ਬਿਹਾਰ ਦਾ ਰਾਕੇਸ਼ ਕੁਮਾਰ ਉਸ ਵੇਲੇ ਹੱਕਾ-ਬੱਕਾ ਰਹਿ ਗਿਆ ਜਦੋਂ ਉਸ ਨੇ ਆਪਣੇ ਪ੍ਰੀਖਿਆ ਦੇ ਐਡਮਿਟ ਕਾਰਡ ਉੱਤੇ ਆਪਣੀ ਫੋਟੋ ਦੀ ਥਾਂ ਇੱਕ ‘ਗੋਲਡਨ ਰਿਟਰੀਵਰ’ ਨਸਲ ਦੇ ਕੁੱਤੇ ਦੀ ਤਸਵੀਰ ਦੇਖੀ। ਰਾਕੇਸ਼ ਨੇ ਕਰੀਬ ਚਾਰ ਸਾਲ ਪਹਿਲਾਂ ਬਿਹਾਰ ਦੀ ਇੱਕ ਜ਼ਿਲ੍ਹਾ ਅਦਾਲਤ ਵਿੱਚ ਸੇਵਾਦਾਰ (ਪੀਅਨ) ਦੀ ਨੌਕਰੀ ਲਈ ਅਪਲਾਈ ਕੀਤਾ ਸੀ ਅਤੇ ਉਸ ਕੋਲ ਫਾਰਮ ਜਮ੍ਹਾਂ ਕਰਵਾਉਣ ਦੀ ਰਸੀਦ ਵੀ ਮੌਜੂਦ ਸੀ। ਸਾਲ 2022 ਤੋਂ ਲੰਬੀ ਉਡੀਕ ਕਰਨ ਤੋਂ ਬਾਅਦ ਜਦੋਂ ਹੁਣ 15 ਮਾਰਚ 2026 ਨੂੰ ਹੋਣ ਵਾਲੀ ਪ੍ਰੀਖਿਆ ਲਈ ਐਡਮਿਟ ਕਾਰਡ ਜਾਰੀ ਹੋਏ ਤਾਂ ਇਹ ਵੱਡੀ ਗਲਤੀ ਸਾਹਮਣੇ ਆਈ।
ਰਾਕੇਸ਼ ਕੁਮਾਰ ਨੇ ਕਿਹਾ ਕਿ ਉਸ ਨੇ ਅਪਲਾਈ ਕਰਨ ਵੇਲੇ ਆਪਣੀ ਸਹੀ ਫੋਟੋ ਹੀ ਅਪਲੋਡ ਕੀਤੀ ਸੀ ਪਰ ਵਿਭਾਗ ਦੀ ਗਲਤੀ ਕਾਰਨ ਉਸ ਦੇ ਕਾਰਡ ‘ਤੇ ਕੁੱਤੇ ਦੀ ਫੋਟੋ ਲੱਗ ਗਈ। ਪ੍ਰੀਖਿਆ ਦੀ ਤਰੀਕ ਸਿਰ ‘ਤੇ ਹੋਣ ਦੇ ਬਾਵਜੂਦ ਭਰਤੀ ਬੋਰਡ ਵੱਲੋਂ ਅਜੇ ਤੱਕ ਉਸ ਦੀ ਕਿਸੇ ਵੀ ਸ਼ਿਕਾਇਤ ਦਾ ਕੋਈ ਜਵਾਬ ਨਹੀਂ ਦਿੱਤਾ ਗਿਆ ਹੈ। ਰਾਕੇਸ਼ ਨੇ ਇਸ ਮਾਮਲੇ ਸਬੰਧੀ ਕਈ ਵਾਰ ਸਬੰਧਤ ਅਧਿਕਾਰੀਆਂ ਕੋਲ ਪਹੁੰਚ ਕੀਤੀ ਹੈ ਪਰ ਅਜੇ ਤੱਕ ਉਸ ਦੀ ਸਮੱਸਿਆ ਦਾ ਕੋਈ ਹੱਲ ਨਹੀਂ ਨਿਕਲਿਆ, ਜਿਸ ਕਾਰਨ ਉਸ ਦਾ ਭਵਿੱਖ ਦਾਅ ’ਤੇ ਲੱਗਿਆ ਹੋਇਆ ਹੈ।
