ਹਰਿਆਣਾ ਦੇ ਕਰਨਾਲ ਦੇ ਪਿੰਡ ਮੰਗਲੌਰਾ ਨੇੜੇ ਯਮੁਨਾ ਨਦੀ ‘ਚ 2 ਬੱਚੇ ਡੁੱਬ ਗਏ। ਦੋਵੇਂ ਸਕੇ ਭਰਾ ਸਨ। ਕਰਨਾਲ ਦੇ ਤਰਾਵੜੀ ਦਾ ਰਹਿਣ ਵਾਲਾ ਪਰਿਵਾਰ ਇਥੇ ਕਾਰ ਵਿਚ ਘੁੰਮਣ ਆਇਆ ਸੀ। ਇਸ ਦੌਰਾਨ ਮੰਗਲੌਰਾ ਪੁਲ ਦੇ ਥੱਲੇ ਯਮੁਨਾ ਨਦੀ ਨੇੜੇ ਚਲਾ ਗਿਆ।ਮਾਤਾ-ਪਿਤਾ ਅਤੇ ਬੱਚਾ ਖੜੇ ਹੋ ਕੇ ਨਦੀ ਵੱਲ ਦੇਖ ਰਹੇ ਸਨ। ਇਸ ਦੌਰਾਨ ਦੋਵੇਂ ਲੜਕੇ ਨਦੀ ‘ਚ ਨਹਾਉਣ ਚਲੇ ਗਏ। ਨਦੀ ਦੀ ਡੂੰਘਾਈ ਬਹੁਤ ਜ਼ਿਆਦਾ ਸੀ ਅਤੇ ਦੇਖਦੇ ਹੀ ਦੇਖਦੇ ਉਹ ਯਮੁਨਾ ਵਿੱਚ ਡੁੱਬ ਗਏ। ਪਿਤਾ ਨੇ ਨਦੀ ‘ਚ ਜਾ ਕੇ ਉਨ੍ਹਾਂ ਨੂੰ ਬਚਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਉਹ ਕੁਝ ਨਹੀਂ ਕਰ ਸਕਿਆ। ਮਾਂ-ਬਾਪ ਅਤੇ ਭੈਣ ਦੀਆਂ ਅੱਖਾਂ ਸਾਹਮਣੇ ਯਮੁਨਾ ਨਦੀ ਨੇ ਦੋਹਾਂ ਭਰਾਵਾਂ ਨੂੰ ਆਪਣੀ ਲਪੇਟ ‘ਚ ਲੈ ਲਿਆ।

ਵੱਡਾ ਭਰਾ ਸਾਗਰ ਦਾ ਦਾਖਲ ਆਈਆਈਟੀ ਮਦਰਾਸ ਵਿੱਚ ਹੋਇਆ ਸੀ। ਉਹ ਛੁੱਟੀ ‘ਤੇ ਘਰ ਆਇਆ ਸੀ। ਉਸ ਦਾ ਸੁਪਨਾ ਕੰਪਿਊਟਰ ਇੰਜੀਨੀਅਰ ਬਣਨ ਦਾ ਸੀ। ਛੋਟਾ ਭਰਾ ਸੁਸ਼ਾਂਤ 10ਵੀਂ ਜਮਾਤ ‘ਚ ਪੜ੍ਹਦਾ ਸੀ ਪਰ ਥੋੜ੍ਹੀ ਜਿਹੀ ਲਾਪਰਵਾਹੀ ਕਾਰਨ ਦੋਵੇਂ ਭਰਾ ਹਾਦਸੇ ਦਾ ਸ਼ਿਕਾਰ ਹੋ ਗਏ। ਸੂਚਨਾ ਮਿਲਦੇ ਹੀ ਆਸ-ਪਾਸ ਦੇ ਪਿੰਡਾਂ ਦੇ ਲੋਕ ਪਹੁੰਚ ਗਏ।ਇਹ ਇਲਾਕਾ ਯੂਪੀ ਪੁਲਿਸ ਦਾ ਵੀ ਪੈਂਦਾ ਸੀ, ਇਸ ਲਈ ਹਰਿਆਣਾ ਅਤੇ ਯੂਪੀ ਦੋਵਾਂ ਰਾਜਾਂ ਦੀ ਪੁਲਿਸ ਨੇ ਮੌਕੇ ’ਤੇ ਪਹੁੰਚ ਕੇ ਉਨ੍ਹਾਂ ਦਾ ਪਤਾ ਲਾਉਣ ਦੀ ਕੋਸ਼ਿਸ਼ ਕੀਤੀ ਪਰ ਦੋਵਾਂ ਬਾਰੇ ਕੁਝ ਪਤਾ ਨਹੀਂ ਲੱਗਾ। ਹੁਣ ਇਕ ਵਾਰ ਫਿਰ ਐਤਵਾਰ ਨੂੰ ਦੋਵਾਂ ਨੂੰ ਲੱਭਣ ਦੀ ਕੋਸ਼ਿਸ਼ ਕੀਤੀ ਜਾਵੇਗੀ।