ਜਲੰਧਰ ਦੇ ਲੈਕਚਰਾਰ ਨੇਹਾ ਕਤਲਕਾਂਡ ਦੀ ਜਾਂਚ ਦੌਰਾਨ ਪੁਲਿਸ ਨੂੰ ਮੁਲਜ਼ਮ ਉਮੰਗ ਬੱਸੀ ਤੇ ਉਸ ਦੀ ਗਰਲਫ੍ਰੈਂਡ ਸਤਪਾਲ ਕੌਰ ਵਿਚਕਾਰ 206 ਪੰਨਿਆਂ ਦੀ ਵ੍ਹਾਟਸਐਪ ਚੈਟ ਮਿਲੀ ਹੈ। ਚੈਟ ‘ਚ ਦੋਵਾਂ ਵਿਚਕਾਰ ਅਫੇਅਰ, ਗੁਪਤ ਮੁਲਾਕਾਤਾਂ, ਵਿਆਹ ਕਰਨ ਤੇ ਇਕੱਠੇ ਰਹਿਣ ਦੀਆਂ ਗੱਲਾਂ ਸਾਹਮਣੇ ਆਈਆਂ ਹਨ। ਇਸ ਦੇ ਨਾਲ ਹੀ ਚੈਟ ਦੇ ਇੱਕ ਹਿੱਸੇ ‘ਚ ਸਤਪਾਲ ਕੌਰ ਦੇ ਪਤੀ ਤੋਂ ਵੱਖ ਹੋਣ ਤੇ ਉਸ ਨੂੰ ਰਸਤੇ ਤੋਂ ਹਟਾਉਣ ਨਾਲ ਜੁੜੀ ਗੱਲਬਾਤ ਦਾ ਵੀ ਜ਼ਿਕਰ ਹੈ।ਇਸ ਤੋਂ ਇਲਾਵਾ ਚੈਟਿੰਗ ਵਿੱਚ ਨੇਹਾ ਦੇ ਪਤੀ ਉਮੰਗ ਬੱਸੀ ਤੇ ਸਤਪਾਲ ਕੌਰ ਇੱਕ-ਦੂਜੇ ਨੂੰ ਬੇਬੀ ਅਤੇ ਸ਼ੋਨਾ ਕਹਿੰਦੇ ਸਨ। ਜਲਦੀ ਇਕੱਠੇ ਹੋਣ, ਘਰ ‘ਚ ਰਹਿਣ ਲਈ ਮੰਮੀ ਨੂੰ ਮਨਾਉਣ, ਇੱਕ-ਦੂਜੇ ਤੋਂ ਬਿਨਾਂ ਨਾ ਰਹਿਣ ਤੇ ਗਲੇ ਮਿਲਣ ਵਰਗੀਆਂ ਗੱਲਾਂ ਵੀ ਕਰਦੇ ਸਨ। ਸਤਪਾਲ ਕੌਰ ਫਿਲਹਾਲ ਪੁਲਿਸ ਹਿਰਾਸਤ ‘ਚ ਹੈ। ਉਸ ਦੇ ਪਤੀ ਵਿਸ਼ਾਲ ਸ਼ਰਮਾ ਨੇ ਚੈਟ ਜਨਤਕ ਕਰਦਿਆਂ ਮੁਲਜ਼ਮਾਂ ਨੂੰ ਸਖ਼ਤ ਸਜ਼ਾ ਦੇਣ ਦੀ ਮੰਗ ਕੀਤੀ ਹੈ। 15 ਜਨਵਰੀ 2026 ਦੀ ਚੈਟ ‘ਚ ਉਮੰਗ ਨੇ ਸਤਪਾਲ ਨੂੰ ਕਿਹਾ ਕਿ ਉਹ ਪਹਿਲਾਂ ਆਪਣੇ ਪਤੀ ਨੂੰ ਮਰਵਾਉਣ ਦੀਆਂ ਗੱਲਾਂ ਕਰਦੀ ਸੀ।

ਸਤਪਾਲ ਨੇ ਜਵਾਬ ਦਿੱਤਾ- ਉਮੰਗ, ਯੂ ਨੋ ਐਵਰੀਥਿੰਗ। ਇਸ ਤੋਂ ਬਾਅਦ ਦੋਵਾਂ ਵਿਚਕਾਰ ਇਸ ਗੱਲ ਨੂੰ ਲੈ ਕੇ ਬਹਿਸ ਹੋਈ ਤੇ ਸਤਪਾਲ ਨੇ ਉਮੰਗ ਨੂੰ ਆਪਣਾ ਮੂੰਹ ਬੰਦ ਰੱਖਣ ਦੀ ਚੇਤਾਵਨੀ ਦਿੱਤੀ। 16 ਅਤੇ 17 ਜਨਵਰੀ ਦੀ ਚੈਟ ‘ਚ ਦੋਵਾਂ ਵਿਚਕਾਰ ਬਹੁਤ ਨਿੱਜੀ ਅਤੇ ਭਾਵਨਾਤਮਕ ਗੱਲਬਾਤ ਦਿਖਾਈ ਦਿੰਦੀ ਹੈ। ਇੱਕ-ਦੂਜੇ ਨੂੰ ਬੇਬੀ ਤੇ ਸ਼ੋਨਾ ਕਹਿ ਕੇ ਸੰਬੋਧਨ ਕੀਤਾ ਗਿਆ।