ਛੱਤੀਸਗੜ੍ਹ ਦੇ ਬਿਲਾਸਪੁਰ ਜ਼ਿਲ੍ਹੇ ਤੋਂ ਇੱਕ ਬਹੁਤ ਹੀ ਹੈਰਾਨ ਕਰਨ ਵਾਲਾ ਅਤੇ ਹਾਸੋਹੀਣਾ ਮਾਮਲਾ ਸਾਹਮਣੇ ਆਇਆ ਹੈ। ਪੋਲਟਰੀ ਫਾਰਮ ਸੰਚਾਲਕ ਨੇ SBI ਬੈਂਕ ਦੇ ਮੈਨੇਜਰ ‘ਤੇ ਗੰਭੀਰ ਇਲਜ਼ਾਮ ਲਗਾਏ ਹਨ। ਸੰਚਾਲਕ ਦਾ ਕਹਿਣਾ ਹੈ ਕਿ 12 ਲੱਖ ਰੁਪਏ ਦੇ ਕਰਜ਼ੇ ਦੀ ਪ੍ਰਕਿਰਿਆ ਦੌਰਾਨ, ਬੈਂਕ ਮੈਨੇਜਰ ਅਤੇ ਕਰਮਚਾਰੀ ਹਰ ਸ਼ਨੀਵਾਰ ਨੂੰ ਇੱਕ ਮੁਰਗਾ ਪਾਰਟੀ ਕਰਦੇ ਸਨ ਅਤੇ ਇਸ ਤਰ੍ਹਾਂ ਕੁੱਲ 39,000 ਰੁਪਏ ਤੱਕ ਦਾ ਚਿਕਨ ਖਾ ਗਏ।

ਇਸ ਦੇ ਬਾਵਜੂਦ ਨਾ ਤਾਂ ਕਰਜ਼ਾ ਦਿੱਤਾ ਗਿਆ ਅਤੇ ਨਾ ਹੀ ਮੁਰਗਿਆਂ ਦੇ ਪੈਸੇ ਦਿੱਤੇ ਗਏ। ਪੀੜਤ ਨੇ ਐਸਡੀਐਮ ਨੂੰ ਸ਼ਿਕਾਇਤ ਕਰਕੇ ਚੇਤਾਵਨੀ ਦਿੱਤੀ ਹੈ ਕਿ ਜੇਕਰ ਉਸ ਨੂੰ ਇਨਸਾਫ਼ ਨਾ ਮਿਲਿਆ ਤਾਂ ਉਹ ਖੁਦਕੁਸ਼ੀ ਕਰ ਲਵੇਗੀ।

ਬਿਲਾਸਪੁਰ ਦੇ ਮਸਤੂਰੀ ਇਲਾਕੇ ਦੇ ਪਿੰਡ ਸਰਗਵਾਂ ਵਾਸੀ ਰੂਪਚੰਦ ਮਨਹਰ ਨੇ ਆਪਣੀ ਸ਼ਿਕਾਇਤ ਵਿੱਚ ਦੱਸਿਆ ਕਿ ਉਸ ਨੇ ਪੋਲਟਰੀ ਫਾਰਮ ਲਈ ਐਸਬੀਆਈ ਬੈਂਕ ਮਸਤੂਰੀ ਸ਼ਾਖਾ ਵਿੱਚ 12 ਲੱਖ ਰੁਪਏ ਦੇ ਕਰਜ਼ੇ ਲਈ ਅਰਜ਼ੀ ਦਿੱਤੀ ਸੀ। ਬੈਂਕ ਮੈਨੇਜਰ ਸੁਮਨ ਕੁਮਾਰ ਚੌਧਰੀ ਨੇ ਲੋਨ ਮਨਜ਼ੂਰੀ ਲਈ 10 ਫੀਸਦੀ ਕਮਿਸ਼ਨ ਦੀ ਮੰਗ ਕੀਤੀ, ਜਿਸ ਨੂੰ ਰੂਪਚੰਦ ਨੇ ਦੋ ਮਹੀਨਿਆਂ ਵਿੱਚ ਮੁਰਗੇ ਵੇਚ ਕੇ ਪੂਰਾ ਕਰ ਦਿੱਤਾ। ਪਰ ਕਰਜ਼ਾ ਮਨਜ਼ੂਰ ਨਹੀਂ ਹੋਇਆ।