ਜਲੰਧਰ, (ਸੰਜੇ ਸ਼ਰਮਾ/ਰੋਹੀਤ ਭਗਤ)-ਸ੍ਰੀ ਕ੍ਰਿਸ਼ਨ ਜਨਮਸ਼ਟਮੀ ਦੇਸ਼ ਵਿਦੇਸ਼ਾਂ ’ਚ ਬੜੇ ਹੀ ਸ਼ਰਧਾ ਭਾਵਨਾ ਨਾਲ ਮਨਾਇਆ ਗਿਆ। ਸ਼ਹਿਰ ਦੇ ਵੱਖ-ਵੱਖ ਮੰਦਰਾਂ ਨੂੰ ਫੁੱਲਾਂ ਨਾਲ ਸਜਾਇਆ ਗਿਆ। ਮੰਦਰਾਂ ਵਿਚ ਝਾਂਕੀਆਂ ਸਜਾਈਆ ਗਈਆਂ। ਇਸ ਦੌਰਾਨ ਸੰਗਤਾਂ ਲਈ ਕਈ ਪ੍ਰਕਾਰ ਦੇ ਲੰਗਰ ਦੀ ਸੇਵਾ ਕੀਤੀ ਗਈ। ਇਸ ਮੌਕੇ ’ਤੇ ਲੱਡੂ ਗੋਪਾਲ ਨੂੰ ਸੰਗਤਾਂ ਨੇ ਆਪਣੇ-ਆਪਣੇ ਘਰਾਂ ਤੋਂ ਰੰਗ-ਬਰੰਗੇ ਪੋਸ਼ਾਕਾਂ ਨਾਲ ਸਜਾ ਕੇ ਮੰਦਰਾਂ ’ਚ ਲੈ ਕੇ ਪਹੁੰਚੇ। ਸੰਗਤਾਂ ਦੇ ਵਾਹਨਾਂ ਦੇ ਰੱਖ ਰਖਾਓ ਲਈ ਪਾਰਕਿੰਗ ਦਾ ਖਾਸ ਧਿਆਨ ਰੱਖਿਆ ਗਿਆ। ਸ਼ਹਿਰ ਦੇ ਹਰ ਇਕ ਮੰਦਰਾਂ ’ਚ ਭਜਨਾਂ ਦੇ ਗੁਣਗਾਨ ਕੀਤੇ ਗਏ। ਸ਼ਹਿਰ ਦੇ ਕਈ ਥਾਵਾਂ ’ਤੇ ਸੰਗਤਾਂ ਨੇ ਟੇਬਲ ਤੇੇ ਲੱਡੂ ਗੋਪਾਲ ਨੂੰ ਪੂਰੀ ਤਰ੍ਹਾਂ ਸਜਾਏ ਹੋਏ ਨਜਰ ਆਏ। ਇਸ ਮੌਕੇ ’ਤੇ ਮਾਡਲ ਟਾਊਨ ਸ੍ਰੀ ਗੀਤਾ ਮੰਦਰ, ਅਰਬਨ ਸਟੇਟ ਫੇਜ-1 ਗੀਤਾ ਮੰਦਰ, ਲਕਸ਼ਮੀ ਨਰਾਇਣ ਮੰਦਰ ਮਾਡਲ ਹਾਊਸ, ਰਾਮ ਸੱਤਸੰਗ ਡਿਫੈਂਸ ਕਲੌਨੀ, ਭਗਵਾਨ ਮੰਦਰ ਬਸਤੀ ਸ਼ੇਖ, ਵੈਸ਼ਨੋ ਦੇਵੀ ਮੰਦਰ ਕਾਲਾ ਸੰਘਿਆ ਰੋਡ ਆਦਿ ਸ਼ਹਿਰ ਦੇ ਮੰਦਰਾਂ ’ਚ ਰੌਣਕਾਂ ਦੇਖਣ ਨੂੰ ਮਿਲੀਆ। ਇਸ ਮੌਕੇ ’ਤੇ ਬਾਬਾ ਕਾਂਤਾ ਨੇ ਸਮੂਹ ਸੰਗਤਾਂ ਨਾਲ ਪਾਵਨ ਜਨਮਸ਼ਟਮੀ ਦੀ ਵਧਾਈ ਦਿੱਤੀ।

ਉਨ੍ਹਾਂ ਨੇ ਕਿਹਾ ਕਿ ਸਾਨੂੰ ਸਭ ਨੂੰ ਇਕ ਦੂਸਰੇ ਦੇ ਸੁਖ-ਦੁਖ ਵਿਚ ਸਾਥ ਦੇਣਾ ਚਾਹੀਦਾ ਹੈ।