ਪੰਜਾਬੀ ਗਾਇਕ ਗੁਲਾਬ ਸਿੱਧੂ ਅਤੇ ਸੋਸ਼ਲ ਵਰਕਰ ਅਨਮੋਲ ਕਵਾਤਰਾ ਵਿਚਾਲੇ ਚੱਲ ਰਹੀ ਕੰਟਰੋਵਰਸੀ ਹੁਣ ਸੋਸ਼ਲ ਮੀਡੀਆ ‘ਤੇ ਆ ਗਈ ਹੈ। ਗੁਲਾਬ ਸਿੱਧੂ ਨੇ ਕਾਰ ਚਲਾਉਂਦੇ ਹੋਏ ਇੱਕ ਵੀਡੀਓ ਪੋਸਟ ਕੀਤੀ, ਜਿਸ ਵਿੱਚ ਅਨਮੋਲ ਦਾ ਨਾਮ ਲਏ ਬਿਨਾਂ ਉਸ ‘ਤੇ ਪੌਡਕਾਸਟ ਵਿੱਚ ਆਉਣ ਦੇ ਬਦਲੇ 2-3 ਲੱਖ ਰੁਪਏ ਮੰਗਣ ਦੇ ਦੋਸ਼ ਲਗਾਏ। ਸਿੱਧੂ ਦੀ ਵੀਡੀਓ ਤੋਂ ਬਾਅਦ ਕਵਾਤਰਾ ਨੂੰ ਸੋਸ਼ਲ ਮੀਡੀਆ ‘ਤੇ ਟ੍ਰੋਲ ਕੀਤਾ ਜਾਣ ਲੱਗਾ। ਅਨਮੋਲ ਨੇ ਪਹਿਲਾਂ ਇਸ ਮਾਮਲੇ ‘ਤੇ ਚੁੱਪੀ ਸਾਧੀ ਰੱਖੀ, ਪਰ ਜਦੋਂ ਟ੍ਰੋਲਿੰਗ ਵਧ ਗਈ ਤਾਂ ਉਸ ਨੇ ਸੋਸ਼ਲ ਮੀਡੀਆ ‘ਤੇ ਇੱਕ ਵੀਡੀਓ ਪੋਸਟ ਕੀਤੀ। ਉਨ੍ਹਾਂ ਕਿਹਾ ਕਿ ਗੁਲਾਬ ਸਿੱਧੂ ਦੀਆਂ ਗੱਲਾਂ ਦਾ ਜਵਾਬ ਅਗਲੇ ਐਤਵਾਰ ਨੂੰ ਦੇਵਾਂਗਾ। ਗੁਲਾਬ ਸਿੱਧੂ ਮੇਰਾ ਭਰਾ ਹੈ ਅਤੇ ਮਰਨ ਤੱਕ ਰਹੇਗਾ।

ਗੁਲਾਬ ਸਿੱਧੂ ਨੇ ਭਾਵੇਂ ਮੇਰੇ ਨਾਲ ਰਿਸ਼ਤਾ ਖਤਮ ਕਰਨ ਦੀ ਗੱਲ ਕਹਿ ਦਿੱਤੀ ਹੈ, ਪਰ ਮੇਰਾ ਰਿਸ਼ਤਾ ਉਸ ਨਾਲ ਹਮੇਸ਼ਾ ਰਹੇਗਾ। ਮੈਂ ਅੱਜ ਵੀ ਫਿਲਮ ਇੰਡਸਟਰੀ ਵਿੱਚ ਉਸ ਨੂੰ ਸਭ ਤੋਂ ਵਧੀਆ ਕਲਾਕਾਰ ਮੰਨਦਾ ਹਾਂ। ਹੁਣ ਦੇਖਣਾ ਹੋਵੇਗਾ ਕਿ ਅਗਲੇ ਐਤਵਾਰ ਅਨਮੋਲ ਕਵਾਤਰਾ ਗੁਲਾਬ ਸਿੱਧੂ ਬਾਰੇ ਕੀ ਖੁਲਾਸਾ ਕਰਦੇ ਹਨ।