ਜਲੰਧਰ, (ਸੰਜੇ ਸ਼ਰਮਾ)-ਹੰਸ ਰਾਜ ਮਹਿਲਾ ਮਹਾਵਿਦਿਆਲਾ ਵਿਖੇ ਪਿੰ੍ਰਸੀਪਲ ਪ੍ਰੋ. ਡਾ. (ਸ਼੍ਰੀਮਤੀ) ਅਜੇ ਸਰੀਨ ਦੀ ਯੋਗ ਅਗਵਾਈ ਅਤੇ ਨਾਸਕਾਮ ਤੇ ਭਾਰਤ ਸਰਕਾਰ ਦੇ ਆਈ.ਟੀ. ਮੰਤਰਾਲੇ ਦੇ ਵਿਸ਼ੇਸ਼ ਸਹਿਯੋਗ ਨਾਲ ਫਿੳੂਚਰ ਸਕਿਲ ਟਾਈਮ ਵਿਸ਼ੇ ਤੇ ਇਕ ਰੋਜ਼ਾ ਸੈਮੀਨਾਰ ਦਾ ਆਯੋਜਨ ਕੀਤਾ ਗਿਆ। ਇਸ ਮੌਕੇ ਸ਼੍ਰੀ ਸੰਕਲਪ ਮਦਾਨ ਨੇ ਮੁੱਖ ਮਹਿਮਾਨ ਵਜੋਂ ਸ਼ਿਰਕਤ ਕੀਤੀ। ਉਨ੍ਹਾਂ ਕਿਹਾ ਕਿ ਇੰਡਸਟਰੀ ਵਿੱਚ ਸਕਿੱਲ ਦੀ ਬਹੁਤ ਮੰਗ ਹੈ ਜਿਸ ਕਰਕੇ ਇੰਡਸਟਰੀ ਵੱਲੋਂ ਕੁਝ ਸਕਿੱਲ ਕੋਰਸ ਡਿਜਾਈਨ ਕੀਤੇ ਗਏ ਹਨ। ਉਨ੍ਹਾਂ ਨੇ ਸਰਟੀਫਿਕੇਸ਼ਨ ਦੇ ਲਈ ਕੈਰੀਅਰ ਪੋਰਟਲ, ਆਰਟੀਫਿਸ਼ੀਅਲ, ਇੰਟੈਲੀਜੈਂਸ ਅਤੇ ਪ੍ਰੋਫੈਸ਼ਨਲ ਸਕਿੱਲ ਆਦਿ ਲਈ ਉਪਲੱਬਧ ਫਾੳੂਂਡੇਸ਼ਨ ਅਤੇ ਬਿ੍ਰਜ ਕੋਰਸਾਂ ਬਾਰੇ ਜਾਣਕਾਰੀ ਦਿੱਤੀ। ਉਨ੍ਹਾਂ ਨੇ ਅਧਿਆਪਕਾਂ ਨੂੰ ਵਿਭਿੰਨ ਪ੍ਰੋਗਰਾਮਾਂ ਬਾਰੇ ਜਾਣਕਾਰੀ ਦਿੱਤੀ ਤਾਂ ਕਿ ਉਹ ਵਿਦਿਆਰਥੀਆਂ ਨੂੰ ਇਹ ਗਿਆਨ ਪ੍ਰਦਾਨ ਕਰਵਾ ਸਕਣ। ਸੈਮੀਨਾਰ ਦੇ ਅੰਤ ਵਿੱਚ ਕੋਆਰਡੀਨੇਟਰ ਸ਼੍ਰੀ ਜਗਜੀਤ ਭਾਟੀਆ ਨੇ ਆਏ ਹੋਏ ਸਾਰੇ ਮਹਿਮਾਨਾਂ ਦਾ ਧੰਨਵਾਦ ਕੀਤਾ ਅਤੇ ਭਵਿੱਖ ਵਿੱਚ ਅਜਿਹੇ ਸੈਮੀਨਾਰ ਆਯੋਜਨ ਕਰਦੇ ਰਹਿਣ ਦਾ ਆਸ਼ਵਾਸਨ ਪ੍ਰਗਟ ਕੀਤਾ।