ਅਬੋਹਰ ‘ਚ ਇੱਕ ਅਜੀਬ ਮਾਮਲਾ ਸਾਹਮਣੇ ਆਇਆ ਹੈ। ਦਾਅਵਾ ਕੀਤਾ ਜਾ ਰਿਹਾ ਹੈ ਕਿ 10 ਰੁਪਏ ਦਾ ਸਿੱਕਾ ਅਚਾਨਕ ਫਟ ਗਿਆ। ਢਾਈ ਸਾਲ ਦੀ ਮਾਸੂਮ ਬੱਚੀ ਸ੍ਰਿਸ਼ਟੀ ਦੇ ਹੱਥ ‘ਚ ਸਿੱਕਾ ਫਟਿਆ ਹੈ। ਜਿਸ ਕਾਰਨ ਬੱਚੀ ਦੇ ਦੋਵੇਂ ਹੱਥਾਂ ਦੀਆਂ ਉਂਗਲੀਆਂ ਝੁਲਸ ਗਈਆਂ ਹਨ।

ਪਰਿਵਾਰ ਦਾ ਕਹਿਣਾ ਹੈ ਕਿ ਨੇੜੇ ਕੋਈ ਹੋਰ ਇਲੈਕਟ੍ਰਾਨਿਕ ਚੀਜ਼ ਨਹੀਂ ਸੀ। ਬੱਚੀ ਦੇ ਪਿਤਾ ਨੇ ਖ਼ਰਚ ਲਈ ਉਸਨੂੰ 10 ਰੁਪਏ ਦਾ ਸਿੱਕਾ ਦਿੱਤਾ ਸੀ। ਬੱਚੀ ਸਿੱਕਾ ਲੈ ਕੇ ਘਰ ਦੇ ਬਾਹਰ ਗਲੀ ਵਿੱਚ ਹੋਰ ਬੱਚਿਆਂ ਨਾਲ ਖੇਡ ਰਹੀ ਸੀ। ਇਸੇ ਦੌਰਾਨ ਧਮਾਕੇ ਵਰਗੀ ਆਵਾਜ਼ ਸੁਣਾਈ ਦਿੱਤੀ, ਜਿਸ ਤੋਂ ਬਾਅਦ ਬੱਚੀ ਦਰਦ ਨਾਲ ਰੋਂਦੀ ਹੋਈ ਘਰ ਆਈ। ਪਰਿਵਾਰ ਨੇ ਵੇਖਿਆ ਕਿ ਬੱਚੀ ਦੇ ਹੱਥ ਝੁਲਸੇ ਹੋਏ ਸਨ ਅਤੇ ਸਿੱਕਾ ਫਟਿਆ ਹੋਇਆ ਸੀ। ਸੱਚ ਕੀ ਹੈ… ਸਿੱਕਾ ਵਾਕਈ ਫਟਿਆ ਜਾਂ ਕੋਈ ਹੋਰ ਕਾਰਨ ਸੀ…. ਫਿਲਹਾਲ ਇਹ ਜਾਂਚ ਦਾ ਵਿਸ਼ਾ ਹੈ।