ਜਲੰਧਰ, (ਅਸ਼ੋਕ ਭਗਤ)-ਬੀਤੇ ਦਿਨੀਂ ਸਤਿਗੁਰੂ ਕਬੀਰ ਮੰਦਰ ਤਿਲਕ ਨਗਰ ਵਿਖੇ ਹਫਤਾਵਾਰੀ ਸਤਿਸੰਗ ਕਰਵਾਇਆ ਗਿਆ। ਇਸ ਮੌਕੇ ’ਤੇ ਕਬੀਰ ਪੰਥ ਦੇ ਮੁੱਖ ਪ੍ਰਚਾਰਕ ਮਾਸਟਰ ਤੇਜਿੰਦਰਪਾਲ ਸਿੰਘ ਕੈਲੇ ਨੇ ਕਬੀਰ ਸਾਹਿਬ ਜੀ ਦੇ ਬਾਣੀ ਨੂੰ ਅਧਾਰ ਬਣਾ ਕੇ ਅੱਸੂ ਮਹੀਨੇ ਦੀ ਕਥਾ ਕੀਤੀ। ਉਨ੍ਹਾਂ ਨੇਕਬੀਰ ਸਾਹਿਬ ਜੀ ਦੇ ਦੁਆਰਾ ਉਚਾਰੇ ਹੋਏ ਸ਼ਬਦਾਂ ਦੀ ਅਰਥ ਸਾਹਿਤ ਵਿਖਿਆ ਕੀਤੀ। ਪ੍ਰੋਗਰਾਮ ਦੀ ਸ਼ੁਰੂਆਤ ਇਸਤਰੀ ਸਤਿਸੰਗ ਸਭਾ ਦੀਆਂ ਬੀਬੀਆਂ ਨੇ ਰੱਸ ਭਿੰਨੀ ਆਵਾਜ ਵਿਚ ਭਜਨਾਂ ਅਤੇ ਸ਼ਬਦਾਂ ਨਾਲ ਕੀਤੀ। ਇਸ ਮੌਕੇ ’ਤੇ ਕਾਮਰੇਡ ਜੋਗਿੰਦਰ ਪਾਲ ਨੇ ਸਤਿਗੁਰੂ ਕਬੀਰ ਸਾਹਿਬ ਜੀ ਦੇ ਬਾਣੀ ਦਾ ਰਾਗ ਆਸਾ ਦਾ ਸ਼ਬਦ ਸੁਣਾ ਕੇ ਸੰਗਤਾਂ ਨੂੰ ਨਿਹਾਲ ਕੀਤਾ।
ਇਸ ਮੌਕੇ ’ਤੇ ਸੰਗਤਾਂ ਵੱਲੋਂ ਸੇਬ ਅਤੇ ਕੇਲੇ ਦਾ ਲੰਗਰ ਵੀ ਲਗਾਏ ਗਏ। ਇਸ ਦੌਰਾਨ ਸੁਭਾਸ਼ ਗੋਰੀਆ ਸਮਾਜ ਸੇਵਕ, ਸ਼ਸੀ ਭਗਤ ਪ੍ਰਧਾਨ, ਚੇਅਰਮੈਨ ਸ਼ਿਵ ਕਮਲ ਸੰਟਾ, ਤੁਲਸੀ ਦਾਸ ਭਗਤ ਆਦਿ ਮੈਂਬਰ ਵਿਸ਼ੇਸ਼ ਤੌਰ ’ਤੇ ਪੁੱਜੇ।