ਜਲੰਧਰ, (ਸੰਜੇ ਸ਼ਰਮਾ)-ਗੁਰਦੁਆਰਾ ਬਾਬਾ ਜੀਵਨ ਸਿੰਘ ਗੜ੍ਹਾ ਵਿਖੇ ਅੱਜ ਪੰਚਮ ਗੁਰੂ ਸ੍ਰੀ ਗੁਰੂ ਅਰਜਨ ਦੇਵ ਜੀ ਦਾ ਸ਼ਹੀਦੀ ਦਿਹਾੜਾ ਸ਼ਰਧਾ ਭਾਵਨਾ ਨਾਲ ਮਨਾਇਆ ਗਿਆ। ਪ੍ਰੋਗਰਾਮ ਦੀ ਸ਼ੁਰੂਆਤ ਸਵੇਰੇ ਤੋਂ ਕੀਤੀ ਗਈ। ਬੀਤੇ ਦਿਨੀਂ ਸ. ਭੂਪਿੰਦਰ ਸਿੰਘ ਖਾਲਸਾ ਪ੍ਰਧਾਨ ਪਰਿਵਾਰਕ ਕੰਮਾਂ ਕਰਕੇ ਵਿਦੇਸ਼ ਗਏ ਹਨ। ਜਿਨ੍ਹਾਂ ਦੀ ਗੈਰ ਮੌਜੂਦਗੀ ਵਿਚ ਸ. ਦਲਜੀਤ ਸਿੰਘ ਵਾਲੀਆ ਨੇ ਸਾਰਾ ਪ੍ਰੋਗਰਾਮ ਬੜੇ ਸੁਹਨੇ ਢੰਗ ਨਾਲ ਕਰਦੇ ਨਜਰ ਆਏ। ਪ੍ਰੋਗਰਾਮ ਦੌਰਾਨ ਪੰਚਮ ਪਾਤਸ਼ਾਹ ਸ੍ਰੀ ਗੁਰੂ ਅਰਜਨ ਦੇਵ ਜੀ ਮਹਾਰਾਜ ਸ਼ਹੀਦੀ ਬਾਰੇ ਪੂਰਨ ਤੌਰ ’ਤੇ ਸੰਗਤਾਂ ਨੂੰ ਜਾਣਕਾਰੀ ਦਿੱਤੀ। ਦੁਨੀਆਂ ਦੇ ਵਿਚ ਧੰਨ ਗੁਰੂ ਅਰਜਨ ਦੇਵ ਜੀ ਮਹਾਰਾਜ ਜਿਨ੍ਹਾਂ ਦੀ ਐਸੀ ਸ਼ਹੀਦੀ ਹੈ ਕਿ ਜਿਨ੍ਹਾਂ ਨੂੰ ਚਾਰ ਦਿਨ ਤਿੰਨ ਰਾਤਾਂ ਤੱਤੀ ਤਵੀ ’ਤੇ ਬਠਾਇਆ ਗਿਆ। ਸਿਰ ’ਤੇ ਰੇਤਾ ਪਾਈ ਗਈ। ਉਬਲਦੀ ਦੇਗ ਤੇ ਬਠਾਇਆ ਗਿਆ ਪਰ ਮਹਾਰਾਜ ਨੇ ਇਹੀ ਕਿਹਾ ਕਿ ਤੇਰਾ ਕਿਆ ਮਿੱਠਾ ਲਾਗੇ। ਇਸ ਮੌਕੇ ’ਤੇ ਕੀਰਤਨੀ ਜਥਾ ਨੇ ਕੀਰਤਨ ਕੀਤਾ। ਪਿ੍ਰੰਯਕਾ ਨੂੰ ਗੁਰਦੁਆਰਾ ਸਾਹਿਬ ਵੱਲੋਂ ਸਨਮਾਨਤ ਕੀਤਾ ਗਿਆ। ਪ੍ਰੋਗਰਾਮ ਦੀ ਸਮਾਪਤੀ ਦੌਰਾਨ ਗੁਰੂ ਕਾ ਲੰਗਰ ਵਰਤਾਇਆ ਗਿਆ। ਠੰਢੇ ਮਿੱਠੇ ਜਲ ਦੀ ਛਪੀਲ ਲਗਾਈ ਗਈ। ਇਸ ਮੌਕੇ ’ਤੇ ਦਲਜੀਤ ਸਿੰਘ ਨੇ ਸੇਵਾਦਾਰਾਂ ਦਾ ਧੰਨਵਾਦ ਕੀਤਾ। ਬੀਬੀ ਸੁਖਬਵੰਤ ਕੌਰ, ਜਸਪ੍ਰੀਤ ਕੌਰ, ਗੁਰਮੀਤ ਸਿੰਘ, ਨੀਤਾ ਆਦਿ ਨਜਰ ਆਏ।