ ਹੈ। ਜਦੋਂ ਗੰਗਾ 5 ਸਾਲ ਦੀ ਸੀ ਤਾਂ ਇਸ ਨੂੰ ਖਰੀਦਿਆ ਸੀ। ਉਹ ਇਸ ਨੂੰ ਆਪਣੇ ਬੱਚੇ ਦੀ ਤਰ੍ਹਾਂ ਸੰਭਾਲਦਾ ਹੈ। ਗੰਗਾ ਨੂੰ ਫੀਡ ਅਤੇ ਗੁੜ ਖੁਆਇਆ ਜਾਂਦਾ ਹੈ। ਮੁਰ੍ਹਾ ਮੱਝਾਂ ਗੰਗਾ ਦਾ ਦੁੱਧ 65 ਰੁਪਏ ਪ੍ਰਤੀ ਕਿਲੋ ਦੇ ਹਿਸਾਬ ਨਾਲ ਵੇਚਦੇ ਹਨ।