ਰਾਸ਼ਟਰੀ ਰਾਜਧਾਨੀ ‘ਚ ਹਵਾ ਪ੍ਰਦੂਸ਼ਣ ਦੀਵਾਲੀ ਤੋਂ ਬਾਅਦ ਵਧ ਰਿਹਾ ਹੈ, ਜਿਸ ‘ਚ ਕਮੀ ਦੇ ਕੋਈ ਸੰਕੇਤ ਨਹੀਂ ਦਿਖਾਈ ਦੇ ਰਹੇ ਹਨ। ਇਸ ਨਾਲ ਜਨਤਾ ਨੂੰ ਕਾਫ਼ੀ ਅਸੁਵਿਧਾ ਹੋ ਰਹੀ ਹੈ। ਇਸ ਪ੍ਰਦੂਸ਼ਣ ਨੂੰ ਘਟਾਉਣ ਲਈ, ਸਰਕਾਰ ਨੇ 29 ਅਕਤੂਬਰ ਨੂੰ ਕਲਾਉਡ ਸੀਡਿੰਗ (ਨਕਲੀ ਬਾਰਿਸ਼) ਦਾ ਫੈਸਲਾ ਕੀਤਾ। ਜੇਕਰ ਵਿਜ਼ੀਬਿਲਟੀ ਚੰਗੀ ਰਹਿੰਦੀ ਹੈ, ਤਾਂ ਅੱਜ ਕਲਾਉਡ ਸੀਡਿੰਗ ਕੀਤੀ ਜਾ ਸਕਦੀ ਹੈ।
ਦਿੱਲੀ ਦੇ ਵਾਤਾਵਰਣ ਮੰਤਰੀ ਮਨਜਿੰਦਰ ਸਿੰਘ ਸਿਰਸਾ ਨੇ ਕਲਾਉਡ ਸੀਡਿੰਗ ਬਾਰੇ ਕਿਹਾ ਹੈ ਕਿ ਜੇਕਰ ਵਿਜ਼ੀਬਿਲਟੀ 5000 ਤੱਕ ਪਹੁੰਚ ਜਾਂਦੀ ਹੈ, ਜੋ ਕਿ ਇਸ ਸਮੇਂ ਖਰਾਬ ਮੌਸਮ ਕਾਰਨ 2000 ਹੈ, ਤਾਂ ਸਾਡੀ ਫਲਾਈਟ ਅੱਜ ਕਾਨਪੁਰ ਤੋਂ ਉਡਾਣ ਭਰੇਗੀ। ਜੇਕਰ ਵਿਜ਼ੀਬਿਲਟੀ ‘ਚ ਸੁਧਾਰ ਹੁੰਦਾ ਹੈ, ਤਾਂ ਕਲਾਉਡ ਸੀਡਿੰਗ ਅੱਜ ਕੀਤੀ ਜਾਵੇਗੀ। ਇਸ ਨਾਲ ਰਾਜਧਾਨੀ ‘ਚ ਨਕਲੀ ਮੀਂਹ ਪਵੇਗਾ। ਪਾਯਰੋ ਤਕਨੀਕ ਨਾਲ ਸੀਡਿੰਗ ਕੀਤੀ ਜਾਵੇਗੀ। ਉਮੀਦ ਹੈ ਕਿ ਇਸ ਨਾਲ ਹਵਾ ਪ੍ਰਦੂਸ਼ਣ ‘ਚ ਸੁਧਾਰ ਹੋਵੇਗਾ। ਦੇਸ਼ ਦੀ ਰਾਜਧਾਨੀ ਦਿੱਲੀ ‘ਚ ਇਹ ਪਹਿਲਾ ਅਜਿਹਾ ਪ੍ਰਯੋਗ ਹੈ। ਮੌਸਮ ਵਿਭਾਗ ਨੇ ਪਹਿਲਾਂ ਹੀ 28, 29 ਤੇ 30 ਅਕਤੂਬਰ ਨੂੰ ਬੱਦਲਵਾਈ ਵਾਲੇ ਮੌਸਮ ਦੀ ਭਵਿੱਖਬਾਣੀ ਕੀਤੀ ਸੀ।