ਜਲੰਧਰ, (ਸੋਸ਼ਲ ਮੀਡੀਆ)–ਫੁੱਟਬਾਲ ਚੌਂਕ ਨੇੜੇ ਸਥਿਤ GS Honda ਦੇ ਸ਼ੋਅਰੂਮ ਤੋਂ ਕਰੀਬ 23 ਦਿਨ ਪਹਿਲਾਂ ਖਰੀਦੀ ਗਈ Activa ਨੂੰ ਲੈ ਕੇ ਇੱਕ ਵਿਅਕਤੀ ਵੱਲੋਂ ਵਾਹਨ ਸਬੰਧੀ ਸ਼ਿਕਾਇਤ ਦੇ ਦਾਅਵੇ ਤੋਂ ਬਾਅਦ ਮਾਮਲਾ ਚਰਚਾ ਵਿੱਚ ਆਇਆ। ਦੀਪਕ ਨਾਮਕ ਵਿਅਕਤੀ ਨੇ ਵਾਹਨ ਵਿੱਚ ਤੇਲ ਪਾਉਣ ਸਬੰਧੀ ਸਮੱਸਿਆ ਹੋਣ ਦੇ ਦੋਸ਼ ਲਗਾਏ ਅਤੇ ਮਾਮਲਾ ਪੁਲਿਸ ਤੱਕ ਪਹੁੰਚਣ ਦੀ ਸਥਿਤੀ ਵੀ ਬਣੀ।
ਇਸ ਤੋਂ ਬਾਅਦ GS Honda ਵੱਲੋਂ Activa ਦੀ ਜਾਂਚ ਕੀਤੀ ਗਈ। ਜਾਂਚ ਦੌਰਾਨ HT Coil ਦੀ ਤਾਰ ਢਿੱਲੀ ਪਾਈ ਗਈ, ਜਿਸਨੂੰ ਤਕਨੀਕੀ ਟੀਮ ਵੱਲੋਂ ਠੀਕ ਕਰ ਦਿੱਤਾ ਗਿਆ। ਇਸ ਉਪਰੰਤ ਗਾਹਕ ਨੂੰ ਬੁਲਾ ਕੇ ਵਾਹਨ ਦੀ ਦੁਬਾਰਾ ਜਾਂਚ ਅਤੇ ਟੈਸਟ ਰਾਈਡ ਕਰਵਾਈ ਗਈ।
ਜਾਰੀ ਕੀਤੇ ਗਏ ਸੰਤੁਸ਼ਟੀ ਨੋਟ ਮੁਤਾਬਕ ਟੈਸਟ ਰਾਈਡ ਦੌਰਾਨ ਵਾਹਨ ਦੀ ਕਾਰਗੁਜ਼ਾਰੀ ਤਸੱਲੀਬਖ਼ਸ਼ ਰਹੀ ਅਤੇ ਕੋਈ ਹੋਰ ਖ਼ਰਾਬੀ ਸਾਹਮਣੇ ਨਹੀਂ ਆਈ। HT Coil ਦੀ ਤਾਰ ਠੀਕ ਕੀਤੇ ਜਾਣ ਤੋਂ ਬਾਅਦ ਮਾਮਲਾ ਸ਼ਾਂਤ ਹੋ ਗਿਆ।
