ਜਲੰਧਰ, ਹੰਸ ਰਾਜ ਮਹਿਲਾ ਮਹਾਂ ਵਿਦਿਆਲਿਆ ਦੇ ਡਿਜ਼ਾਈਨ ਵਿਭਾਗ ਵੱਲੋਂ ਫੈਸ਼ਨ ਨੇਲ ਆਰਟ ਅਤੇ ਨੇਲ ਐਕਸਟੈਂਸ਼ਨ ’ਤੇ ਇੱਕ ਦਿਨ ਦੀ ਵਰਕਸ਼ਾਪ ਦਾ ਸਫਲਤਾਪੂਰਵਕ ਆਯੋਜਨ ਕੀਤਾ ਗਿਆ। ਵਰਕਸ਼ਾਪ ਦਾ ਉਦੇਸ਼ ਫੈਸ਼ਨ ਸਟਾਈਲਿੰਗ ਦੇ ਵਧ ਰਹੇ ਖੇਤਰ ਵਿੱਚ ਵਿਦਿਆਰਥੀਆਂ ਦੇ ਵਿਹਾਰਕ ਹੁਨਰ, ਰਚਨਾਤਮਕਤਾ ਅਤੇ ਨਵੀਨਤਮ ਤਕਨੀਕਾਂ ਨੂੰ ਵਧਾਉਣਾ ਸੀ। ਵਰਕਸ਼ਾਪ ਵਿੱਚ ਰਿਸੋਰਸ ਪਰਸਨ ਵਜੋਂ ਪ੍ਰਸਿੱਧ ਫੈਸ਼ਨ ਸਟਾਈਲਿਸਟ ਅਤੇ ਸੰਸਥਾ ਦੀ ਸਾਬਕਾ ਵਿਦਿਆਰਥਣ ਸੁਸ਼੍ਰੀ ਭਵਨੀਤ ਕੌਰ ਸ਼ਾਮਲ ਰਹੇ। ਉਨ੍ਹਾਂ ਨੇ ਵਿਦਿਆਰਥਣਾਂ ਨਾਲ
ਆਪਣੀ ਮੁਹਾਰਤ, ਨਵੀਨਤਾਕਾਰੀ ਤਕਨੀਕਾਂ ਅਤੇ ਉਦਯੋਗ ਦੀ ਸੂਝ ਸਾਂਝੀ ਕੀਤੀ ਅਤੇ ਵੱਖ-ਵੱਖ ਆਧੁਨਿਕ ਨੇਲ ਆਰਟ ਰੁਝਾਨਾਂ ਅਤੇ ਪੇਸ਼ੇਵਰ ਨੇਲ ਐਕਸਟੈਂਸ਼ਨ ਵਿਧੀਆਂ ਬਾਰੇ ਜਾਣਕਾਰੀ ਦਿੱਤੀ। ਇੰਟਰਐਕਟਿਵ ਸੈਸ਼ਨ ਦੌਰਾਨ ਵਿਦਿਆਰਥਣਾਂ ਨੂੰ ਹੈਂਡਸ ਆੱਨ ਟ੍ਰੇਨਿੰਗ ਦਿੱਤੀ ਗਈ ਅਤੇ ਵੱਖ- ਵੱਖ ਸਟਾਈਲ, ਟੈਕਸਚਰ ਅਤੇ ਡਿਜ਼ਾਈਨਾਂ ਬਾਰੇ ਵੀ ਸਿਖਲਾਈ ਦਿੱਤੀ
ਗਈ। ਵਰਕਸ਼ਾਪ ਵਿੱਚ ਵਿਦਿਆਰਥਣਾਂ ਨੇ ਫੈਸ਼ਨ ਖੇਤਰ ਵਿੱਚ ਪੇਸ਼ੇਵਰ ਵਿਕਾਸ ਲਈ ਲੋੜੀਂਦੇ ਉਦਯੋਗ-ਸੰਬੰਧਿਤ ਹੁਨਰਾਂ ਦੀ ਜਾਣਕਾਰੀ ਹਾਸਲ ਕੀਤੀ। ਪ੍ਰਿੰਸੀਪਲ ਡਾ. ਅਜੇ ਸਰੀਨ ਨੇ ਡਿਜ਼ਾਈਨ ਵਿਭਾਗ ਦੇ ਅਜਿਹੇ ਹੁਨਰ-ਵਧਾਉਣ ਵਾਲੇ ਸੈਸ਼ਨ ਦੇ ਆਯੋਜਨ ਲਈ ਯਤਨਾਂ ਦੀ ਸ਼ਲਾਘਾ ਕੀਤੀ। ਉਨ੍ਹਾਂ ਨੇ ਵਿਭਾਗ ਦੇ ਮੁਖੀ ਡਾ. ਰਾਖੀ ਮਹਿਤਾ ਨੂੰ ਵਧਾਈ ਦਿੱਤੀ ਕਿ ਅਜਿਹੀਆਂ
ਪਹਿਲਕਦਮੀਆਂ ਵਿਦਿਆਰਥਣਾਂ ਨੂੰ ਮੌਜੂਦਾ ਫੈਸ਼ਨ ਰੁਝਾਨਾਂ ਨਾਲ ਅਪਡੇਟ ।