ਜਲੰਧਰ, (ਸੰਜੇ ਸ਼ਰਮਾ)-ਗੜ੍ਹਾ ਵਿਖੇ ਬੀਤੇ ਦਿਨੀਂ ਸਤਿਗੁਰੂ ਕਬੀਰ ਮਹਾਰਾਜ ਜੀ ਦੇ 625ਵੇਂ ਪ੍ਰਕਾਸ਼ ਪੂਰਬ ਦੇ ਸਬੰਧ ’ਚ ਵਿਸ਼ਾਲ ਸੋਭਾ ਯਾਤਰਾ ਕੱਢੀ ਗਈ ਸੀ। ਇਹ ਯਾਤਰਾ ਅਚਾਰੀਆ ਜਗਦੀਸ਼ ਜੀ ਮਹੰਤ ਕਬੀਰ ਪੰਥ ਪੰਜਾਬ ਕਮੇਟੀ ਸਤਿਗੁਰੂ ਕਬੀਰ ਭਵਨ ਵੱਲੋਂ ਲੇਬਰ ਕਲੋਨੀ, ਗੜ੍ਹਾ ਬਜਾਰ, ਅਰਬਨ ਸਟੇਟ ਫੇਜ-1 ਤੋਂ ਪਰਿਕਰਮਾ ਕਰਦੇ ਹੋਏ ਮੰਦਰ ’ਚ ਸਮਾਪਤੀ ਹੋਈ। ਇਸ ਦੌਰਾਨ ਵੱਖ-ਵੱਖ ਥਾਵਾਂ ’ਤੇ ਸੰਗਤਾਂ ਵੱਲੋਂ ਲੰਗਰ ਲਗਾਏ ਗਏ ਸਨ। ਇਸ ਮੌਕੇ ’ਤੇ ਸਤਿਗੁਰੂ ਕਬੀਰ ਭਵਨ ਗੜ੍ਹਾ ਸੰਸਥਾਪਕ ਇੰਦਰ ਭਗਤ ਨੇ ਰਾਜਨੀਤਿਕ ਅਤੇ ਧਾਰਮਿਕ ਆਗੂਆਂ ਦਾ ਸਨਮਾਨਤ ਕੀਤਾ। ਉਨ੍ਹਾਂ ਨੇ ਕਿਹਾ ਕਿ ਬੜੇ ਹੀ ਮਾਨ ਦੀ ਗੱਲ ਹੈ ਕਿ ਕਬੀਰ ਸਾਹਿਬ ਜੀ ਦਾ ਪ੍ਰਕਾਸ਼ ਪੂਰਬ ਸਮੁੱਚਾ ਸੰਸਾਰ ਬਹੁਤ ਹੀ ਸ਼ਰਧਾ ਭਾਵਨਾ ਨਾਲ ਮਨਾ ਰਹੇ ਹਨ। ਇਹ ਯਾਤਰਾ ਦੌਰਾਨ ਨੋਜਵਾਨ, ਬਜੁਰਗ ਆਦਿ ਹਰ ਕੋਈ ਸੇਵਾ ਕਰ ਰਹੇ ਹਨ। ਉਨ੍ਹਾਂ ਨੇ ਸਮੂਹ ਸੰਗਤਾਂ ਦਾ ਧੰਨਵਾਦ ਕੀਤਾ ਜਿਨ੍ਹਾਂ ਨੇ ਵੱਧ ਚੜ੍ਹ ਕੇ ਯੋਗਦਾਨ ਦਿੱਤੇ ਹਨ। ਇਸ ਮੌਕੇ ’ਤੇ ਸੁਰਿੰਦਰ ਸਿੰਘ ਸੋਢੀ ਹਲਕਾ ਇੰਚਾਰਜ ਜਲੰਧਰ ਕੈਂਟ, ਰਾਜਵਿੰਦਰ ਕੌਰ ਖਹਿੜਾ ਸਟੇਟ ਸੈਕਟਰੀ, ਸੁਭਾਸ਼ ਭਗਤ ਚੇਅਰਮੈਨ ਮਾਰਕੀਟ ਕਮੇਟੀ ਜਲੰਧਰ ਕੈਂਟ, ਡਾ ਸ਼ਿਵ ਦਿਆਲ ਮਾਲੀ ਬੀਜੇਪੀ ਨੇਤਾ, ਮਨੋਹਰ ਲਾਲ ਡੋਗਰਾ, ਦਰਸ਼ਨ ਮਹਿਤਾ, ਵੈਦ ਪ੍ਰਕਾਸ਼ ਦਾਣਾ, ਸਰਦਾਰੀ ਲਾਲ, ਅਸ਼ੋਕ ਕੈਪਟਨ, ਕਬੀਰ ਬੱਬੂ, ਸੁਧੀਰ ਭਗਤ ਸ਼ਾਮਲ ਹੋਏ।