ਪਟਿਆਲਾ, ਭਾਰਤ ਵਿੱਚ ਬਹੁਤ ਸਾਰੇ ਅਜਿਹੇ ਸ਼ਹਿਰ ਹਨ ਜਿਨ੍ਹਾਂ ਦਾ ਨਾਮ ਕਿਸੇ ਨਾ ਕਿਸੇ ਕਾਰਨ ਕਰਕੇ ਮਸ਼ਹੂਰ ਹੈ। ਪਰ ਪੰਜਾਬ ਦਾ ਪਟਿਆਲਾ ਇੱਕੋ ਇੱਕ ਅਜਿਹਾ ਸ਼ਹਿਰ ਹੈ ਜਿੱਥੇ ਸੂਟ (ਔਰਤਾਂ ਦਾ ਪਹਿਰਾਵਾ) ਅਤੇ ਪੈੱਗ (ਸ਼ਰਾਬ) ਦੋਵੇਂ ਇਸਦੇ ਨਾਮ ‘ਤੇ ਮਸ਼ਹੂਰ ਹਨ। ਤੁਸੀਂ ਅਕਸਰ ਲੋਕਾਂ ਨੂੰ ਪਟਿਆਲਾ ਸੂਟ ਸਿਵਾਉਣ ਬਾਰੇ ਗੱਲਾਂ ਕਰਦੇ ਸੁਣਿਆ ਹੋਵੇਗਾ। ਫ਼ਿਲਮਾਂ ਅਤੇ ਗੀਤਾਂ ਵਿੱਚ ਪਟਿਆਲਾ ਪੈੱਗ ਵੀ ਬਹੁਤ ਮਸ਼ਹੂਰ ਹੈ। ਇਸ ਬਾਰੇ ਬਹੁਤ ਸਾਰੀਆਂ ਕਹਾਣੀਆਂ ਪ੍ਰਚਲਿਤ ਹਨ।

ਪਟਿਆਲੇ ਦੇ ਕਿੱਲੇ ਨੂੰ ਅਕਸਰ ਪੰਜਾਬੀ ਸੱਭਿਆਚਾਰ ਦਾ ਪ੍ਰਤੀਕ ਮੰਨਿਆ ਜਾਂਦਾ ਹੈ।ਪਟਿਆਲਾ ਪੈੱਗ (Patiala Peg) ਹਮੇਸ਼ਾ ਆਪਣੀ ਵੱਡੀ ਮਾਤਰਾ ਲਈ ਜਾਣਿਆ ਜਾਂਦਾ ਰਿਹਾ ਹੈ। ਪਰ ਕੀ ਤੁਸੀਂ ਕਦੇ ਸੋਚਿਆ ਹੈ ਕਿ ਇਸਨੂੰ ਚੰਡੀਗੜ੍ਹ, ਬਠਿੰਡਾ, ਜੈਪੁਰ, ਦਿੱਲੀ ਦਾ ਪੈੱਗ ਕਿਉਂ ਨਹੀਂ ਕਿਹਾ ਜਾਂਦਾ, ਬਲਕਿ ਪਟਿਆਲਾ ਪੈੱਗ ਹੀ ਕਿਉਂ ਕਿਹਾ ਜਾਂਦਾ ਹੈ? ਅੱਜ ਅਸੀਂ ਤੁਹਾਨੂੰ ਦੱਸ ਰਹੇ ਹਾਂ ਕਿ ਪਟਿਆਲਾ ਕਿਉਂ ਖਾਸ ਹੈ ਅਤੇ ਇਸਦਾ ਪੰਜਾਬ ਦੇ ਮਹਾਰਾਜਾ ਅਤੇ ਇਤਿਹਾਸ ਨਾਲ ਕੀ ਸਬੰਧ ਹੈ। ਪਟਿਆਲਾ ਪੈੱਗ ਦੀ ਕਹਾਣੀ ਪਟਿਆਲਾ ਦੇ ਮਹਾਰਾਜਾ ਭੁਪਿੰਦਰ ਸਿੰਘ ਦੀ ਸ਼ਾਨਦਾਰ ਜੀਵਨ ਸ਼ੈਲੀ ਅਤੇ ਐਸ਼ੋ-ਆਰਾਮ ਨਾਲ ਜੁੜੀ ਹੋਈ ਹੈ।