ਫਿਲੌਰ ਦੇ ਮੁਹੱਲਾ ਭੰਡੇਰਾ ਤੋਂ ਇੱਕ ਹੈਰਾਨ ਕਰ ਦੇਣ ਵਾਲਾ ਮਾਮਲਾ ਸਾਹਮਣੇ ਆਇਆ ਹੈ, ਜਿੱਥੇ ਲੜਕੇ ਤੋਂ ਲੜਕੀ ਬਣੀ ਅਲੀਸ਼ਾ ਨਗਨ ਅਵਸਥਾ ‘ਚ ਗਲੀਆਂ ‘ਚ ਘੁੰਮਣ ਲੱਗੀ। ਇਸ ਪੂਰੀ ਘਟਨਾ ਦੀ ਵੀਡੀਓ ਸੋਸ਼ਲ ਮੀਡੀਆ ‘ਤੇ ਕਾਫੀ ਵਾਇਰਲ ਹੋ ਰਹੀ ਹੈ। ਅਲੀਸ਼ਾ ਨੂੰ ਨਗਨ ਅਵਸਥਾ ‘ਚ ਘੁੰਮਦੀ ਦੇਖ ਲੋਕਾਂ ਨੇ ਉਸ ਨੂੰ ਢੱਕਿਆ ਤੇ ਉਸ ਘਰ ਅੰਦਰ ਲੈ ਗਏ। ਇਸ ਪੂਰੀ ਘਟਨਾ ਤੋਂ ਬਾਅਦ ਮੁਹੱਲਾ ਨਿਵਾਸੀਆਂ ‘ਚ ਗੁੱਸਾ ਹੈ ਤੇ ਉਨ੍ਹਾਂ ਦਾ ਕਹਿਣਾ ਹੈ ਕਿ ਨਗਨ ਅਵਸਥਾ ‘ਚ ਘੁੰਮਣ ਵਾਲੀ ਅਲੀਸ਼ਾ ‘ਤੇ ਕਾਰਵਾਈ ਹੋਣੀ ਚਾਹੀਦੀ ਹੈ।
ਘਟਨਾ ਦੀ ਜਾਣਕਾਰੀ ਦਿੰਦੇ ਹੋਏ ਮੁਹੱਲਾ ਭੰਡੇਰਾ ਦੀ ਨਿਵਾਸੀ ਪੰਮੀ ਨੇ ਦੱਸਿਆ ਕਿ ਉਨ੍ਹਾਂ ਦੇ ਘਰ ਦੇ ਨੇੜੇ ਅਕਾਸ਼ ਤੋਂ ਅਲੀਸ਼ਾ ਬਣੀ ਲੜਕੀ ਰਹਿੰਦੀ ਹੈ। ਉਹ ਖੁਦ ਨੂੰ ਮਹੰਤ ਦੱਸਦੀ ਹੈ, ਪਰ ਉਸ ਦੇ ਤੌਰ-ਚੱਲਣ ਮਹੰਤਾ ਵਾਲੇ ਨਹੀਂ ਹਨ। ਉਨ੍ਹਾਂ ਨੇ ਦੱਸਿਆ ਕਿ ਅਲੀਸ਼ਾ ਹਮੇਸ਼ਾ ਗਲੀ ‘ਚ ਛੋਟੇ ਕਪੜੇ ਪਾ ਕੇ ਘੁੰਮਦੀ ਹੈ। ਇੱਕ ਦਿਨ ਜਦੋਂ ਉਨ੍ਹਾਂ ਦੇ ਮੁਹੱਲੇ ‘ਚ ਕਿਸੇ ਦੀ ਮੌਤ ਹੋ ਗਈ ਤਾਂ ਅਫ਼ਸੋਸ ਕਰਨ ਆਈਆਂ ਔਰਤਾਂ ਨੇ ਉਸ ਨੂੰ ਸਹੀ ਢੰਗ ਦੇ ਕੱਪੜੇ ਪਾਉਣ ਲਈ ਕਿਹਾ। ਅਲੀਸ਼ਾ ਅਰਧ ਨਗਨ (ਛੋਟੇ ਕਪੜੇ ਪਾ ਕੇ) ਅਵਸਥਾ ‘ਚ ਘੁੰਮ ਰਹੀ ਸੀ।
ਪੰਮੀ ਨੇ ਦੱਸਿਆ ਕਿ ਅਲੀਸ਼ਾ ਇਹ ਗੱਲ ਸੁਣ ਕੇ ਭੜਕ ਗਈ ਤੇ ਆਪਣੇ ਸਾਰੇ ਕਪੜੇ ਉਤਾਰ ਦਿੱਤੇ ਤੇ ਪੂਰੀ ਤਰ੍ਹਾਂ ਨਗਨ ਅਵਸਥਾ ‘ਚ ਘੁੰਮਣ ਲੱਗੀ। ਇਸ ਤੋਂ ਬਾਅਦ ਲੋਕਾਂ ਨੇ ਉਸ ਨੂੰ ਰੋਕਿਆ ਤੇ ਉਸ ਦੇ ਨਗਨ ਸਰੀਰ ਨੂੰ ਢੱਕ ਕੇ ਘਰ ਅੰਦਰ ਲੈ ਗਏ। ਇਸ ਪੂਰੀ ਘਟਨਾ ਤੋਂ ਬਾਅਦ ਮੁਹੱਲਾ ਨਿਵਾਸੀਆਂ ਨੇ ਪੁਲਿਸ ਨੂੰ ਸ਼ਿਕਾਇਤ ਦਿੱਤੀ ਹੈ ਤੇ ਕਿਹਾ ਹੈ ਕਿ ਅਲੀਸ਼ਾ ਖਿਲਾਫ਼ ਕਾਰਵਾਈ ਕੀਤੀ ਜਾਵੇ।
