ਜਲੰਧਰ, (ਸ਼ੰਜੇ ਸ਼ਰਮਾ)-ਗੜ੍ਹਾ ਵਿਖੇ ਲਗਾਤਾਰ ਕਈ ਦਿਨਾਂ ਤੋਂ ਧਰਨਾ ਲੱਗ ਰਿਹਾ ਹੈ। ਪ੍ਰਸ਼ਾਸਨ ਵੱਲੋਂ ਫੋਰਸ ਵੀ ਲਗਾ ਦਿੱਤੀ ਗਈ ਹੈ। ਇਲਾਕੇ ਦੇ ਲੋਕਾਂ ਵੱਲੋਂ ਅਣਮਿਥੇ ਸਮੇਂ ਲਈ ਧਰਨਾ ਲਗਾ ਦਿੱਤਾ ਗਿਆ ਹੈ। ਇਸ ਇਲਾਕੇ ਦੇ ਲੋਕਾਂ ਦੀ ਮੰਗ ਹੈ ਕਿ ਸਿਹਤ ਕੇਂਦਰ ਨੂੰ ਇਸੇ ਤਰ੍ਹਾਂ ਰਹਿਣ ਦਿੱਤਾ ਜਾਵੇਗਾ ਪਰ ਪ੍ਰਸ਼ਾਸਨ ਵੱਲੋਂ ਦਵਾਬ ਪਾਇਆ ਜਾ ਰਿਹਾ ਹੈ ਇਥੇ ਮਹੁੱਲਾ ਕਲੀਨਿਕ ਖੋਲ੍ਹਿਆ ਜਾਵੇਗਾ। ਇਸ ਸਮੱਸਿਆ ਸਬੰਧੀ ਸਿਵਲ ਸਰਜਨ ਡਾ. ਰਮਨ ਸ਼ਰਮਾ ਨਾਲ ਗੱਲਬਾਤ ਕੀਤੀ ਤਾਂ ਉਨ੍ਹਾਂ ਵੱਲੋਂ ਸਵਾਲਾਂ ਦੇ ਜਵਾਬ ਦਿੰਦਿਆ ਕਿਹਾ ਕਿ ਮਹੁੱਲਾ ਕਲੀਨਿਕ ਖੁਲਣ ਦੀ ਗੱਲ ਬਿਲਕੁਲ ਸਹੀ ਹੈ। ਇਸ ਇਲਾਕੇ ਵਿਚ ਸਿਹਤ ਕੇਂਦਰ ਵਿਚ ਪਹਿਲਾਂ ਵੀ ਸਾਨੂੰ ਡਾਕਟਰ ਕਿਥੋਂ ਨਾ ਕਿਥੋਂ ਅਰੈਂਜ ਕਰਕੇ ਬੈਠਾਣਾ ਪੈ ਰਿਹਾ ਹੈ। ਮੁੱਹਲਾ ਕਲੀਨਿਕ ਖੁਲ੍ਹਣ ਨਾਲ ਲੋਕਾਂ ਨੂੰ ਇਸ ਦਾ ਲਾਹਾ ਮਿਲੇਗਾ। ਇਕ ਇਕ ਡਾਕਟਰ ’ਤੇ ਸਿਹਤ ਕੇਂਦਰ ਵੱਲੋਂ ’ਤੇ ਇਕ ਡਾਕਟਰ ਮੁਹੱਲਾ ਕਲੀਨਿਕ ਦੇ ਹੋਣਗੇ। ਜਦੋਂ ਉਨ੍ਹਾਂ ਨੂੰ ਪੁਛਿਆ ਕਿ ਇਮਾਰਤ ਨੂੰ ਭੰਨ ਤੋੜ ਕੀਤੀ ਜਾਵੇਗੀ ਤਾਂ ਉਨ੍ਹਾਂ ਨੇ ਕਿਹਾ ਕਿ ਡਾਕਟਰ ਦੇ ਬੈਠਣ ਲਈ ਏਸੀ ਲਗਾਉਣ ਲਈ ਆਖਰਕਾਰ ਭੰਨ ਤੋੜ ਦੀ ਜਰੂਰਤ ਹੋਵੇਗੀ। ਉਨ੍ਹਾਂ ਨੂੰ ਪੁਛਿਆ ਕਿ ਆਖਰ ਫੋਰਸ ਦੀ ਜਰੂਰਤ ਇਸ ਸਮੇਂ ਕਿਉ ਪਈ ਜਿਨ੍ਹਾਂ ਨੂੰ ਤੈਨਾਇਤ ਕੀਤਾ ਗਿਆ।¿; ਉਨ੍ਹਾਂ ਨੇ ਕਿਹਾ ਕਿ ਇਸ ਬਾਰੇ ਪ੍ਰਸ਼ਾਸਨ ਨੂੰ ਜਾਣਕਾਰੀ ਦਿੱਤੀ ਗਈ ਹੈ। ਉਨ੍ਹਾਂ ਨੂੰ ਪੁਛਿਆ ਗਿਆ ਕਿ ਤੁਹਾਡੀ ਸੇਵਾਵਾਂ ਤੋਂ ਪਹਿਲਾਂ ਹੀ ਜਨਤਾ ਖੁਸ਼ ਹਨ ਤਾਂ ਉਨ੍ਹਾਂ ਨੇ ਕਿਹਾ ਕਿ ਹੋਰ ਵੀ ਸਹੁਲਤਾ ਮਹੁੱਲਾ ਕਲੀਨਿਕ ਤੋਂ ਮਿਲੇਗੀ। ਆਖਰ ਇਥੇ ਹੀ ਸਮੱਸਿਆ ਕਿਉ ਆ ਰਹੀ ਹੈ। 598 ਥਾਵਾਂ ’ਤੇ ਮੁਹੱਲਾ ਕਲੀਨਿਕ ਖੋਲ੍ਹੇ ਜਾ ਰਹੇ ਹਨ ਉਥੇ ਕਿਸੇ ਵੀ ਤਰ੍ਹਾਂ ਦੀ ਸਮੱਸਿਆ ਨਹੀਂ ਆ ਰਹੀ ਹੈ। ਇਥੇ ਦੱਸਣਯੋਗ ਗੱਲ ਹੈ ਕਿ ਮੁਹੱਲਾ ਕਲੀਨਿਕ ਲਈ ਗਰਾਂਟ ਲਗਭਗ 25 ਕੁ ਲੱਖ ਦੇ ਪਾਸ ਹੋਏ ਹਨ। ਜਿਹੜਾ ਪੈਸਾ ਇਸ ਜਗ੍ਹਾ’ਤੇ ਲਗਾਇਆ ਜਾਏਗਾ। ਇਹ ਵੱਡਾ ਸਵਾਲ ਖੜਾ ਕਰ ਰਿਹਾ ਮਾਨ ਸਰਕਾਰ ਲੋਕਾਂ ਦਾ ਪੈਸਾ ਬਣੀ ਬਣਾਈ ਬਿਲਡਿੰਗ ’ਤੇ ਲਗਾ ਕੇ ਨਾਮ ਕਰ ਰਹੀ ਹੈ।