ਜਲੰਧਰ, ਰੂਹਾਨੀਅਤ ਦੇ ਕੇਂਦਰ ਸੱਚਖੰਡ ਸ੍ਰੀ ਦਰਬਾਰ ਸਾਹਿਬ , ਸ੍ਰੀ ਅੰਮ੍ਰਿਤਸਰ ਨੂੰ ਈਮੇਲ ਰਾਹੀਂ ਧਮਕੀ ਦੇਣ ਦੇ ਮਾਮਲੇ ਵਿੱਚ ਗ੍ਰਿਫਤਾਰ ਅੱਤਵਾਦੀ ਸ਼ੁਭਮ ਦੁਬੇ ਤੇ ਤੁਰੰਤ ਨੈਸ਼ਨਲ ਸਕਿਉਰਟੀ ਐਕਟ ਲਾ ਕੇ ਡਿਬੜੂਗੜ੍ਹ ਜੇਲ ਭੇਜਿਆ ਜਾਵੇ ,ਅਤੇ ਅੱਤਵਾਦ ਰੋਕਣ ਵਾਲਾ ਯੂਏਪੀਏ ਐਕਟ ਵੀ ਲਾਇਆ ਜਾਵੇ ।ਸਿੱਖ ਤਾਲਮੇਲ ਕਮੇਟੀ ਦੇ ਆਗੂ ਤੇਜਿੰਦਰ ਸਿੰਘ ਪਰਦੇਸੀ ,ਹਰਪਾਲ ਸਿੰਘ ਜੱਡਾ, ਹਰਪ੍ਰੀਤ ਸਿੰਘ ਨੀਟੂ, ਵਿੱਕੀ ਸਿੰਘ ਖਾਲਸਾ ਨੇ ਇੱਕ ਸਾਂਝੇ ਬਿਆਨ ਵਿੱਚ ਕਿਹਾ ਹੈ। ਕਿ ਜਿਹੜੇ ਵੀ ਸਿੱਖ ਆਪਣੇ ਧਰਮ ਦੀ ਚੜ੍ਹਦੀ ਕਲਾ ਲਈ ਕੰਮ ਕਰਦੇ ਹਨ। ਉਹਨਾਂ ਉਤੇ ਮੌਕੇ ਦੀਆਂ ਸਰਕਾਰਾਂ ਵੱਲੋਂ ਐਨਐਸਏ ਲਾ ਕੇ ਡਿੱਬੜੂਗੜ ਜੇਲ ਵਿੱਚ ਭੇਜ ਦਿੱਤਾ ਜਾਂਦਾ ਹੈ ।ਪਰ ਅੱਤਵਾਦੀ ਤੋਂ ਵੱਧ ਖਤਰਨਾਕ ਸ਼ੁਭਮ ਦੁਬੇ ,ਜੋ ਸਿੱਖਾਂ ਦੇ ਸਰਬ ਉੱਚ ਅਸਥਾਨ ਨੂੰ ਬੰਬਾਂ ਨਾਲ ਉਡਾਣ ਦੀਆਂ ਧਮਕੀਆਂ ਦੇ ਰਿਹਾ ਹੈ। ਉਸ ਉੱਤੇ ਅਗਰ ਦੇਸ਼ ਵਿਰੋਧੀ ਧਰਮਾਂ ਵਿੱਚ ਪਾੜਾ ਪਾਉਣ, ਅਤੇ ਅੱਤਵਾਦ ਵਿਰੋਧੀ ਧਰਾਵਾਂ ਹੇਠ ਪਰਚਾ ਦਰਜ ਕਰਕੇ ਐਨਐਸਏ ਅਧੀਨ ਨਜ਼ਰਬੰਦ ਨਾ ਕੀਤਾ ਗਿਆ। ਤਾਂ ਇਹ ਸਮਝਿਆ ਜਾਵੇਗਾ ਕਿ ਇਸ ਦੇਸ਼ ਵਿੱਚ ਜੋ ਕਾਨੂੰਨ ਲਾਗੂ ਹਨ।ਉਹ ਸਿੱਖ ਨੌਜਵਾਨਾਂ ਲਈ ਹੋਰ ਵਖਰ ਵਾਦੀ ਤਾਕਤਾਂ ਲਈ ਕਾਨੂੰਨ ਹੋਰ ,ਅਸੀਂ ਸਮੁੱਚੇ ਸਿੱਖ ਪੰਥ ਨੂੰ ਅਪੀਲ ਕਰਦੇ ਹਾਂ ਅਜਿਹੀਆਂ ਤਾਕਤਾਂ ਵਿਰੁੱਧ ਸੁਚੇਤ ਹੋ ਕੇ ਰਹਿਣਾ ਚਾਹੀਦਾ ਹੈ । ਤਾਂ ਜੋ ਸਮਾਜ ਵਿਰੋਧੀ, ਧਰਮ ਵਿਰੋਧੀ, ਦੇਸ਼ ਵਿਰੋਧੀ, ਤਾਕਤਾਂ ਦੇ ਗੰਦੇ ਮਨਸੂਬੇ ਕਦੀ ਪੂਰਨ ਨਾ ਹੋ ਸਕਣ। ਅਸੀਂ ਇਹਨਾਂ ਹਰਕਤਾਂ ਪਿੱਛੇ ਮਹਿਸੂਸ ਕਰਦੇ ਹਾਂ ।ਕਿ ਕੋਈ ਹੋਰ ਵੱਡੀ ਸਾਜਿਸ਼ ਵੀ ਹੋ ਸਕਦੀ ਹੈ। ਜੋ ਸਿੱਖਾਂ ਦੀ ਸਰਵ ਉੱਚ ਅਸਥਾਨ ਤੇ ਧਰਮਾਂ ਜਾਤ ਪਾਤ ਤੋਂ ਉੱਪਰ ਉੱਠ ਕੇ, ਜਿਸ ਤਰ੍ਹਾਂ ਸੰਗਤਾਂ ਆਉਂਦੀਆਂ ਹਨ। ਉਹਨਾਂ ਵਿੱਚ ਡਰ ਦੀ ਭਾਵਨਾ ਪੈਦਾ ਕੀਤਾ ਜਾਵੇ ।ਪਰ ਸੰਗਤਾਂ ਮੌਤ ਦੇ ਡਰ ਤੋਂ ਉੱਪਰ ਉੱਠ ਕੇ ਗੁਰੂ ਘਰ ਦੇ ਚਰਨਾਂ ਵਿੱਚ ਆਉਂਦੀਆਂ ਹਨ।