ਕੁਝ ਚੀਜ਼ਾਂ ਦੁਬਾਰਾ ਗਰਮ ਕਰਨ ‘ਤੇ ਆਪਣਾ ਪੌਸ਼ਟਿਕ ਤੱਤ ਗੁਆ ਬੈਠਦੀਆਂ ਹਨ ਅਤੇ ਉਨ੍ਹਾਂ ਵਿੱਚ ਜ਼ਹਿਰੀਲੇ ਤੱਤ ਬਣ ਸਕਦੇ ਹਨ, ਜੋ ਕਿ ਬਦਹਜ਼ਮੀ, ਜ਼ਹਿਰੀਲਾ ਭੋਜਨ ਜਾਂ ਹੋਰ ਗੰਭੀਰ ਬਿਮਾਰੀਆਂ ਦਾ ਕਾਰਨ ਬਣ ਸਕਦੇ ਹਨ। ਪਾਲਕ ‘ਚ ਨਾਈਟ੍ਰੇਟ ਹੋਣ ਕਰਕੇ ਇਸਨੂੰ ਦੁਬਾਰਾ ਗਰਮ ਕਰਨਾ ਹਾਨੀਕਾਰਕ ਹੁੰਦਾ ਹੈ। ਗਰਮ ਕਰਨ ਨਾਲ ਇਹ ਨਾਈਟ੍ਰਾਈਟ ਤੇ ਨਾਈਟ੍ਰੋਸਾਮਾਈਨ ਵਿੱਚ ਬਦਲ ਜਾਂਦਾ ਹੈ, ਜੋ ਸਰੀਰ ਲਈ ਜ਼ਹਿਰੀਲਾ ਹੋ ਸਕਦਾ ਹੈ। ਇਸ ਕਰਕੇ ਪਾਲਕ ਨੂੰ ਹਮੇਸ਼ਾਂ ਤਾਜ਼ਾ ਖਾਓ ਜਾਂ ਠੰਢਾ, ਪਰ ਕਦੇ ਵੀ ਦੁਬਾਰਾ ਗਰਮ ਨਾ ਕਰੋ। ਤਲੇ ਹੋਏ ਭੋਜਨ ਜਿਵੇਂ ਪਕੌੜੇ, ਸਮੋਸੇ ਜਾਂ ਚੌਲਾਂ ਨੂੰ ਦੁਬਾਰਾ ਗਰਮ ਕਰਨ ਨਾਲ ਜ਼ਹਿਰੀਲੇ ਟ੍ਰਾਂਸ ਫੈਟ ਬਣ ਜਾਂਦੇ ਹਨ। ਇਹ ਸਰੀਰ ਲਈ ਨੁਕਸਾਨਦੇਹ ਹੁੰਦੇ ਹਨ, ਖ਼ਾਸ ਕਰਕੇ ਦਿਲ ਅਤੇ ਜਿਗਰ ਲਈ। ਇਸ ਲਈ ਤਲੀਆਂ ਹੋਈਆਂ ਚੀਜ਼ਾਂ ਹਮੇਸ਼ਾਂ ਤਾਜ਼ੀਆਂ ਖਾਓ ਅਤੇ ਬਚੀਆਂ ਹੋਈਆਂ ਚੀਜ਼ਾਂ ਨੂੰ ਦੁਬਾਰਾ ਗਰਮ ਕਰਨ ਤੋਂ ਪਰਹੇਜ਼ ਕਰੋ।ਬਚੇ ਹੋਏ ਚੌਲਾਂ ਨੂੰ ਵਾਰ-ਵਾਰ ਗਰਮ ਕਰਨ ਨਾਲ ਉਨ੍ਹਾਂ ਵਿੱਚ ਬੈਕਟੀਰੀਆ ਵਧ ਸਕਦੇ ਹਨ, ਜੋ ਪੇਟ ਦਰਦ, ਉਲਟੀਆਂ ਅਤੇ ਜ਼ਹਿਰੀਲੇ ਪ੍ਰਭਾਵ ਪੈਦਾ ਕਰ ਸਕਦੇ ਹਨ। ਇਸ ਲਈ ਚੌਲ ਬਚ ਜਾਣ ਤਾਂ ਤੁਰੰਤ ਫਰਿੱਜ ਵਿੱਚ ਰੱਖੋ ਅਤੇ ਸਿਰਫ਼ ਇੱਕ ਵਾਰ ਹੀ ਗਰਮ ਕਰਕੇ ਖਾਓ। ਪਕਾਏ ਹੋਏ ਆਲੂ ਜੇ ਲੰਬੇ ਸਮੇਂ ਲਈ ਬਾਹਰ ਛੱਡ ਦਿੱਤੇ ਜਾਣ ਤੇ ਦੁਬਾਰਾ ਗਰਮ ਕੀਤੇ ਜਾਣ, ਤਾਂ ਉਨ੍ਹਾਂ ਵਿੱਚ ਬੈਕਟੀਰੀਆ ਵਧ ਸਕਦੇ ਹਨ। ਇਸ ਨਾਲ ਸਿਹਤ ਨੂੰ ਨੁਕਸਾਨ ਹੋ ਸਕਦਾ ਹੈ। ਇਸ ਲਈ ਆਲੂ ਫਰਿੱਜ ਵਿੱਚ ਏਅਰਟਾਈਟ ਡੱਬੇ ਵਿੱਚ ਰੱਖੋ ਅਤੇ ਜਲਦੀ ਖਤਮ ਕਰੋ। ਪਕਾਏ ਹੋਏ ਚਿਕਨ ਨੂੰ ਜਦੋਂ ਦੁਬਾਰਾ ਗਰਮ ਕੀਤਾ ਜਾਂਦਾ ਹੈ, ਤਾਂ ਇਸ ਦੀ ਪ੍ਰੋਟੀਨ ਦੀ ਬਣਤਰ ਬਦਲ ਜਾਂਦੀ ਹੈ, ਜੋ ਪਾਚਣ ਵਿੱਚ ਦਿੱਕਤ ਪੈਦਾ ਕਰ ਸਕਦੀ ਹੈ। ਇਸ ਲਈ ਚਿਕਨ ਨੂੰ ਹੌਲੀ ਤਾਪਮਾਨ ‘ਤੇ ਗਰਮ ਕਰੋ ਅਤੇ ਵਾਰ-ਵਾਰ ਨਾ ਗਰਮ ਕਰੋ।