ਗਲੋਬਲ ਮਾਰਕੀਟ ‘ਚ ਭਾਰੀ ਵਿਕਰੀ ਦਾ ਅੱਜ ਭਾਰਤੀ ਸਟਾਕ ਮਾਰਕੀਟ ‘ਤੇ ਵੀ ਅਸਰ ਪਿਆ। ਬਾਜ਼ਾਰ ਦੇ ਮੁੱਖ ਸੂਚਕਾਂਕ, ਸੈਂਸੈਕਸ ਤੇ ਨਿਫਟੀ ‘ਚ ਗਿਰਾਵਟ ਦੇਖਣ ਨੂੰ ਮਿਲੀ। ਦੋਵੇਂ ਸੂਚਕਾਂਕ ਘਾਟੇ ਨਾਲ ਖੁੱਲ੍ਹੇ। ਖ਼ਬਰੇ ਲਿਖੇ ਜਾਣ ਤੱਕ ਦੇ ਸਮੇਂ, ਸੈਂਸੈਕਸ ਲਗਭਗ 700 ਅੰਕ ਹੇਠਾਂ ਵਪਾਰ ਕਰ ਰਿਹਾ ਸੀ, ਜਦੋਂ ਕਿ ਨਿਫਟੀ ‘ਚ ਵੀ ਲਗਭਗ 1 ਪ੍ਰਤੀਸ਼ਤ ਦੀ ਗਿਰਾਵਟ ਆਈ। ਆਈਟੀ ਸੈਕਟਰ ਦੇ ਸਟਾਕ ‘ਚ ਗਲੋਬਲੀ ਗਿਰਾਵਟ ਆਈ ਹੈ। ਇਹ ਸਟਾਕ ਭਾਰਤੀ ਬਾਜ਼ਾਰ ‘ਚ ਵੀ ਲਗਭਗ 5% ਹੇਠਾਂ ਹਨ, ਜਿਸ ਨੇ ਪੂਰੇ ਬਾਜ਼ਾਰ ਨੂੰ ਹਿਲਾ ਕੇ ਰੱਖ ਦਿੱਤਾ ਹੈ।

ਵੀਰਵਾਰ ਨੂੰ, ਭਾਰਤੀ ਸਟਾਕ ਮਾਰਕੀਟ ਵੱਖ-ਵੱਖ ਸੈਕਟਰਾਂ ‘ਚ ਮੁਨਾਫ਼ਾ ਵਸੂਲੀ ਤੇ ਆਈਟੀ ਸਟਾਕਾਂ’ਚ ਵਿਕਰੀ ਦੇ ਵਿਚਕਾਰ ਹੇਠਾਂ ਬੰਦ ਹੋਇਆ। ਸੈਂਸੈਕਸ 558.72 ਅੰਕ ਜਾਂ 0.66% ਡਿੱਗ ਕੇ 83,674.92 ‘ਤੇ ਬੰਦ ਹੋਇਆ, ਜਦੋਂ ਕਿ ਨਿਫਟੀ 50 146.65 ਅੰਕ ਜਾਂ 0.57% ਡਿੱਗ ਕੇ 25,807.20 ‘ਤੇ ਬੰਦ ਹੋਇਆ। ਅੱਜ, ਸੈਂਸੈਕਸ ਲਗਭਗ 700 ਅੰਕਾਂ ਦੀ ਗਿਰਾਵਟ ਨਾਲ ਖੁੱਲ੍ਹਿਆ।