ਜਲੰਧਰ ਨੇੜੇ ਲਾਂਬੜਾ ਦੇ 40 ਸਾਲਾ ਤਰਖਾਣ ਛਿੰਦਰ ਪਾਲ ਨੇ “ਕੌਣ ਬਨੇਗਾ ਕਰੋੜਪਤੀ” ਸ਼ੋਅ ਵਿੱਚ 50 ਲੱਖ ਰੁਪਏ ਜਿੱਤ ਕੇ ਆਪਣੇ ਪਿੰਡ ਅਤੇ ਪਰਿਵਾਰ ਦਾ ਮਾਣ ਵਧਾਇਆ। ਜਦੋਂ ਇੱਕ ਕਰੋੜ ਰੁਪਏ ਦਾ ਸਵਾਲ ਸਕਰੀਨ ‘ਤੇ ਆਇਆ, ਤਾਂ ਛਿੰਦਰ ਪਾਲ ਘਬਰਾ ਗਏ ਅਤੇ ਫੈਸਲਾ ਕੀਤਾ ਕਿ ਉਹ ਸਵਾਲ ਛੱਡ ਦੇਣਗੇ, ਕਿਉਂਕਿ ਉਹ ਆਪਣੀਆਂ ਜਿੱਤਾਂ ਗੁਆਉਣਾ ਨਹੀਂ ਚਾਹੁੰਦੇ ਸਨ।
ਸਵਾਲ ਇਹ ਸੀ: “ਭਾਰਤ ਦੇ ਮਹਾਨ ਤ੍ਰਿਕੋਣਮਿਤੀ ਸਰਵੇਖਣ ਦੇ ਮੁਖੀ ਬਣਨ ਤੋਂ ਪਹਿਲਾਂ, ਇਹਨਾਂ ਵਿੱਚੋਂ ਕਿਹੜੇ ਟਾਪੂਆਂ ‘ਤੇ ਜਾਰਜ ਐਵਰੈਸਟ ਨੇ 1814 ਤੋਂ 1816 ਤੱਕ ਸਰਵੇਖਣ ਕੀਤਾ ਸੀ?” ਵਿਕਲਪ ਸਨ: ਏ. ਜੇਜੂ, ਵੀ. ਜਮੈਕਾ, ਸੀ. ਜਰਸੀ, ਡੀ. ਜਾਵਾ। ਸਹੀ ਜਵਾਬ ਡੀ. ਜਾਵਾ ਸੀ। ਉਹ 50 ਲੱਖ ਰੁਪਏ ਜਿੱਤਣ ਤੋਂ ਬਾਅਦ ਭਾਵੁਕ ਹੋ ਗਏ।
