ਜਲੰਧਰ, (ਸੰਜੇ ਸ਼ਰਮਾ)-ਹੰਸਰਾਜ ਮਹਿਲਾ ਮਹਾਵਿਦਿਆਲਾ ਪੀਜੀ ਵਿਭਾਗ ਗਣਿਤ ਵੱਲੋਂ ਡੀਬੀਟੀ ਸਟਾਰ ਸਕੀਮ ਅਧੀਨ ਵਿਦਿਆਰਥਣਾਂ ਲਈ ਪੁਸ਼ਪਾ ਗੁਜਰਾਲ ਸਾਇੰਸ ਸਿਟੀ ਅਤੇ ਸੁਲਤਾਨਪੁਰ ਲੋਧੀ ਗੁਰੂਦੁਆਰਾ ਸਾਹਿਬ ਵਿਖੇ ਐਜੂਕੇਸ਼ਨਲ ਟਿ੍ਰਪ ਦਾ ਆਯੋਜਨ ਕੀਤਾ ਗਿਆ। ਇਸ ਟੂਰ ਵਿੱਚ ਬੀ.ਏ./ਬੀ.ਐਸ.ਸੀ. ਗਣਿਤ ਦੀਆਂ ਵਿਦਿਆਰਥਣਾਂ ਸ਼ਾਮਲ ਸਨ। 51 ਵਿਦਿਆਰਥਣਾਂ ਦੇ ਗਰੁੱਪ ਨਾਲ ਡਾ. ਦੀਪਾਲੀ ਅਤੇ ਸੁਸ਼੍ਰੀ ਚਰਨਜੀਤ ਕੌਰ ਗਏ ਸਨ। ਸਾਇੰਸ ਸਿਟੀ ਦਾ ਇਹ ਦੌਰਾ ਵਿਦਿਆਰਥਣਾਂ ਲਈ ਕਾਫੀ ਲਾਭਦਾਇਕ ਰਿਹਾ। ਉਨ੍ਹਾਂ ਨੇ ਗਣਿਤ, ਬਾਇਓਲੋਜੀ ਦਾ ਅਦਭੁੱਤ ਸੰਗਮ ਵੇਖਿਆ। ਵਿਦਿਆਰਥਣਾਂ ਨੇ ਸਾਇੰਸ ਸਿਟੀ ਦਾ ਡਾਇਨਾਸੋਰ ਪਾਰਕ ਵੀ ਵੇਖਿਆ। ਇਸ ਤੋਂ ਬਾਅਦ ਉਨ੍ਹਾਂ ਨੇ ਸੁਲਤਾਨਪੁਰ ਲੋਧੀ ਵਿਖੇ ਗੁਰੂਦੁਆਰਾ ਸਾਹਿਬ ਜੀ ਵਿਖੇ ਵੀ ਮੱਥਾ ਟੇਕਿਆ। ਪਿ੍ਰੰਸੀਪਲ ਪ੍ਰੋ. ਡਾ. (ਸ਼੍ਰੀਮਤੀ) ਅਜੇ ਸਰੀਨ ਨੇ ਗਣਿਤ ਵਿਭਾਗ ਮੁਖੀ ਡਾ. ਗਗਨਦੀਪ ਅਤੇ ਹੋਰ ਫੈਕਲਟੀ ਮੈਂਬਰਾਂ ਨੂੰ ਵਧਾਈ ਦਿੱਤੀ ਅਤੇ ਕਿਹਾ ਕਿ ਇਹ ਟਿ੍ਰਪ ਵਿਦਿਆਰਥਣਾਂ ਲਈ ਕਾਫੀ ਲਾਭਦਾਇਕ ਰਿਹਾ।