ਜਲੰਧਰ, ਹਮਸਫ਼ਰ ਯੂਥ ਕਲੱਬ ਅਤੇ ਹਮਸਫ਼ਰ ਰੈੱਡ ਰਿਬਨ ਯੂਥ ਕਲੱਬ ਦੇ ਪ੍ਰਧਾਨ ਅਤੇ ਮੁੱਖ ਪ੍ਰੋਗਰਾਮ ਅਫਸਰ ਨੇ ਦੱਸਿਆ ਕਿ ਆਪਣੀ ਧੀ ਸੋਹਾਂਗਣੀ ਦੇ ਜਨਮਦਿਨ ‘ਤੇ ਇੱਕ ਵਿਲੱਖਣ ਪਹਿਲਕਦਮੀ ਕਰਦਿਆਂ ਪੰਜਾਬ ਸਰਕਾਰ ਦੁਆਰਾ ਚਲਾਏ ਜਾ ਰਹੇ ਡੀ.ਐਸ.ਐਸ.ਓ. ਅਧੀਨ ਬੁਢਾਪਾ, ਵਿਧਵਾ, ਅਪਾਹਜ, ਆਸ਼ਰਿਤਾਂ ਅਤੇ ਡੀ.ਸੀ.ਪੀ.ਓ. ਦੁਆਰਾ ਚਲਾਏ ਜਾ ਰਹੇ 18 ਸਾਲ ਤੋਂ ਘੱਟ ਉਮਰ ਦੇ ਆਸ਼ਰਿਤ ਬੱਚਿਆਂ ਲਈ 4000 ਰੁਪਏ ਪ੍ਰਤੀ ਮਹੀਨਾ ਸਪਾਂਸਰਸ਼ਿਪ ਸਕੀਮ ਬਾਰੇ ਜਾਗਰੂਕਤਾ ਫੈਲਾਉਂਦੇ ਹੋਏ, ਲਾਭਪਾਤਰੀਆਂ ਦੇ ਫਾਰਮ ਭਰਨ ਦੀ ਪ੍ਰਕਿਰਿਆ ਕਲੱਬ ਡਾਇਰੈਕਟਰ ਪੂਨਮ ਭਾਟੀਆ ਦੁਆਰਾ ਸ਼ੁਰੂ ਕੀਤੀ ਗਈ। ਭਾਟੀਆ ਨੇ ਦੱਸਿਆ ਕਿ ਮੇਰੀ ਧੀ ਸੋਹਾਂਗਣੀ ਦੇ 5ਵੇਂ ਜਨਮਦਿਨ ‘ਤੇ, ਕੁਸ਼ਟ ਆਸ਼ਰਮ, ਅਪੰਗ ਆਸ਼ਰਮ, ਪਿੰਗਲਾ ਘਰ ਵਿੱਚ ਸਰਕਾਰੀ ਪੈਨਸ਼ਨਾਂ ਲਈ ਜਾਗਰੂਕਤਾ ਕੈਂਪ ਲਗਾਏ ਜਾ ਰਹੇ ਹਨ।
ਇਸੇ ਤਰ੍ਹਾਂ, ਸਮਾਜ ਸੇਵਕ ਕਰਨਲ ਸੰਤੋਖਪੁਰੀ ਨੇ ਦੱਸਿਆ ਕਿ ਅਗਲਾ ਕੈਂਪ ਮਾਨਯੋਗ ਤਰਸੇਮ ਕਪੂਰ ਜੀ ਦੇ ਦਿਸ਼ਾ-ਨਿਰਦੇਸ਼ਾਂ ਅਨੁਸਾਰ ਅਪਾਹਜ ਆਸ਼ਰਮ ਵਿੱਚ ਇਹ ਕੈਂਪ ਲਗਾਇਆ ਜਾਵੇਗਾ।
ਇਸ ਤੋਂ ਬਾਅਦ, ਸਰਕਾਰੀ ਯੋਜਨਾਵਾਂ ਅਧੀਨ ਜਲੰਧਰ ਵਿੱਚ ਪਿੰਗਲਾ ਘਰ, ਯੂਨੀਕ ਹੋਮ ਅਤੇ ਸੀਨੀਅਰ ਸਿਟੀਜ਼ਨ ਹੋਮ ਵਿਖੇ ਪੈਨਸ਼ਨਾਂ ਨਾਲ ਸਬੰਧਤ ਜਾਗਰੂਕਤਾ ਕੈਂਪ ਲਗਾਏ ਜਾ ਰਹੇ ਹਨ।