ਜਲੰਧਰ, ਕੰਨਿਆ ਮਹਾਂ ਵਿਦਿਆਲਾ ਐਨ.ਸੀ.ਸੀ. ਕੈਡਿਟ ਲਗਾਤਾਰ ਵੱਖ- ਵੱਖ ਗਤੀਵਿਧੀਆਂ ਵਿੱਚ ਆਪਣੀ ਸ਼ਾਨਦਾਰ ਕਾਰਗੁਜ਼ਾਰੀ ਨਾਲ ਕਾਲਜ ਦਾ ਨਾਂ ਰੌਸ਼ਨ ਕਰ ਰਹੇ ਹਨ। ਇਸ ਲੜੀ ਵਿੱਚ
ਕੇ.ਐਮ.ਵੀ. ਦੀ ਸਾਰਜੈਂਟ ਮੁਸਕਾਨ ਚੌਹਾਨ ਅਤੇ ਐਲ.ਸੀ.ਪੀ.ਐਲ. ਮਾਨਸੀ ਨੇ ਸਿਕੰਦਰਾਬਾਦ, ਤੇਲੰਗਾਨਾ ਵਿਖੇ ਆਯੋਜਿਤ ਏਕ ਭਾਰਤ ਸ੍ਰੇਸ਼ਠ ਭਾਰਤ-1, 2023 ਵਿੱਚ ਭਾਗ ਲੈਂਦੇ ਹੋਏ ਆਪਣੇ ਸ਼ਾਨਦਾਰ ਪ੍ਰਦਰਸ਼ਨ ਨਾਲ ਵਿਦਿਆਲਾ ਦਾ ਨਾਮ ਰੌਸ਼ਨ ਕੀਤਾ। ਇਸ ਦੇ ਨਾਲ ਹੀ ਉਹ ਰੱਸਾਕਸ਼ੀ ਅਤੇ ਖੋ-ਖੋ ਵਿੱਚ ਚਾਂਦੀ ਦੇ ਤਗਮੇ ਹਾਸਿਲ ਕੀਤੇ। ਐਲ.ਸੀ.ਪੀ.ਐਲ. ਮਾਨਸੀ ਨੇ ਵੀ ਰੱਸਾਕਸ਼ੀ ਮੁਕਾਬਲੇ ਵਿੱਚ ਚਾਂਦੀ ਦਾ ਤਗ਼ਮਾ ਜਿੱਤਿਆ। ਵਰਨਣਯੋਗ ਹੈ ਕਿ ਇਸ ਕੈਂਪ ਦੌਰਾਨ ਖੋ-ਖੋ, ਬਾਸਕਟਬਾਲ, ਟੱਗ ਆਫ ਵਾਰ,ਸਮੂਹ ਗੀਤ, ਗਰੁੱਪ ਡਾਂਸ ਐਨ.ਆਈ.ਏ.ਪੀ.ਪੇਸ਼ਕਾਰੀਆਂ ਜਿਹੇ ਮੁਕਾਲਿਆਂ ਆਦਿ ਦੇ ਆਯੋਜਨ ਦੇ ਨਾਲ-ਨਾਲ ਐਨ.ਸੀ.ਸੀ. ਕੈਡਿਟਾਂ ਨੂੰ ਹੈਦਰਾਬਾਦ ਦੇ ਗੋਲਕੁੰਡਾ ਕਿਲ੍ਹੇ, ਸੈਕਟਰੀਏਟ ਅਤੇ ਸਹਿਜ ਮਾਰਗ ਅਧਿਆਤਮਿਕਤਾ ਫਾਊਂਡੇਸ਼ਨ ਦਾ ਦੌਰਾ ਵੀ ਕੀਤਾ ਗਿਆ। ਪ੍ਰਿੰਸੀਪਲ ਪ੍ਰੋ: ਅਤਿਮਾ ਸ਼ਰਮਾ ਦਿਵੇਦੀ ਨੇ ਸਾਰਜੈਂਟ ਮੁਸਕਾਨ ਅਤੇ ਐਲ.ਸੀ.ਪੀ.ਐਲ. ਮਾਨਸੀ ਨੂੰ ਉਸ ਦੀ ਵਿਸ਼ੇਸ਼ ਪ੍ਰਾਪਤੀ ‘ਤੇ ਵਧਾਈ ਦਿੰਦਿਆਂ ਐਨ.ਸੀ.ਸੀ. ਵਿਭਾਗ ਵੱਲੋਂ ਵਿਦਿਆਰਥਣਾਂ ਨੂੰ ਦਿੱਤੇ ਜਾ ਰਹੇ ਯੋਗ ਮਾਰਗਦਰਸ਼ਨ ਦੀ ਸ਼ਲਾਘਾ ਕੀਤੀ।