ਜਲੰਧਰ, (ਸੰਜੇ ਸ਼ਰਮਾ/ਅਸ਼ੋਕ ਭਗਤ)-ਦਸ਼ਹਿਰ ਗਰਾਊਂਡ ਪਾਰਕ ਦਾ ਹਾਲ ਤਰਸਯੋਗ ਬਣਿਆ ਹੋਇਆ ਹੈ। ਹਰ ਸਾਲ ਇਸ ਜਗ੍ਹਾ ’ਤੇ ਰਾਮ ਲੀਲਾ ਦਾ ਪ੍ਰੋਗਰਾਮ ਕਰਵਾਇਆ ਜਾਂਦਾ ਹੈ। ਵੱਖ-ਵੱਖ ਰਾਜਨੀਤਿਕ ਨੇਤਾਵਾਂ ਵੀ ਆਉਦੇ ਹਨ ਪਰ ਪਾਰਕ ਵੱਲ ਦੇਖ-ਰੇਖ ਸੰਭਾਲ ਬਾਰੇ ਕਦੇ ਨਹੀਂ ਪੁੱਛਿਆ ਗਿਆ। ਇਹ ਸਵਾਲ ਖੜਾ ਕਰਦਾ ਹੈ ਮੌਜੂਦਾ ਸਰਕਾਰ ਉਪਰ ਕਿ ਗੰਦੇ ਪਾਣੀ ਜਮ੍ਹਾ ਹੋਣ ਕਾਰਨ ਮੱਖੀ, ਮੱਛਰਾਂ ਦੀ ਭਰਮਾਰ ਪੈਦਾ ਹੁੰਦੀ ਹੈ। ਏਰੀਏ ਵਿਚ ਬਿਮਾਰੀ ਨਾ ਪੈਦਾ ਹੋਵੇ। ਪ੍ਰਸ਼ਾਸਨ ਨੂੰ ਇਸ ਵੱਲ ਧਿਆਨ ਦੇਣਾ ਚਾਹੀਦਾ ਹੈ। ਮਿਲੀ ਜਾਣਕਾਰੀ ਮੁਤਾਬਕ ਆਲੇ-ਦੁਆਲੇ ਦੇ ਬੱਚੇ, ਬਜ਼ੁਰਗ ਲਗਾਤਾਰ ਰੋਜਾਨਾ ਸਵੇਰੇ ਸ਼ਾਮ ਸੈਰ ਕਰਨ ਨੂੰ ਆਉਦੇ ਹਨ। ਗੰਦਾ ਪਾਣੀ ਜਮ੍ਹਾ ਹੋਣ ਕਾਰਨ ਬਦਬੂਹ ਬਹੁਤ ਆਉਦੀ ਹੈ। ਪਾਣੀ ਜਮ੍ਹਾ ਹੋਣ ਕਾਰਨ ਗੰਦਗੀ ਤੋਂ ਕਾਫੀ ਸਾਰਾ ਮੱਛਰ, ਮੱਖੀ ਪੈਦਾ ਹੋ ਰਿਹਾ ਹੈ। ਤਸਵੀਰਾਂ ਇਹ ਬਿਆਨ ਕਰ ਰਹੀਆਂ ਹਨ। ਮਿਲੀ ਜਾਣਕਾਰੀ ਮੁਤਾਬਕ ਲੋਕਾਂ ਦਾ ਕਹਿਣਾ ਹੈ ਕਿ ਪਹਿਲਾਂ ਇਥੇ ਪਾਰਕ ਵਿਚ ਮਿੱਟੀ ਪਾਈ ਗਈ। ਬੱਚਿਆਂ ਦੇ ਖੇਡਣ ਲਈ ਪੰਗੂੜੇ ਵੀ ਲਗਾਏ ਗਏ ਪਰ ਪਾਰਕ ਦੀ ਦੇਖ ਰੇਖ ਨਾ ਹੋਣ ਕਾਰਨ ਇਹ ਵੀ ਪੂਰੀ ਤਰ੍ਹਾਂ ਟੁਟ ਰਹੇ ਹਨ। ਇਥੇ ਦੱਸਣਯੋਗ ਗੱਲ ਹੈ ਕਿ ਇਸ ਪਾਰਕ ਦੇ ਨਾਲ ਸਕੂਲ ਵੀ ਹਨ। ਜਿਥੇ ਛੋਟੇ-ਛੋਟੇ ਬੱਚੇ ਇਥੋਂ ਲੰਘਦੇ ਹਨ। ਇਨ੍ਹਾਂ ਵਿਚੋਂ ਪੈਦਾ ਹੋਏ ਮੱਖੀ, ਮੱਛਰ ਬਿਮਾਰੀ ਨੂੰ ਸਦਾ ਦੇ ਰਹੇ ਹਨ। ਏਰੀਆ ਦੇ ਐਮਪੀ ਸਾਹਿਬ ਵੀ ਪਿਛੇ ਜਿਹੇ ਯੋਗ ਦਿਵਸ ਮੌਕੇ ’ਤੇ ਪਾਰਕ ’ਚ ਆਏ ਸਨ ਪਰ ਉਨ੍ਹਾਂ ਨੂੰ ਪਤਾ ਨਹੀਂ ਕਿ ਪਾਰਕ ਦਾ ਹਾਲ ਬਰਸਾਤ ਨਾਲ ਕੀ ਹੁੰਦਾ ਹੈ। ਇਥੋਂ ਦੇ ਲੋਕਾਂ ਨੇ ਮੰਗ ਕੀਤੀ ਕਿ ਪਾਣੀ ਵਿਚੋਂ ਕਾਫੀ ਬਦਬੂਹ ਆਉਦੀ ਹੈ ਜਿਸ ਨੂੰ ਜਲਦੀ ਤੋਂ ਜਲਦੀ ਸਫਾਈ ਕਰਵਾਈ ਜਾਵੇ।