ਜਲੰਧਰ, (ਸੰਜੇ)-ਬਸਤੀ ਸ਼ੇਖ ਸੱਤਰਾ ਮੁਹੱਲਾ ’ਚ ਪਾਣੀ ਸਮੱਸਿਆ ਦਾ ਹੁਣ ਹੱਲ ਹੋ ਜਾਵੇਗਾ। ਦੋ ਦਿਨਾਂ ਤੋਂ ਪਾਣੀ ਦੀ ਸਮੱਸਿਆ ਨਾਲ ਮੁਹੱਲਾ ਵਾਸੀਆਂ ਨੂੰ ਜੁਝਣਾ ਪੈ ਰਿਹਾ ਸੀ। ਜਾਣਕਾਰੀ ਦਿੰਦਿਆਂ ਸਾਬਕਾ ਡਿਪਟੀ ਮੇਅਰ ਸਿਮਰਨਜੀਤ ਸਿੰਘ ਬੰਟੀ ਨੇ ਕਿਹਾ ਕਿ ਇਹ ਸਮੱਸਿਆ ਪਾਣੀ ਦਾ ਸਤਰ ਨਿਵਾਂ ਹੋਣ ਕਾਰਨ ਆਉਦੀ ਸੀ। ਪਰ ਹੁਣ ਨਵਾਂ ਟਿੳੂਬਲ ਲਗਾਉਣ ਦਾ ਕੰਮ ਜਲਦੀ ਸ਼ੁਰੂ ਕੀਤਾ ਜਾਵੇਗਾ। ਉਨ੍ਹਾਂ ਨੇ ਕਿਹਾ ਕਿ ਬੇਸ਼ਕ ਮੇਰਾ ਅੱਠ ਮਹੀਨਿਆਂ ਤੋਂ ਕਾਰਜ ਸਮਾਪਤ ਹੋ ਚੁੱਕਾ ਹੈ ਪਰ ਲੋਕਾਂ ਦੀ ਸਮੱਸਿਆ ਨੂੰ ਹਲ ਕਰਵਾਉਣ ਲਈ ਹਮੇਸ਼ਾ ਹੀ ਆਪਣੇ ਮੁਹੱਲੇ ਵਾਸੀਆਂ ਦੇ ਨਾਲ ਹਾਂ। ਵਾਰਡ ਵਾਸੀ ਮੇਰਾ ਪਰਿਵਾਰ ਹੈ। ਇਨ੍ਹਾਂ ਦੀ ਸਮੱਸਿਆ ਮੇਰੀ ਸਮੱਸਿਆ ਹੈ। ਪਿਛਲੇ ਕਈ ਮਹੀਨਿਆਂ ਤੋਂ ਪੁਰਾਣਾ ਟਿ੍ੳੂਬਲ ਬਾਰ-ਬਾਰ ਖਰਾਬ ਹੋ ਜਾਂਦਾ ਸੀ। ਜਿਸ ਕਾਰਨ ਇਲਾਕਾ ਵਾਸੀਆਂ ਨੂੰ ਪਾਣੀ ਪਰੋਪਰ ਨਹੀਂ ਮਿਲ ਪਾ ਰਿਹਾ ਸੀ ਪਰ ਹੁਣ ਟਿੳੂਬਲ ਵੀ ਨਵਾਂ ਅਤੇ ਥਾਂ ਵੀ ਬਦਲ ਦਿੱਤੀ ਗਈ ਹੈ। ਟਿ੍ੳੂਬਲ ਲਗਾਉਣ ਲਈ ਸਮਾਨ ਆ ਚੁੱਕਾ ਹੈ।