ਅਜਿਹਾ ਇੱਕ ਮਾਮਲਾ ਲੁਧਿਆਣਾ ਤੋਂ ਸਾਹਮਣੇ ਆਇਆ ਹੈ , ਜਿੱਥੇ ਇੱਕ ਨੌਜਵਾਨ ਨੇ ਇੱਕ ਸ਼ਖ਼ਸ ਦੇ ਘਰੋਂ ਕੁੱਤਾ ਚੋਰੀ ਕਰ ਲਿਆ। ਚੋਰੀ ਵੇਲੇ ਘਰ ਦਾ ਮਾਲਕ ਆਪਣੇ ਕਿਸੇ ਕੰਮ ਲਈ ਗਿਆ ਹੋਇਆ ਸੀ। ਚੋਰ ਇਸੇ ਗੱਲ ਦਾ ਫਾਇਦਾ ਚੁੱਕਦੇ ਹੋਏ ਘਰ ‘ਚ ਦਾਖਲ ਹੋਇਆ ਅਤੇ ਕੁੱਤੇ ਨੂੰ ਲੈ ਭੱਜਿਆ। ਦੱਸ ਦੇਈਏ ਉਸ ਦੌਰਾਨ ਜਦੋਂ ਕੁੱਤਾ ਆਪਣੀ ਰੱਖਿਆ ਲਈ ਭੌਂਕਿਆ ਤਾਂ ਚੋਰ ਨੇ ਉਸ ਦੇ ਮੂੰਹ ‘ਤੇ ਥੱਪੜ ਜੜ ਦਿੱਤਾ, ਜਿਸ ਮਗਰੋਂ ਕੁੱਤਾ ਵੀ ਡਰ ਕੇ ਚੁੱਪ ਕਰ ਗਿਆ। ਕੁੱਤੇ ਦੇ ਚੋਰੀ ਦੀ ਇਹ ਸਾਰੀ ਘਟਨਾ ਸੀ.ਸੀ.ਟੀ.ਵੀ. ਕੈਮਰੇ ‘ਚ ਕੈਦ ਹੋ ਗਈ।ਇਸ ਚੋਰੀ ਦੀ ਜਾਣਕਾਰੀ ਦਿੰਦੇ ਹੋ ਛਾਉਣੀ ਮੁਹੱਲੇ ਦੇ ਵਸਨੀਕ ਅਮਨਪ੍ਰੀਤ ਸਿੰਘ ਸੰਨੀ ਨੇ ਦੱਸਿਆ ਕਿ ਕੱਲ੍ਹ ਸ਼ਾਮ 4 ਵਜੇ ਇੱਕ ਵਿਅਕਤੀ ਡੱਬੀ ਵਾਲੀ ਕਮੀਜ਼ ਪਾਈ ਉਸ ਦੇ ਘਰ ਦੇ ਬਾਹਰ ਖੜ੍ਹਾ ਸੀ। ਜਿਸਨੇ ਕੁੱਤੇ ਨੂੰ ਆਪਣੀ ਗੋਦ ‘ਚ ਚੁੱਕਿਆ ਅਤੇ ਸੰਨੀ ਦਾ ਕਹਿਣਾ ਕਿ ਜਦੋਂ ਉਹ ਆਪਣੇ ਘਰ ‘ਚ ਦਾਖਿਲ ਹੋਇਆ ਤਾਂ ਉਸ ਨੂੰ ਕਾਫੀ ਦੇਰ ਤੱਕ ਆਪਣਾ ਪਾਲਤੂ ਕੁੱਤਾ ਨਜ਼ਰ ਨਹੀਂ ਆਇਆ। ਜਿਸ ਮਗਰੋਂ ਉਸ ਨੇ ਗੁਆਂਢੀਆਂ ਦੇ ਘਰਾਂ ‘ਚ ਵੀ ਕੁੱਤੇ ਦੀ ਭਾਲ ਕੀਤੀ। ਜਦੋਂ ਕੁੱਤਾ ਕਿਧਰੇ ਨਜ਼ਰ ਨਹੀਂ ਆਇਆ ਤਾਂ ਉਸ ਨੇ ਆਪਣੇ ਇਲਾਕੇ ਦੀ ਇੱਕ ਦੁਕਾਨ ਦੇ ਬਾਹਰ ਲੱਗੇ ਸੀ.ਸੀ.ਟੀ.ਵੀ. ਕੈਮਰਿਆਂ ਦੀ ਜਾਂਚ ਕੀਤੀ। ਜਿਸ ਤੋਂ ਪਤਾ ਲੱਗਿਆ ਕਿ ਚੋਰ ਕੁੱਤਾ ਚੋਰੀ ਕਰ ਕੇ ਚਲਦਾ ਬਣਿਆ।ਮਾਲਕ ਦਾ ਕਹਿਣਾ ਕਿ ਕੁੱਤੇ ਦੇ ਚੋਰੀ ਹੋਣ ਤੋਂ ਬਾਅਦ ਪਰਿਵਾਰਕ ਮੈਂਬਰਾਂ ਵਿੱਚ ਭਾਰੀ ਨਿਰਾਸ਼ਾ ਹੈ। ਬੱਚਿਆਂ ਨੇ ਤਾਂ ਬੀਤੀ ਰਾਤ ਦਾ ਖਾਣਾ ਵੀ ਨਹੀਂ ਖਾਧਾ ਹੈ। ਸੰਨੀ ਹੁਣ ਇਸ ਮਾਮਲੇ ਦੀ ਪੁਲਿਸ ਨੂੰ ਸ਼ਿਕਾਇਤ ਵੀ ਕਰਨਗੇ। ਪਗ ਬ੍ਰੀਡ ਦਾ ਇਹ ਕੁੱਤਾ ਸਿਰਫ਼ 9 ਮਹੀਨੇ ਦਾ ਸੀ। ਜਿਸਨੂੰ ਸੰਨੀ ਨੇ ਨੇੜਲੇ ਦੀਪ ਹਸਪਤਾਲ ਤੋਂ 15 ਹਜ਼ਾਰ ਰੁਪਏ ਵਿੱਚ ਖਰੀਦਿਆ ਸੀ।