ਕੀ ਤੁਸੀਂ ਕਦੇ ਸ਼ਰਾਬੀ ਕੁੱਤਾ ਦੇਖਿਆ ਹੈ? ਯੂਕੇ ਵਿੱਚ ਇੱਕ ਕੁੱਤੇ ਦੀ ਸ਼ਰਾਬ ਦੀ ਲਤ ਛੁਡਵਾਉਣ ਲਈ ਇਲਾਜ ਕਰਵਾਇਆ ਜਾ ਰਿਹਾ ਹੈ।ਕੁੱਤਾ ਸ਼ਰਾਬ ਦਾ ਇੰਨਾ ਆਦੀ ਹੋ ਗਿਆ ਕਿ ਉਸਦਾ ਮਾਲਕ ਵੀ ਪਰੇਸ਼ਾਨ ਹੋ ਗਿਆ। ਜਾਣਕਾਰੀ ਅਨੁਸਰ ਕੋਕੋ ਨਾਂ ਦੇ 2 ਸਾਲਾ ਲੈਬਰਾਡੋਰ ਨੂੰ ਇਕ ਹੋਰ ਕੁੱਤੇ ਸਮੇਤ ਐਨੀਮਲ ਰੈਸਕਿਊ ਟਰੱਸਟ ਨੂੰ ਸੌਂਪ ਦਿੱਤਾ ਗਿਆ। ਦੋਨੋਂ ਕੁੱਤਿਆਂ ਨੂੰ ਦੌਰਾ ਪੈਣ ‘ਤੇ ਟਰੱਸਟ ਨੂੰ ਸੌਂਪ ਦਿੱਤਾ ਗਿਆ। ਐਨੀਮਲ ਵੈਲਫੇਅਰ ਚੈਰਿਟੀ ਦੇ ਫੇਸਬੁੱਕ ਪੇਜ ਮੁਤਾਬਕ ਦੂਜੇ ਕੁੱਤੇ ਨੂੰ ਪੂਰੀ ਕੋਸ਼ਿਸ਼ ਦੇ ਬਾਵਜੂਦ ਬਚਾਇਆ ਨਹੀਂ ਜਾ ਸਕਿਆ। ਹਾਲਾਂਕਿ, ਕੋਕੋ ਹੁਣ ਪੂਰੀ ਤਰ੍ਹਾਂ ਠੀਕ ਹੋਣ ਦੀ ਕਗਾਰ ‘ਤੇ ਹੈ। ਪੋਸਟ ਵਿੱਚ ਕਿਹਾ ਗਿਆ ਹੈ ਕਿ ਕੋਕੋ ਗੰਭੀਰ ਰੂਪ ਵਿੱਚ ਬਿਮਾਰ ਹੋ ਰਿਹਾ ਸੀ, ਉਸਦੀ ਸ਼ਰਾਬ ਛੁਡਾਉਣ ਦੀ ਸਖ਼ਤ ਲੋੜ ਸੀ। ਸ਼ਰਾਬੀ ਕੋਕੋ ਨੂੰ ਦੌਰੇ ਪੈਣੇ ਸ਼ੁਰੂ ਹੋ ਗਏ। ਅਜਿਹੇ ‘ਚ ਉਨ੍ਹਾਂ ਨੂੰ ਪੂਰੇ ਚਾਰ ਹਫਤਿਆਂ ਤੱਕ ਬੇਹੋਸ਼ ਰੱਖਿਆ ਗਿਆ, ਤਾਂ ਜੋ ਉਨ੍ਹਾਂ ਨੂੰ ਵਾਰ-ਵਾਰ ਦੌਰੇ ਨਾ ਪੈਣ ਅਤੇ ਉਹ ਜਲਦੀ ਠੀਕ ਹੋ ਸਕੇ। ਸੈਂਚੁਰੀ ਦੇ ਮੈਨੇਜਰ ਨੇ ਦੱਸਿਆ ਕਿ ਕੋਕੋ ਹੁਣ ਠੀਕ ਹੋ ਰਿਹਾ ਹੈ। ਉਹ ਆਪਣਾ ਜ਼ਿਆਦਾਤਰ ਸਮਾਂ ਸਾਡੇ ਰਿਸੈਪਸ਼ਨ ‘ਤੇ ਕੁੜੀਆਂ ਨਾਲ ਖੇਡਣ ਵਿਚ ਬਿਤਾਉਂਦਾ ਹੈ। ਉਹ ਆਪਣੀ ਗੇਂਦ ਨਾਲ ਖੇਡਦਾ ਰਹਿੰਦਾ ਹੈ। ਇਹ ਸੱਚਮੁੱਚ ਸਾਨੂੰ ਉਨ੍ਹਾਂ ਸਾਰੇ ਦਿਨਾਂ ਅਤੇ ਰਾਤਾਂ ਬਾਰੇ ਸੋਚ ਕੇ ਦਿਲਾਸਾ ਦਿੰਦਾ ਹੈ ਜੋ ਅਸੀਂ ਉਸ ਨਾਲ ਬਿਤਾਏ ਹਨ।