ਜਲੰਧਰ, (ਸੰਜੇ ਸ਼ਰਮਾ/ਅਸ਼ੋਕ ਭਗਤ)-ਵਾਰਡ ਨੰ. 36 ’ਚ ਸਿਵਰੇਜ ਦਾ ਢੱਕਣ ਟੁਟਣ ਕਾਰਨ ਇਲਾਕਾ ਵਾਸੀ ਪ੍ਰੇਸ਼ਾਨ ਹਨ। ਇਸ ਬਾਰੇ ਇਲਾਕੇ ਦੇ ਕੌਂਸਲਰ ਨੂੰ ਕਈ ਵਾਰ ਕਹਿ ਚੁੱਕੇ ਹਨ ਪਰ ਅਜੇ ਤੱਕ ਕੋਈ ਕਾਰਵਾਈ ਨਹੀਂ ਕੀਤੀ ਗਈ। ਗਾਰਾ ਨਾਮਕ ਵਿਅਕਤੀ ਨੇ ਦੱਸਿਆ ਕਿ ਆਏ ਦਿਨ ਗੱਡੀਆਂ ਦੇ ਟਾਇਰ ਟੋਏ ’ਚ ਫਸ ਜਾਂਦੇ ਹਨ ਜਿਸ ਕਾਰਨ ਲੋਕਾਂ ਨੂੰ ਇਥੋਂ ਲੰਘਦੇ ਸਮੇਂ ਕਾਫੀ ਪ੍ਰੇਸ਼ਾਨੀ ਦਾ ਸਾਹਮਣਾ ਕਰਨਾ ਪੈਂਦਾ ਹੈ। ਇਥੋਂ ਲੰਘਦੇ ਸਮੇਂ ਕਈ ਵਾਰ ਬਜ਼ੁਰਗਾਂ ਨੂੰ ਸੱਟਾਂ ਵੀ ਲੱਗ ਚੁੱਕੀਆਂ ਹਨ। ਸਾਡੀ ਸਮੱਸਿਆ ਦਾ ਹੱਲ ਨਹੀਂ ਕੀਤਾ ਜਾ ਰਿਹਾ ਹੈ। ਕੌਂਸਲਰ ਜਦੋਂ ਵੋਟਾਂ ਲੈਣ ਸਮੇਂ ਕੁਝ ਕਹਿੰਦੇ ਹਨ ’ਤੇ ਜਿੱਤ ਕੇ ਬਾਅਦ ਵਿਚ ਨਜਰ ਹੀਂ ਨਹੀਂ ਆਉਦੇ ਹਨ। ਕੌਂਸਲਰ ਬਣਨ ਤੋਂ ਬਾਅਦ ਆਪਣਾ ਕੰਮ ਭੁੱਲ ਜਾਂਦੇ ਹਨ। ਸਾਡੀ ਇਹੋ ਮੰਗ ਹੈ ਕਿ ਢੱਕਣ ਨੂੰ ਨਵਾਂ ਲਗਾਇਆ ਜਾਵੇ।
ਕੀ ਕਹਿੰਦੇ ਹਨ ਕੌਂਸਲਰ
ਜਦੋਂ ਇਸ ਬਾਰੇ ਇਲਾਕਾ ਕੌਂਸਲਰ ਬਚਨ ਲਾਲ ਨਾ ਸੰਪਰਕ ਕੀਤਾ ਤਾਂ ਉਨ੍ਹਾਂ ਨੇ ਕਿਹਾ ਕਿ ਮੈਨੂੰ ਇਸ ਬਾਰੇ ਕੋਈ ਜਾਣਕਾਰੀ ਨਹੀਂ ਹੈ ਪਰ ਤੁਹਾਡੇ ਜਰੀਏ ਮੇਰੇ ਨਜਰ ਵਿਚ ਗੱਲ ਗਈ ਹੈ ਕੱਲ੍ਹ ਨੂੰ ਹੀ ਜੇਈ ਨੂੰ ਦਿਖਾ ਕੇ ਠੀਕ ਕਰਵਾ ਦੇਵਾਂਗਾ।