ਜਲੰਧਰ,(ਸੰਜੇ ਸ਼ਰਮਾ)-ਪਿਛਲੇ ਕਾਫੀ ਸਮੇਂ ਤੋਂ ਜਲੰਧਰ ਸ਼ਹਿਰ ਵਿਚ ਗੁਰਦੁਆਰਾ ਗੁਰੂ ਅਮਰਦਾਸ ਇਕਤਾ ਵਿਹਾਰ ਵਿੱਚ ਵਾਦ ਵਿਵਾਦ ਚੱਲ ਰਿਹਾ ਹੈ,ਜਿਸਨੂੰ ਲੈਕੇ ਇਲਾਕੇ ਦੀਆਂ ਸੰਗਤਾਂ ਵੱਲੋਂ ਸ੍ਰੀ ਅਕਾਲ ਤਖ਼ਤ ਸਾਹਿਬ ਵਿਖੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਜੀ ਨੂੰ ਸਿਕਾਇਤ ਪਤਰ ਦਿੱਤਾ ਗਿਆ ਸੀ। ਜਿਸ ਨੂੰ ਲੈ ਕੇ ਅੱਜ ਸ੍ਰੀ ਅਕਾਲ ਤਖ਼ਤ ਸਾਹਿਬ ਦੇ ਜਥੇਦਾਰ ਗਿਆਨੀ ਹਰਪ੍ਰੀਤ ਸਿੰਘ ਜੀ ਦੇ ਦਿਸਾ ਨਿਰਦੇਸਾ ਅਨੁਸਾਰ ਪੰਜ ਮੈਂਬਰੀ ਕਮੇਟੀ ਏਕਤਾ ਵਿਹਾਰ ਗੁਰੂ ਘਰ ਪਹੁੰਚੀ,ਜਿਨ੍ਹਾਂ ਨੇ ਸਮੁੱਚੇ ਇਲਾਕੇ ਦੀਆਂ ਸੰਗਤਾਂ ਕੋਲੋ ਜਾਣਕਾਰੀ ਹਾਸਲ ਕੀਤੀ,ਜਿਨ੍ਹਾਂ ਵਿੱਚ ਵੱਡੀ ਗਿਣਤੀ ਵਿੱਚ ਸਿੱਖ ਬੀਬੀਆਂ ਵੀ ਹਾਜ਼ਰ ਸਨ। ਪੰਜ ਮੈਂਬਰੀ ਕਮੇਟੀ ਵੱਲੋਂ ਹਰਜਿੰਦਰ ਸਿੰਘ ਏਕਤਾ ਵਿਹਾਰ ਨੂੰ ਵੀ ਬੁਲਾਇਆ ਗਿਆ ਸੀ,ਪਰ ਉਹ ਪੰਜ ਮੈਬਰੀ ਕਮੇਟੀ ਅੱਗੇ ਹਾਜਰ ਨਹੀ ਹੋਇਆ। ਸੰਗਤਾਂ ਵੱਲੋਂ ਗੁਰੂ ਘਰ ਵਿੱਚ ਮਾਣ ਮਰਿਆਦਾ ਦੇ ਉਲਟ ਚੱਲ ਰਹੀਆਂ ਕਾਰਵਾਈਆਂ ਬਾਰੇ ਦਸਿਆਂ। ਸੰਗਤਾਂ ਵਿੱਚ ਮੁਹਲਾਂ ਏਕਤਾ ਵਿਹਾਰ,ਗਰੀਨਵੂਡ ਐਵੀਨਿਉ,ਬੈਂਕ ਕਲੋਨ,ਬੈਂਕ ਇਨਕਲੇਵ, ਕੇਸ਼ਵ ਨਗਰ, ਰਾਜਾ ਗਾਰਡਨ, ਮੇਅਰ ਇਨਕਲੇਵ ਤੇ ਸ਼ਿਵ ਵਿਹਾਰ ਆਦਿ ਸੰਗਤਾਂ ਸਾਮਿਲ ਸਨ, ਸੰਗਤਾਂ ਵਿੱਚ ਸਰਦਾਰ ਜਰਨੈਲ ਸਿੰਘ,ਰਾਜਵੀਰ ਸਿੰਘ,ਸਤਵਿੰਦਰ ਸਿੰਘ,ਮੰਗਲ ਸਿੰਘ ਬੇਦੀ,ਅਮਨਦੀਪ ਸਿੰਘ,ਬਲਕਾਰ ਸਿੰਘ,ਬੀਬੀ ਪਰਮਜੀਤ ਕੌਰ, ਬੀਬੀ ਸਿਮਰਜੀਤ ਕੌਰ,ਸੁਰਿੰਦਰ ਕੌਰ, ਪ੍ਰੀਤ ਕੌਰ,ਨੀਤੁ ਕੋਰ,ਰਾਜਵੰਤ ਕੌਰ ਆਦਿ ਹਾਜਰ ਸਨ।
ਸੰਪਰਕ ਨੰਬਰ:- ਅਜੀਤ ਸਿੰਘ 78147-54048