ਜਲੰਧਰ, ਨਵੇਂ ਵਿਆਹੇ ਗੁਰਸਿੱਖ ਜੋੜੇ ਸਰਦਾਰ ਅਨਮੋਲ ਸਿੰਘ ਅਤੇ ਬੀਬਾ ਜਸਮੀਤ ਕੌਰ ਨੇ ਆਪਣੇ ਆਨੰਦ ਕਾਰਜ ਨੂੰ ਯਾਦਗਾਰ ਬਨਾਉਣ ਲਈ ਵਿਆਹ ਦੀ ਪਾਰਟੀ ( ਸ਼ੁਕਰਾਨਾ ਸਮਾਗਮ) ਗੁਰਦੁਆਰਾ ਦੁੱਖ ਨਿਵਾਰਨ ਸਾਹਿਬ ਗੁਰੂ ਤੇਗ ਬਹਾਦਰ ਨਗਰ ਜਲੰਧਰ ਕਰਾਇਆ ਅਤੇ ਇਸ ਸਮਾਗਮ ਵਿੱਚ ਧੰਨ ਧੰਨ ਸ੍ਰੀ ਗੁਰੂ ਨਾਨਕ ਦੇਵ ਜੀ ਦਾ ਸ਼ੁਕਰਾਨਾ ਕਰਦੇ ਹੋਏ ਉਨ੍ਹਾਂ ਦੇ 556ਵੇ ਪ੍ਰਕਾਸ਼ ਪੁਰਬ ਦੇ ਆਗਮਨ ‘ਚ 556 ਬੂਟਿਆਂ ਅਤੇ ਕੱਪੜੇ ਦੇ ਥੈਲੇਆਂ ਦਾ ਲੰਗਰ ਲਗਾਇਆ। ਨਵੇਂ ਵਿਆਹੇ ਜੋੜੇ ਦੇ ਪਰਿਵਾਰ ਵਲੋਂ ਸਰਦਾਰ ਕਰਨਪ੍ਰੀਤ ਸਿੰਘ ਜੀ ਨੇ ਆਪਣੀ ਇਹ ਇੱਛਾ ਤੇਰਾ ਤੇਰਾ ਹੱਟੀ ਦੇ ਮੁੱਖ ਸੇਵਾਦਾਰ ਤਰਵਿੰਦਰ ਸਿੰਘ ਰਿੰਕੂ ਨੂੰ ਦਸੀ ਅਤੇ ਤੇਰਾ ਤੇਰਾ ਹੱਟੀ ਜਲੰਧਰ ਅਤੇ ਏਕ ਜਰੀਆ ਫਾਊਡੇਸ਼ਨ ਦੇ ਸਹਿਯੋਗ ਨਾਲ ਪੂਰੀ ਕੀਤੀ, ਇਸ ਸੇਵਾ ਵਿੱਚ ਤੇਰਾ ਤੇਰਾ ਹੱਟੀ ਦੇ ਮੁੱਖ ਸੇਵਾਦਾਰ ਤਰਵਿੰਦਰ ਸਿੰਘ ਰਿੰਕੂ,ਗੁਰਦੀਪ ਸਿੰਘ ਕਾਰਵਾਂ, ਸਰਬਜੀਤ ਸਿੰਘ,ਪਰਵਿੰਦਰ ਸਿੰਘ ਖਾਲਸਾ,ਯਾਦਵਿੰਦਰ ਸਿੰਘ, ਦਲਜੀਤ ਸਿੰਘ ਸੰਧੂ,ਅਮਨਦੀਪ ਸਿੰਘ,ਹਰਤਰਮਨ ਸਿੰਘ,ਮਨਦੀਪ ਕੌਰ ਅਤੇ ਸੇਵਾਦਾਰਾਂ ਨੇ ਕੀਤੀ। ਇਸ ਸਮਾਗਮ ਵਿੱਚ ਸ਼ਹੀਦ ਭਾਈ ਮਨੀ ਸਿੰਘ ਕੀਰਤਨ ਸੇਵਾ ਸੁਸਾਇਟੀ, ਧੰਨ ਮਾਤਾ ਗੁਜ਼ਰੀ ਸੇਵਾ ਸੁਸਾਇਟੀ ਅਤੇ ਸ੍ਰੀ ਗੁਰੂ ਤੇਗ ਬਹਾਦਰ ਜੀ ਸੇਵਾ ਸੁਸਾਇਟੀ ਨੇ ਆਪਣਾ ਸਹਿਯੋਗ ਪਾਇਆ।
ਇਸ ਸ਼ੁਕਰਾਨਾ ਸਮਾਗਮ ਵਿੱਚ ਪੂਰੇ ਪੰਜਾਬ ਤੋਂ ਧਾਰਮਿਕ ਅਤੇ ਸਮਾਜਿਕ ਜਥੇਬੰਦੀਆਂ ਨੇ ਸ਼ਿਰਕਤ ਕੀਤੀ। ਅਤੇ ਗੱਤਕਾ ਪਾਰਟੀ ਦੇ ਨੌਜਵਾਨਾਂ ਨੇ ਆਪਣੇ ਜੌਹਰ ਦਿਖਾਏ।।