ਭਾਰਤ ਦੀ ਅੰਡਰ-19 ਪੁਰਸ਼ ਕ੍ਰਿਕਟ ਟੀਮ ਨੇ ਹਾਲ ਹੀ ਵਿੱਚ ਬੰਗਲਾਦੇਸ਼ ਤੋਂ ਏਸ਼ੀਆ ਕੱਪ ਦਾ ਖਿਤਾਬ ਗੁਆ ਦਿੱਤਾ ਸੀ। ਬੰਗਲਾਦੇਸ਼ ਨੇ ਭਾਰਤ ਨੂੰ ਹਰਾ ਕੇ ਦੂਜੀ ਵਾਰ ਇਹ ਖਿਤਾਬ ਜਿੱਤਿਆ ਹੈ। ਪਰ ਹੁਣ ਭਾਰਤ ਦੀ ਮਹਿਲਾ ਅੰਡਰ-19 ਟੀਮ ਨੇ ਬਦਲਾ ਲੈ ਲਿਆ ਹੈ। 22 ਦਸੰਬਰ ਦਿਨ ਐਤਵਾਰ ਨੂੰ ਦੋਵਾਂ ਦੇਸ਼ਾਂ ਦੀਆਂ ਅੰਡਰ-19 ਟੀਮਾਂ ਵਿਚਾਲੇ ਏਸ਼ੀਆ ਕੱਪ ਦਾ ਫਾਈਨਲ ਖੇਡਿਆ ਗਿਆ। ਇਸ ਵਿੱਚ ਭਾਰਤ ਨੇ ਬੰਗਲਾਦੇਸ਼ ਨੂੰ ਹਰਾਇਆ।ਮਹਿਲਾ ਅੰਡਰ-19 ਏਸ਼ੀਆ ਕੱਪ 2024 ਟੀ-20 ਫਾਰਮੈਟ ਵਿੱਚ ਖੇਡਿਆ ਗਿਆ।

ਭਾਰਤ ਦੀ ਗੋਂਗੜੀ ਤ੍ਰਿਸ਼ਾ (ਜੀ ਤ੍ਰਿਸ਼ਾ) ਨੇ ਇਸ ਟੂਰਨਾਮੈਂਟ ਵਿੱਚ ਸਭ ਤੋਂ ਵੱਧ ਦੌੜਾਂ ਬਣਾਈਆਂ ਹਨ। ਫਾਈਨਲ ਤੋਂ ਪਹਿਲਾਂ ਸ਼੍ਰੀਲੰਕਾ ਦੀ ਖਿਡਾਰਨ ਮਨੁਦੀ ਨਾਨਾਯੱਕਰਾ ਸਭ ਤੋਂ ਵੱਧ ਦੌੜਾਂ ਬਣਾਉਣ ਵਾਲੀ ਖਿਡਾਰਣ ਸੀ। ਹਾਲਾਂਕਿ ਫਾਈਨਲ ਮੈਚ ‘ਚ ਅਰਧ ਸੈਂਕੜਾ ਲਗਾ ਕੇ ਤ੍ਰਿਸ਼ਾ ਪਹਿਲੇ ਮਹਿਲਾ ਅੰਡਰ-19 ਏਸ਼ੀਆ ਕੱਪ ‘ਚ ਸਭ ਤੋਂ ਜ਼ਿਆਦਾ ਦੌੜਾਂ ਬਣਾਉਣ ਵਾਲੀ ਖਿਡਾਰਨ ਬਣ ਗਈ। 5 ਮੈਚਾਂ ‘ਚ ਉਸ ਦੇ ਬੱਲੇ ਤੋਂ ਕੁੱਲ 159 ਦੌੜਾਂ ਬਣੀਆਂ ਹਨ। ਬੰਗਲਾਦੇਸ਼ ਖ਼ਿਲਾਫ਼ ਫਾਈਨਲ ਵਿੱਚ ਉਸ ਨੇ 47 ਗੇਂਦਾਂ ਵਿੱਚ ਪੰਜ ਚੌਕਿਆਂ ਤੇ ਦੋ ਛੱਕਿਆਂ ਦੀ ਮਦਦ ਨਾਲ 52 ਦੌੜਾਂ ਬਣਾਈਆਂ।