ਜਲੰਧਰ, ਸੂਬੇ ਵਿੱਚ ਖੇਡ ਸੱਭਿਆਚਾਰ ਨੂੰ ਹੁਲਾਰਾ ਦੇਣ ਲਈ ਪੰਜਾਬ ਸਰਕਾਰ ਵੱਲੋਂ ਕਰਵਾਈਆਂ ਜਾ ਰਹੀਆਂ ‘ਖੇਡਾਂ ਵਤਨ ਪੰਜਾਬ ਦੀਆਂ’ ਤਹਿਤ ਜ਼ਿਲ੍ਹੇ ਵਿੱਚ ਰਾਜ ਪੱਧਰੀ ਖੇਡ ਮੁਕਾਬਲੇ 10 ਅਕਤੂਬਰ ਤੋਂ ਸ਼ੁਰੂ ਹੋ ਰਹੇ ਹਨ। ਜ਼ਿਲ੍ਹਾ ਖੇਡ ਅਫ਼ਸਰ ਗੁਰਪ੍ਰੀਤ ਸਿੰਘ ਨੇ ਇਸ ਸਬੰਧੀ ਜਾਣਕਾਰੀ ਦਿੰਦਿਆਂ ਦੱਸਿਆ ਕਿ 10 ਤੋਂ 15 ਅਕਤੂਬਰ ਤੱਕ ਸ਼ਤਰੰਜ ਅਤੇ ਵਾਲੀਬਾਲ (ਸ਼ੂਟਿੰਗ) ਸਰਕਾਰੀ ਆਰਟਸ ਤੇ ਸਪੋਰਟਸ ਕਾਲਜ, ਜਲੰਧਰ ਵਿਖੇ ਕਰਵਾਏ ਜਾਣਗੇ ਜਦਕਿ ਟੇਬਲ ਟੈਨਿਸ ਮੁਕਾਬਲੇ 12 ਤੋਂ 17 ਅਕਤੂਬਰ ਤੱਕ ਹੰਸਰਾਜ ਸਟੇਡੀਅਮ, ਜਲੰਧਰ ਵਿਖੇ ਹੋਣਗੇ।

ਉਨ੍ਹਾਂ ਦੱਸਿਆ ਕਿ ਸ਼ਤਰੰਜ (ਲੜਕੇ) ਉਮਰ ਵਰਗ ਅੰਡਰ-14 ਤੇ ਅੰਡਰ-17 ਦੇ ਮੁਕਾਬਲੇ 10 ਅਕਤੂਬਰ ਨੂੰ ਕਰਵਾਏ ਜਾਣਗੇ। ਜਦਕਿ ਅੰਡਰ-21 ਅਤੇ 40+ (ਪੁਰਸ਼) ਵਰਗ ਦੇ ਮੁਕਾਬਲੇ 11 ਅਕਤੂਬਰ ਅਤੇ ਉਮਰ ਵਰਗ 21-30 ਅਤੇ 31-40 (ਪੁਰਸ਼) ਦੇ ਮੁਕਾਬਲੇ 12 ਅਕਤੂਬਰ ਨੂੰ ਹੋਣਗੇ।
ਇਸੇ ਤਰ੍ਹਾਂ ਅੰਡਰ-14 ਤੇ ਅੰਡਰ-17 (ਲੜਕੀਆਂ) ਦੇ ਸ਼ਰਤੰਜ ਮੁਕਾਬਲੇ 13 ਅਕਤੂਬਰ ਨੂੰ ਕਰਵਾਏ ਜਾਣਗੇ। ਜਦਕਿ ਅੰਡਰ-21 ਅਤੇ 40+ (ਮਹਿਲਾ) ਦੇ ਮੁਕਾਬਲੇ 14 ਅਕਤੂਬਰ ਨੂੰ ਅਤੇ ਉਮਰ ਵਰਗ 21-30 ਅਤੇ 31-40 (ਮਹਿਲਾ) ਦੇ ਮੁਕਾਬਲੇ 15 ਅਕਤੂਬਰ ਨੂੰ ਹੋਣਗੇ।
ਜ਼ਿਲ੍ਹਾ ਖੇਡ ਅਫ਼ਸਰ ਨੇ ਅੱਗੇ ਦੱਸਿਆ ਕਿ ਵਾਲੀਬਾਲ ਸ਼ੂਟਿੰਗ (ਲੜਕੇ) ਉਮਰ ਵਰਗ ਅੰਡਰ-14, ਅੰਡਰ-17, ਅੰਡਰ-21 ਅਤੇ 21-30 ਦੇ ਮੁਕਾਬਲੇ 10 ਤੇ 11 ਅਕਤੂਬਰ ਨੂੰ ਕਰਵਾਏ ਜਾਣਗੇ। ਇਸੇ ਤਰ੍ਹਾਂ 12 ਤੇ 13 ਅਕਤੂਬਰ ਨੂੰ ਪੁਰਸ਼ਾਂ ਦੇ 31-40,41-50,51-60,61-70 ਅਤੇ 70+ ਉਮਰ ਵਰਗ ਦੇ ਮੁਕਾਬਲੇ ਹੋਣਗੇ। ਉਨ੍ਹਾਂ ਦੱਸਿਆ ਕਿ ਲੜਕੀਆਂ ਦੇ ਵਾਲੀਬਾਲ ਸ਼ੂਟਿੰਗ ਮੁਕਾਬਲੇ 14 ਤੇ 15 ਅਕਤੂਬਰ ਨੂੰ ਹੋਣਗੇ, ਜਿਸ ਵਿੱਚ ਅੰਡਰ-14, ਅੰਡਰ-17, ਅੰਡਰ-21,21-30,31-40,41-50,51-60,61-70 ਅਤੇ 70+ ਉਮਰ ਵਰਗ ਦੀਆਂ ਖਿਡਾਰਣਾਂ ਭਾਗ ਲੈ ਸਕਣਗੀਆਂ।