ਜਲੰਧਰ ( ਵਿੱਕੀ ਸੂਰੀ )-ਜੈ ਮਾਂ ਛਿਨਮਸਤੀਕਾ ਸੇਵਾ ਸੁਸਾਇਟੀ ਦੀ 22ਵੇਂ ਜਾਗਰਣ ਦੇ ਬਾਬਤ ਪਹਿਲੀ ਮੀਟਿੰਗ ਸ. ਮਨਜੀਤ ਸਿੰਘ ਟੀਟੂ (ਕੌਂਸਲਰ ਵਾਰਡ ਨੰਬਰ 50) ਦੇ ਦਫਤਰ ਵਿੱਚ ਹੋਈ ਜਿਸ ਵਿੱਚ ਵਰਿੰਦਰ ਕੁਮਾਰ ਰਿੰਪਾ ਨੂੰ ਸਰਬ ਸੰਮਤੀ ਨਾਲ ਪ੍ਰਧਾਨ ਚੁਣਿਆ ਗਿਆ ਤੇ ਇਸ ਵਾਰ ਦਾ ਜਾਗਰਣ ਪ੍ਰਧਾਨ ਜੀ ਦੀ ਅਗਵਾਈ ਵਿੱਚ ਲਾਲਾ ਜਗਤ ਨਾਰਾਇਣ ਧਰਮਸ਼ਾਲਾ ਮਾਤਾ ਚਿੰਤਪੁਰਨੀ ਦਰਬਾਰ (ਹਿਮਾਚਲ ਪ੍ਰਦੇਸ਼) ਵਿਖੇ ਹੋਵੇਗਾ ਬਸਤੀ ਸ਼ੇਖ ਤੋਂ ਤਕਰੀਬਨ 30 ਤੋਂ 35 ਬੱਸਾਂ ਦਾ ਕਾਫਲਾ ਸੰਗਤ ਦੇ ਰੂਪ ਵਿੱਚ ਜਾਗਰਣ ਤੇ ਜਾਵੇਗਾ।ਇਸ ਜਾਗਰਣ ਦੇ ਸਾਰੇ ਪ੍ਰਬੰਧ ਨੂੰ ਚਲਾਉਣ ਲਈ ਮੁੱਖ ਸਹਿਯੋਗ ਪੰਜਾਬ ਕੇਸਰੀ ਗਰੁੱਪ ਅਤੇ (ਸਾਬਕਾ ਐਮਪੀ) ਸੁਸ਼ੀਲ ਕੁਮਾਰ ਰਿੰਕੂ ਜੀ ,(ਸਾਬਕਾ ਐਮਐਲਏ)ਸ਼ੀਤਲ ਅਗੁਰਾਲ ਜੀ ਤੇ ਭਾਜਪਾ ਦੇ ਸੀਨੀਅਰ ਨੇਤਾ ਅਮਿਤ ਤਨੇਜਾ ਜੀ ਦਾ ਹੋਵੇਗਾ ।
ਇਹ ਕਾਫਲਾ ਸਵੇਰੇ 9 ਵਜੇ ਵੈਲਕਮ ਗਰੁੱਪ ਦੇ ਦਫਤਰ ਤੋਂ ਰਵਾਨਾ ਹੋਵੇਗਾ ਤੇ ਇਸ ਤੋਂ ਪਹਿਲਾ ਪੂਜਾ ਅਰਚਨਾ ਹੋਵੇਗੀ ਤੇ ਇਸ ਮੌਕੇ ਤੇ ਆਈ ਸੰਗਤ ਵਾਸਤੇ ਨਰਿੰਦਰ ਨੰਦਾ ਜੀ ਤੇ ਉਹਨਾਂ ਦੇ ਪਰਿਵਾਰ ਵੱਲੋਂ ਹਰ ਸਾਲ ਦੀ ਤਰ੍ਹਾਂ ਇਸ ਸਾਲ ਵੀ ਲੰਗਰ ਲਗਾਇਆ ਜਾਵੇਗਾ ਤੇ ਰਸਤੇ ਵਿੱਚ ਤਲਵਾੜੇ ਵਿਖੇ ਗਗਨਦੀਪ ਗੋਰੀ (ਪਤੰਗਾ ਵਾਲੇ) ਸੰਗਤ ਵਾਸਤੇ ਲੰਗਰ ਦਾ ਇੰਤਜ਼ਾਮ ਕਰਨਗੇ । ਜਾਗਰਣ ਤੇ ਲਾਈਟ, ਸਾਊਂਡ ,ਟੈਂਟ ਤੇ ਡੈਕੋਰੇਸ਼ਨ ਦੀ ਸੇਵਾ ਬਿਨਾਂ ਕਿਸੇ ਮੁਨਾਫੇ ਤੋਂ ਗਰਵ ਟੈਂਟ ਹਾਊਸ ਵੱਲੋਂ ਕੀਤੀ ਜਾਵੇਗੀ। ਜਾਗਰਣ ਦੇ ਦੌਰਾਨ ਵਿਪਾਨ ਅਨੰਦ ਅਤੇ ਉਹਨਾਂ ਦੇ ਪਰਿਵਾਰ ਵੱਲੋਂ ਰਾਤ ਦਾ ਲੰਗਰ ਅਤੇ ਕ੍ਰਿਮਿਕਾ ਆਈਸਕ੍ਰੀਮ ਵੱਲੋ ਆਈਸਕ੍ਰੀਮ ਦੀ ਲੰਗਰ ਦੀ ਸੇਵਾ ਕੀਤੀ ਜਾਵੇਗੀ ਤੇ ਜਾਗਰਣ ਦਾ ਸਾਰਾ (LIVE) ਟੈਲੀਕਾਸਟ ਵੈਲਕਮ ਪੰਜਾਬ ਨਿਊਜ ਚੈਨਲ ਤੇ ਦਿਖਾਇਆ ਜਾਏਗਾ।
ਇਸ ਮੌਕੇ ਤੇ ਵਾਰਡ ਨੰਬਰ 50 ਕੌਂਸਲਰ ਮਨਜੀਤ ਸਿੰਘ ਟੀਟੂ,ਅਮਰਪ੍ਰੀਤ ਸਿੰਘ ਰਿੰਕੂ, ਇੰਦਰਜੀਤ ਸਿੰਘ ਬੱਬਰ, ਗੁਰਮੀਤ ਸਿੰਘ ਮੀਤ,ਜੀਵਨ ਜੋਤੀ ਟੰਡਨ,ਤਰਲੋਚਨ ਸਿੰਘ ਛਾਬੜਾ, ਗੁਰਸ਼ਰਨ ਸਿੰਘ ਛੰਨੂ,ਵਿਪਨ ਆਨੰਦ,ਰਕੇਸ਼ ਕੁਮਾਰ ਲਾਡੀ, ਸੰਜੂ ਅਬਰੋਲ, ਸੰਨੀ ਧੰਜਲ, ਨਰਿੰਦਰ ਨੰਦਾ, ਰਜਤ ਧੰਜਲ, ਨੀਰਜ ਮੱਕੜ,ਰਾਜੂ, ਸੁਰਿੰਦਰ ਕੁਮਾਰ ਸ਼ਰਮਾ ਪੱਪੂ, ਗੁਰਸ਼ਰਨ ਸਿੰਘ ਛੰਨੂ, ਪੰਕਜ ਕੁਮਾਰ ਸੋਨੂ ਬਾਬਾ, ਦੀਪਕ ਕੁਮਾਰ, ਦੀਪਕ ਸ਼ਰਮਾ, ਸੁਰਿੰਦਰ ਸਿੰਘ ਅਲੱਗ, ਅਮਨਦੀਪ ਸਿੰਘ ਦੀਪੂ ਮੀਟਿੰਗ ਚ ਮੌਜੂਦ ਸਨ
ਇਸ ਜਾਗਰਣ ਦੀ ਜਾਣਕਾਰੀ ਸੈਕਟਰੀ ਵਿੱਕੀ ਸੂਰੀ ਵੱਲੋਂ ਦਿੱਤੀ ਗਈ |
