ਪੰਜਾਬ ਸਰਕਾਰ ਦੇ ਦਿਵਾਲੀ ਬੰਪਰ ਦਾ 11 ਕਰੋੜ ਦਾ ਵਿਜੇਤਾ ਮਿਲ ਗਿਆ ਹੈ। ਜਾਣਕਾਰੀ ਮਿਲੀ ਹੈ ਰਾਜਸਥਾਨ ਦੇ ਜੈਪੁਰ ਦੇ ਕਠਪੁਤਲੀ ਦਾ ਰਹਿਣ ਵਾਲਾ ਅਮਿਤ ਸੇਹਰਾ ਸਬਜ਼ੀ ਦੀ ਰੇਹੜੀ ਲਗਾਉਂਦਾ ਹੈ, ਜਿਸ ਦੀ ਲਾਟਰੀ ਨਿਕਲੀ ਹੈ। ਉਸ ਨੇ ਬਠਿੰਡਾ ਦੇ ਰਤਨ ਲਾਟਰੀ ਕਾਊਂਟਰ ਤੋਂ ਟਿਕਟ ਖਰੀਦੀ ਸੀ। ਜਦੋਂ ਇਹ ਲਾਟਰੀ ਨਿਕਲੀ, ਉਦੋਂ ਤੋਂ ਹੀ ਇਸ ਖੁਸ਼ਕਿਸਮਤ ਦੀ ਭਾਲ ਕੀਤੀ ਜਾ ਰਹੀ ਸੀ। ਹੁਣ ਜਾਣਕਾਰੀ ਮਿਲੀ ਹੈ ਕਿ ਇਸ ਲਾਟਰੀ ਦਾ ਜੇਤੂ ਜੈਪੁਰ ਤੋਂ ਬਠਿੰਡਾ ਪਹੁੰਚੇਗਾ। ਟਿਕਟ ਨੰਬਰ ਦੇ ਆਧਾਰ ‘ਤੇ ਬਠਿੰਡਾ ਦੀ ਲਾਟਰੀ ਏਜੰਸੀ ਜੇਤੂ ਦੀ ਤਲਾਸ਼ ਕਰ ਰਹੀ ਸੀ ਅਤੇ ਹੁਣ ਉਹ ਮਿਲ ਗਿਆ ਹੈ।