ਲੁਧਿਆਣਾ ਦੇ ਇੱਕ ਹੋਟਲ ਤੋਂ ਹੈਰਾਨ ਕਰ ਦੇਣ ਵਾਲੀ ਘਟਨਾ ਸਾਹਮਣੇ ਆਈ ਹੈ, ਜਿੱਥੇ ਇੱਕ ਪ੍ਰੇਮੀ ਨੇ ਨਰਸ ਪ੍ਰੇਮਿਕਾ ਦਾ ਕਤਲ ਕਰ ਦਿੱਤਾ। ਹਾਲਾਂਕਿ, ਇਸ ਤੋਂ ਪਹਿਲਾਂ ਪ੍ਰੇਮਿਕਾ ਨੇ ਪ੍ਰੇਮੀ ਦਾ ਪ੍ਰਾਈਵੇਟ ਪਾਰਟ ਕੱਟਰ ਨਾਲ ਕੱਟ ਦਿੱਤਾ। ਦਰਅਸਲ, ਦੋਵੇਂ ਇੱਕ ਹੋਟਲ ‘ਚ ਸਬੰਧ ਬਣਾ ਰਹੇ ਸਨ, ਇਸੇ ਵਿਚਕਾਰ ਪ੍ਰੇਮੀ ਨੇ ਪ੍ਰੇਮਿਕਾ ਨਾਲ ਵਿਆਹ ਕਰਨ ਤੋਂ ਇਨਕਾਰ ਕਰ ਦਿੱਤਾ, ਜਿਸ ਤੋਂ ਬਾਅਦ ਉਸ ਨੇ ਪ੍ਰੇਮੀ ਦਾ ਪ੍ਰਾਈਵੇਟ ਪਾਰਟ ਕੱਟਰ ਨਾਲ ਕੱਟ ਦਿੱਤਾ। ਇਸ ਤੋਂ ਬਾਅਦ ਉਸ ਨੇ ਪ੍ਰੇਮਿਕਾ ਦਾ ਕਤਲ ਕਰ ਦਿੱਤਾ। ਇਸ ਸਭ ਤੋਂ ਬਾਅਦ ਪ੍ਰੇਮੀ ਝੂਠੀ ਕਹਾਣੀ ਬਣਾਉਂਦੇ ਹੋਏ ਹਸਪਤਾਲ ਆਪਣੇ ਪ੍ਰਾਈਵੇਟ ਪਾਰਟ ਦਾ ਇਲਾਜ਼ ਕਰਵਾਉਣ ਲਈ ਪਹੁੰਚਿਆ।
ਇਹ ਘਟਨਾ ਸ਼ੁੱਕਰਵਾਰ ਦੀ ਹੈ। ਲੁਧਿਆਣਾ ਦੇ ਇੰਡੋ ਅਮੈਰੀਕਨ ਨਾਮ ਦੇ ਹੋਟਲ ‘ਚ ਪ੍ਰੇਮੀ ਅਮਿਤ ਆਪਣੀ ਪ੍ਰੇਮਿਕਾ ਰੇਖਾ ਨਾਲ ਪਹੁੰਚਿਆ ਸੀ। ਇੱਥੇ ਉਸ ਨੇ ਆਪਣੀ ਪ੍ਰੇਮਿਕਾ ਨਾਲ ਸਬੰਧ ਬਣਾਇਆ। ਹਾਲਾਂਕਿ, ਇਸ ਵਿਚਕਾਰ ਦੋਵਾਂ ਵਿਚਕਾਰ ਵਿਆਹ ਨੂੰ ਲੈ ਕੇ ਗੱਲਬਾਤ ਹੋਣ ਲੱਗੀ, ਪਰ ਇਸ ਦੌਰਾਨ ਪ੍ਰੇਮੀ ਨੇ ਵਿਆਹ ਕਰਵਾਉਣ ਤੋਂ ਇਨਕਾਰ ਕਰ ਦਿੱਤਾ। ਇਸ ਤੋਂ ਬਾਅਦ ਦੋਵਾਂ ਵਿਚਕਾਰ ਬਹਿਸ ਹੋਣ ਲੱਗੀ। ਪ੍ਰੇਮਿਕਾ ਰੇਖਾ ਨੇ ਅਮਿਤ ਦਾ ਪ੍ਰਾਈਵੇਟ ਪਾਰਟ ਕੱਟਰ ਨਾਲ ਕੱਟ ਦਿੱਤਾ। ਅਮਿਤ ਨੇ ਇਸ ਤੋਂ ਬਾਅਦ ਰੇਖਾ ਦੇ ਮੂੰਹ ਤੇ ਕਈ ਮੁੱਕੇ ਮਾਰੇ ਤੇ ਉਸ ਗਲਾ ਉਦੋਂ ਤੱਕ ਦਬਾ ਰੱਖਿਆ, ਜਦੋਂ ਤੱਕ ਕਿ ਉਸ ਦੇ ਸਾਹ ਰੁੱਕ ਨਹੀਂ ਗਏ। ਕਤਲ ਦੀ ਵਾਰਦਾਤ ਤੋਂ ਬਾਅਦ ਅਮਿਤ ਮੌਕੇ ਤੋਂ ਫ਼ਰਾਰ ਹੋ ਗਿਆ।
ਇਸ ਤੋਂ ਬਾਅਦ ਅਮਿਤ ਲੁਧਿਆਣਾ ਦੇ ਇੱਕ ਪ੍ਰਾਈਵੇਟ ਹਸਪਤਾਲ ਸੀਐਮਸੀ ਪਹੁੰਚਿਆ। ਉਸ ਨੇ ਡਾਕਟਰਾਂ ਨੂੰ ਦੱਸਿਆ ਕਿ ਉਸ ਨੂੰ ਜਲੰਧਰ ਬਾਈਪਾਸ ਨੇੜੇ ਗੁੰਡਿਆਂ ਨੇ ਘੇਰ ਲਿਆ ਸੀ ਤੇ ਉਨ੍ਹਾਂ ਨੇ ਉਸ ਦੇ ਪ੍ਰਾਈਵੇਟ ਪਾਰਟ ‘ਤੇ ਹਥਿਆਰ ਨਾਲ ਹਮਲਾ ਕੀਤਾ। ਇਸ ਪੂਰੇ ਮਾਮਲੇ ਦੀ ਜਾਣਕਾਰੀ ਪੁਲਿਸ ਨੂੰ ਦਿੱਤੀ ਗਈ। ਅਮਿਤ ਨੇ ਪੁਲਿਸ ਸਾਹਮਣੇ ਵੀ ਇਹੀ ਝੂਠੀ ਕਹਾਣੀ ਦੱਸੀ। ਡਾਕਟਰਾਂ ਨੇ ਅਮਿਤ ਨੇ ਪ੍ਰਾਈਵੇਟ ਪਾਰਟ ਦਾ ਇਲਾਜ਼ ਕੀਤਾ।
