ਜਲੰਧਰ,(ਸੰਜੇ ਸ਼ਰਮਾ)-ਸ੍ਰੀ ਗੁਰੂ ਨਾਨਕ ਸਾਹਿਬ ਜੀ ਦੀ ਤੀਸਰੀ ਜੋਤ ਸ੍ਰੀ ਗੁਰੂ ਅਮਰਦ‍ਾਸ ਸਾਹਿਬ ਜੀ ਦੇ ਆਗਮਨ ਪੂਰਬ 4 ਮਈ ਦਿਨ ਵੀਰਵਾਰ ਨੂੰ ਆ ਰਿਹਾ ਹੈ, ਆਗਮਨ ਪੂਰਬ ਨੂੰ ਸਮਰਪਿਤ 4 ਦਿਨਾਂ ਗੁਰਮਤਿ ਸਮਾਗਮ 1ਮਈ ਤੋਂ 4 ਮਈ ਤੱਕ ਲਗਾਤਾਰ ਗੁਰਦੁਆਰਾ ਗੁਰਦੇਵ ਨਗਰ ਨਵੀ  ਦਾਣਾ ਮੰਡੀ ਵਿਖੇ ਹੋਣਗੇ। ਇਹ ਜਾਣਕਾਰੀ ਦੇੰਦੇ ਹੋਏ,  ਗੁਰੂ ਘਰ ਦੇ ਮੁੱਖ ਸੇਵਾਦਾਰ ਰਾਜਿੰਦਰ ਸਿੰਘ ਮਿਗਲਾਨੀ ਅਤੇ ਹਰਪ੍ਰੀਤ ਸਿੰਘ ਨੀਟੂ ਨੇ ਦੱਸਿਆ ਕਿ 1 ਮਈ ਸ਼ਾਮ 6 ਵਜੇ ਆਰੰਭ ਸਬਦ ਚੋੰਕੀ ਗੁਰੂ ਘਰ ਤੋਂ ਆਰੰਭ ਹੋਕੇ ਗੁਰਦੁਆਰਾ ਪ੍ਰਭਾਤ ਨਗਰ ਗਾਜੀਗੂਲਾ,ਗੁਰਦੁਆਰਾ ਕਰਾਂਰ ਖਾਂ ਮੋਹਲੇ,ਗੁਰਚਰਨ ਸਿੰਘ ਦੀ ਚੱਕੀ,ਸੰਤਾ ਦੇ ਗੁਰਦੁਆਰੇ ਤੋਂ ਹੁੰਦੇ ਹੋਏ,ਜਸਪਾਲ ਸਿੰਘ ਦੀ ਚੱਕੀ ਤੋਂ ਬਾਅਦ ਵਾਪਿਸ ਗੁਰੂ ਘਰ ਵਿਖੇ ਸਮਾਪਤ ਹੋਵੇਗੀ। ਸਾਰੇ ਰਸਤੇ ਸੰਗਤਾਂ ਗੁਰੂ ਜਸ ਕਰਦੀਆਂ ਜਾਣਗੀਆਂ।  2 ਮਈ ਤੋਂ 4 ਮਈ ਤੱਕ ਸ਼ਾਮ 6 ਵਜੇ ਤੋਂ 10 ਵਜੇ ਤਕ ਲਗਾਤਾਰ ਗੁਰਮਤਿ ਸਮਾਗਮ ਹੋਣਗੇ, ਜਿਨ੍ਹਾਂ ਵਿਚ ਪੰਥ ਪ੍ਰਸਿੱਧ ਰਾਗੀ ਜਥੇ ਭਾਈ ਅਮਰਜੀਤ ਸਿੰਘ ਪਟਿਆਲੇ ਵਾਲੇ,ਭਾਈ ਸ਼ੋਕੀਨ ਸਿੰਘ ਹਜੂਰੀ ਰਾਗੀ ਸਚਖੰਡ ਦਰਬਾਰ ਸਾਹਿਬ ,ਭਾਈ ਦਵਿੰਦਰ ਸਿੰਘ ਹਜੂਰੀ ਰਾਗੀ,ਭਾਈ ਜਸਪਾਲ ਸਿੰਘ ਅਖੰਡ ਕੀਰਤਨੀ ਜਥੇ ਵਾਲੇ ਅਤੇ ਕਥਾਵਾਚਕ ਭਾਈ ਗੁਰਮੀਤ ਸਿੰਘ ਜਲੰਧਰ ਵਾਲੇ,ਭਾਈ ਜਸਕਬੀਰ ਤੋਂ ਇਲਾਵਾਂ ਭਾਈ ਦਿਲਬਾਗ ਸਿੰਘ ਗੁਰਦਾਸਪੁਰ ਵਾਲੇ ਤੇ ਹਜੁਰੀ ਰਾਗੀ ਗੁਰੂ ਘਰ ਵਾਲੇ ਸੰਗਤਾਂ ਨੂੰ ਕੀਰਤਨ ਅਤੇ ਕਥਾ ਨਾਲ ਨਿਹਾਲ ਕਰਨਗੇ। ਗੁਰੂ ਕੇ ਲੰਗਰ ਲਗਾਤਾਰ ਅਟੂਟ ਚਲਦੇ ਰਹਿਣਗੇ, ਬੇਨਤੀ ਹੈ ਆਪਣੇ ਬੱਚਿਆਂ ਨੂੰ ਸਿੱਖ ਇਤਿਹਾਸ ਨਾਲ ਜੋੜਨ ਲਈ ਨਾਲ ਲੈ ਕੇ ਆਓ।ਇਸ ਮੌਕੇ ਤੇ  ਭਾਈ ਜਸਬੀਰ ਸਿੰਘ, ਹਰਜੀਤ ਸਿੰਘ ਕਾਲੜਾ,ਪ੍ਰਤਿਪਾਲ ਸਿੰਘ ਚਾਵਲਾ, ਗਗਨਦੀਪ ਸਿੰਘ ਮਿਗਲਾਨੀ,ਜਤਿੰਦਰ ਮੋਹਨ ਸਿੰਘ, ਦਰਸ਼ਨ ਸਿੰਘ,ਗੁਰਮਿੰਦਰ ਸਿੰਘ ਮੰਨਾ,ਦੀਪਕ ਜੀ ਅਤੇ ਸਿੱਖ ਤਾਲਮੇਲ ਕਮੇਟੀ ਦੇ ਤਜਿੰਦਰ ਸਿੰਘ  ਪਰਦੇਸੀ ਤੇ ਵਿੱਕੀ ਸਿੰਘ ਖਾਲਸਾ ਹਾਜਰ ਸਨ।